1 Yohane 2:1 - Mawu a Mulluku

¹ Kinuulembellani nyuwaano, anaaka wi muhichimweke. Koma mmodda achimwa, nookhalla ni oonipepesella wa Attiitthiihu, sika Yesu Khrisitu, oolungama.

1 Yohane 2:1 ပူးပေါင်းရင်းမြစ်များ

1 Timoteo 2:5

Vawi viri Mulluku mmoddave ni namunkhoswe mmoddave variyari va Mulluku ni athu, muthu yoolla tti Khrisitu Yesu,

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

2 Akorinto 5:21

Khrisitu khaarina machimo koma Mulluku aamweesa wonanko oochimwa ekaamba ya hiyaano wi mu eyaattano ni Khrisitu nikhalle oolungama vamiitthoni va Mulluku.

1 Yohane 4:4

Koma nyuwaano, anaaka, tti a Mulluku nave mohaagonjiha anamallotella awoottha kaambiiwa Munepa Waweella oyo ari mwa nyuwaano tti amasiva ohiyana ni munepa oyo ari mu ayo enakhalla mu ellapo yavatthi.

1 Yohane 3:18

Anaaka, echikondaahu ehikhalleke ya mawuve ni ddoollotave koma enaphwanella ekhalleke echikondi yawoona, eyo enooneya ni ddaweereya.

1 Yohane 3:7

Anaaka, mmodda ahiwoottottheni! Oyo aneera yoolungama tti oolungama, wonanko mmo Khrisitu ariiye oolungama.

Yohane 8:11

Ahaakhulla wi, “Khaavo.” Yesu aallota wi, “Nameenettho nginawiipa mullatu. Rowa koma ohichimwe wiilli.”]

Aheberi 9:24

Ella sika ekaambiiwa Khrisitu ahivollowilleeye mu nipuro noopatuleya noomakiwa ni athu nno niri echisanzo ya nipuro nawoona na mallapello. Koma ayiille oddullu nave vano ari wenko ni Mulluku onikavihera hiyaano

1 Yohane 3:5

Munnadduwella wi Khrisitu ahooneya wi avenyihe machimo nave wi mwa olliye machimo kheyaamo.

Aefeso 2:18

Vawi oweella mwa Khrisitu hiyaano attheene, Ayuda ni athu ayo ehiri Ayuda ninnawora owa wa Attiitthiihu mu Munepa Waweella mmoddamoddave.

Yohane 6:27

Muhiphareke mutteko wi muphwanye yoocha eyo enoonongeya koma muphareke mutteko wi muphwanye yoochave eyo enavaha okumi woohimalla. Ella sika yoocha eyo mi Mwaana a Muthu kinuuvaheemini nyuwaano kaambiiwa Mulluku, Attiitthaaka, yaakiiyaatthi echizindikiro yoosimikiza dda miyaano.”

Ezekiele 3:21

Koma wamuchenjeza wi ahichimwe nave olliye ahiya ochimwanko, moohikayikella aneerovullusa okumaaye ekaamba yawiiwellella ochenjeza wawo. Nave weyaano oneerovullusattho okumaawo.”

1 Petro 3:18

Vawi Khrisitu, muthu oolungama, aakhwa omoddave mu nipuro mwa oochimwa ekaamba ya ddoochimwa dda amodda wi uuhoollelleni wa Mulluku. Ahiiphiwa mwa mwiilli nave aakhalla mukumi mwa Munepa.

Aefeso 4:26

Mwasha murima, osha murima wanyunko ohuuchimwiheni nave nndduwa nihivollowe muri oosha murima.

Agalatiya 4:19

Anaaka, kinnoonattho ovoreya woophwanaphwana ni ovoreya wa mutthiyana aayaraka ekaamba ya nyuwaano ophiyera makhallello a Khrisitu ekeraattheye mwa nyuwaano.

Yohane 10:15

Emoddamoddave yeeyo Attiitthaaka ennakidduwella nave miyaano kinnaadduwella. Nave kinnapaalla okhwa ekaamba ya enkhosa.

Yohane 5:36

Koma miyaano kookhalla ni mboni oopaalleya wunchichi ohiyana ni Yohane. Vawi Attiitthaaka aakivaha mitteko wi kimallihe nave mitteko ddennddo kineereemi tti omboni wawi Attiitthaaka aakiruma.

Luka 10:22

“Attiitthaaka aakivaha ddeko ddittheddene. Khaavo muthu anamudduwellesesa Mwaana koma Attiitthaakave sika enamudduwella. Nave khaavottho anaadduwellesesa Attiitthaaka koma Mwaana nave sika anaadduwella ni wa ayo Mwaanooyo anapaalleeye owuupullullella Attiitthinnya.”

1 Petro 2:22

Olliye kheerille nirive nichimo nave muwano mwaye khamwaavenyenre erive yawoottha.

1 Akorinto 15:34

Muhokollweelle o makhallellwaanyu aphaama nave muhiye ettilla ddanyu ddoochimwa. Kinallota wi kuuwulliheni muru kaambiiwa amodda a nyuwaano khamunamudduwella Mulluku.

Yohane 5:14

Ddimallille nndda Yesu aakumanana mu enyumba ya Mulluku amulleella wi, “Ngoona, woochira vano, ohichimwettho wi yoonanara yookhwaranya eretaawo eheereye wa weyaano.”

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Masalimo 4:4

Mumooveke Mulluku, muhichimweke mwakonaatthi mahiiyu, muganizereke ddenndda m'murimani mwanyu nave mukhurumuwe

1 Yohane 5:21

Anaaka, murapelleke mafano.

Yakobo 3:9

Ni nllumi ninnaathokozana Apwiya ayottho eri Attiitthiihu navettho ni nenno ninnaatembelelana athu ayo Mulluku aaphatusalleeye moophwanaphwana ni olliye.

Aroma 6:15

Vano ninaallote tini? Ethiyo nichimweke kaambiiwa khaninalamulelliwa ni malamulo koma ninalamulelliwa ni echisomo ya Mulluku? Khe ddiiddo!

Yohane 13:33

Akhwaaka, kinaakhalle ni nyuwaano wa enthawi yooyeva. Muneerokaashaasha miyaano koma kinuulleellani vano wonanko mmo kaalleellelleemi attekweene a Ayuda* wi, ‘Khamuwora oya nko kinayeemi.’

1 Timoteo 3:14

Naarive kitiyerellaka owa owaninyunko veneva, kinimuulembellani kalatoolla.

Yohane 21:5

Vano ahaakoha wi, “Mohiipha ello?” Yaamwaakhulla wi, “Iyaayi, khaniiphalle ello.”

Yohane 14:16

Miyaano kineerewaaveka Attiitthaaka nave eneerewuuvahani nyuwaano Ookavihera mmodda oyo anaakhalle ni nyuwaano wa enthawi yoohimalla.

Mitteko 7:52

Makhollwaanyu yaamuhoosa arive namallotella. Yaawiipha athu ayo khalle yallalleyille dda owa wa muthu oolungama oyo mwaamuvelleenlleenyu wi iiphiwe.

Aroma 5:10

Naari adani a Mulluku koma nahaattanihiwa ni Mullukooyo oweella mu okhwa wa mwanaye. Sika vawi hiyaano nahaattanihiwa ni Mulluku, ndithu, okumi wa Khristu oneeronivullusa.

1 Yohane 5:17

Ddaweera ddittheddene ddoonanara tti machimo koma vookhalla machimo oohimukusella muthu wookhwa.

3 Yohane 1:4

Khayiivo enakihakallalliha ohiyana ni wiiwa wi anaaka ennathwara yawoona.