1 Yohane 2:16 - Mawu a Mulluku

¹⁶ Erive ello enakhalla mu ellapo yavatthi wonanko minkhella ddoonanara, ddoopaalla dda athu ni nnddo enooniiwa ni erive ello ya mu ellapweella eyo athu enakotelliiwa, ddittheddenenndda khaddinavenyera wa Attiitthiihu koma ddinavenyera mu ellapo yavatthi.

1 Yohane 2:16 ပူးပေါင်းရင်းမြစ်များ

Aroma 13:14

Koma muwaakhullelle Apwiya Yesu Khrisitu wi ekhalle yoowaraanyu yakhoto. Nave muhiiwellelleke omuthwaanyu voopaallani okwakhwaniha minkhella ddiwa.

Agalatiya 5:17

Vawi ddoopaalla dda omuthwaahu tti ddoovaanyana ni ddoopaalla dda Munepa nave ddoopaalla dda Munepa tti ddoovaanyana ni ddoopaalla dda omuthwaahu. Ddeko piilli ddenndda tti ddawiitana, sika khamuwora weera eyo munapaalleenyu weera.

Genesis 3:6

Vano mutthiyanooyo oonilleeye wi muteekhooyo waari wooreera, ezipasonnddo ddaari ddoophwanella oddiva voochani nave wi ezipasonnddo ttuumweeriha wi akhalle eezeru, sika aarukullawo ezipaso dda muteekhooyo nave aacha. Vano ddimodda aaya amuvaha mamune nave olliyettho aacha.

Miyambo 27:20

O ellapo ya ookhwa ni woonongeya khonavona nave miittho a muthu khenavona.

Aefeso 2:3

Hiyaano attheene naari wonanko yaayo nave naaniiwellella minkhella dda omuthwaahu, weera ddoopaalla ddittheddene dda miilli ddahu ni maganizwaahu. Kaambiiwa hiyaano niri wonanko arive muthu, naaphwanella ohoosiwa ni osha murima wa Mulluku.

Yakobo 3:15

Ezeru ddenndda khaddinavenyera oddullu koma tti dda vatthi vaava, ohiri ddoovenyera wa Munepa Waweella koma wa minepa ddoonanara.

1 Petro 2:11

Kinimuuvekani nyuwaano ookondiwaaka wi muhaakhullelleke minkhella dda mwiilli nnddo ddinawana ni Munepa vawi nyuwaano mu ellapweella muri wonanko alleto ni oothawa owaniwa.

2 Petro 2:10

Makamaka ayo enathwara minkhella ddiwa ddoonanara dda omuthu nave enavevulla olamulello wa Mulluku. Ahuddihi awoottha yaalla tti awiitukhulla ni awiiwa ddayiwave nave khenavelleella olemu wa ootitimiheya ooddullu koma enamullotella epewe.

Yoswa 7:21

Variyari va eyuumeelle, kahoonavo mukanjo wooreera wa o Babiloni ni makilogaramu meelli a siliva navettho mwitthi wa golide woollemella hafu kilogaramu. Ddittheddenenndda kaaddipaalla wunchichi nave kaaddaakha. Muneeroddiphwanya variyari va musasaaka mvo kiddivitthalleemi. Muneeromuphwanya siliva vatthi va ddeko ddimoddannddo.”

Tito 2:12

Echisomweella enanihuddiha hiyaano ohiya makhallello oochimwa navettho minkhella dda ellapo yavatthi nave wi nikhalle awiihiiha, oolungama ni oomulluku mu ellapweella.

Masalimo 78:18

Alliwa yaanamweesa Mulluku mwaphudda, voomuwatiherani wi aavahe yoocha eyo yapaalliiwa.

2 Petro 2:18

Enallota ddookota ni ddookarangeya nave ennaalleka athu ayo ethawille wene ovenyera variyari va ayo enakhalla mu machimo voopharihani mitteko minkhella ddiwa dda omuthu.

1 Petro 1:14

Mumwiiwellelleke Mulluku, okumaanyu ohilamulelliweke ni minkhella mwathwareenyu khalle moohidduwella.

Tito 3:3

Vawi hiyaanottho khalle naari ookarangeya, oohiiwellella, oohollosiwa, akaporo a minkhella ni ddoohakallalliha ddoohiyanahiyana. Nakhallella weera ddoonanara ni ehache naari awiitana ni oonyambusana mmodda ni mukhwaaye.

Mateyu 5:28

Koma miyaano kinuulleellani wi, arive muthu anamuweha mutthiyana navettho anamupaalla, ooraruwana khalle m'murimani mwaye.

Masalimo 73:6

Ennawara wiitukhulla wonanko mukhova wa mukohi ennawara ekuku wonanko malaya.

Yobu 31:1

Kaakeraatthiha echipangano ni miitthwaaka, ngiwa kimuweha namwalli moomusilila.

Luka 4:5

Vano Satana aamukusa Yesu awellana vaddullu nave va enthawi yooyeva aamooniha moomwene mattheene a va ellapo yavatthimva.

Agalatiya 5:24

Nave ayo eri a Khrisitu Yesu aatthomeya vamutandani omuthwiiwa ni ddoopaalla ddiwa ni minkhella ddiwa.

Numeri 11:4

Enthawi yeeyo athu awaanganyera ayo yaari variyari viwa yaakhalla ni ekhwillu. Aisraelettho yahaamba okhupanya, ellota wi, “Ttaani anaanivahe enama wi niyiche?

Mateyu 4:8

Vano Satana aamukusella Yesu vamwaangoni woorekamesesa navettho aamooniha moomwene mattheene a va ellapo yavatthi ni ntitimiho niwa,

Masalimo 78:30

Koma ekhwillwiiwa ehinamalle, ehinamirye ni omirya wene yoochiiweeyo,

Numeri 11:34

Sika ekaambiiwa nipuronno navahiwiiwa nnddina nawi Mahame Akhwillu kaambiiwa wenko sika yaavitthalliiwa athu eekhwillu.

Miyambo 6:25

Ohikuseyeke murima ni oreera waye, ohikopeyeke ni miitthwaaye.

1 Akorinto 10:6

Vano ddittheddenenndda tti echisanzo wa hiyaano wi nihikhallelle minkhella ddeko ddoonanara wonanko alliwaayo.

Genesis 6:2

anamwani aallopwana a Mulluku yahoona wi anamwalli a athwaayo yaari ooreera, sika yahaamba waatthella ayo yaakondilliiwa.

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Yakobo 4:16

Koma vano munnakota ni wiitukhulla. Wiitukhulla wenko tti woonanara.