1 Yohane 1:9 - Mawu a Mulluku

⁹ Koma naalapa machimwaahu wa Mulluku, olliye tti oororomelleya ni oolungama vookhululukellani machimwaahu ni vooneellihani o ddaweera ddahu ddoonanara ddittheddene.

1 Yohane 1:9 ပူးပေါင်းရင်းမြစ်များ

Masalimo 32:5

Koma kaawulula machimwaaka, ngaavitthalle onanara waka. Kaallota wi, “Kineerowulula machimwaaka wa Apwiya,” vaavo mwaakhululuka mullatwaaka.

Miyambo 28:13

Muthu oovittha machimwaaye khakhalla ni ekari koma oowaakhullella ni waahiya aneereweerelliwa echifundo.

Yeremiya 33:8

Kineeroweelliha voovenyihani machimwiiwa mattheene. Kineerewaakhululukella ddoonanara ddiwa ddittheddene nnddo yeerilliiwa vookiwukilani.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Aheberi 10:23

Nillipihelle waakhullella moohikayikella nnddo ninadditiyereehu vawi oyo anilonjezille ddenndda tti oororomelleya.

1 Timoteo 1:15

Mawu yaalla tti oororomelleya ni oophwanellella wi yaakhelliwe wi Khrisitu Yesu aawa va ellapo yavatthi wi aavulluse oochimwa. Miyaano kiri oonanara waakhwaranya athu attheene.

Nehemiya 1:6

Apellani maaru nave khunuullani miittho wi mwiiwe ovekella wa oorumeyellaanyu nko kinavekelleemi vamiitthoni vanyu otthaana ni mahiiyu waavekellella Aisraele oorumeyellaanyu, owulula machimwiiwa ayo nichimwalleehu vamiitthoni vanyu. Ddawoona, miyaano ni nibanja na makhollwaaka nohuuchimwellani.

Ezekiele 37:23

Kheyiiripihattho ni mafanwiiwa ni ddeko ddimodda ddoonanara apaalle ni ddirive ddoochimwa ddiwa ddittheddene. Koma kineerewaavullusa o machimwiiwa mattheene nave kineeroweelliha. Vano alliwa eneerokhalla athwaaka nave miyaano kineerokhalla Mullukwiiwa.

1 Akorinto 1:9

Mulluku tti oororomelleya, oyo aawiithanilleni nyuwaano wi mukhalle mu eyaattano ni mwanaye Yesu Khrisitu, Apwiihu.

Deuteronomo 7:9

Ekaamba ya yeella upuwellani wi Apwiya Mullukwaanyu tti Mulluku mmoddave nave tti oororomelleya. Olliye aneerosunga echipanganwaaye nave aneerewooniha echikondi yoohisintheya wa athu a mibado ddooheerengeya dda ayo enamukonda olliye ni wiiwellella malamulwaaye.

Mitteko 19:18

Ookhulupilila anchichi yaawa vamiitthoni va athu yaakhullellaka ni olapa machimo yeerilliiwa.

Mariko 1:5

Athu attheene oovenyera o echigawo ya Yudeya ni muzinda wa Yerusalemu yaakhuma wi emwiiwe Yohane. Yaalapa machimwiiwa nave ahaabatiza athwaayo mu Yordani.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Masalimo 19:12

Ttaani anaadduwelle ddoolakwa ddaka? Nyu Apwiya, muhuwe ddoochimwa ddaka ddawiipittheya.

1 Akorinto 6:11

Amodda a nyuwaano mwaari awi ddiidda. Koma machimwaanyu yaakhululukiwa, mwaheellihiwa nave mwaheeriwa oolungama vamiitthoni va Mulluku mwa nnddina na Apwiya Yesu Khrisitu navettho Munepa wa Mullukwaahu.

Maliro 3:23

Orive ohinase ddenndda ddinnakhalla ddanaanweene vawi Apwiya tti oororomelleya wunchichi.

Aheberi 6:10

Vawi Mulluku tti oolungama, khatiwalla mitteko mwaphanreenyu apaalle echikondi munooniheenyu vawaarumeyellani athwaaye.

1 Mamwene 8:47

Vano eri wuukaporoninko yaadduwella ochimwa wiwa erukunuwa murima ni oveka wa nyuwaano mwawiiyeviha mu ellapo ya athu ayo yaaphanre okaporo, voollotani wi, ‘Noochimwa, noohollowa, noheera ddoonanara.’

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Aheberi 11:11

Ekaamba ya echikhulupililo, Sara aakhalla ni mwaana aamullopwana naari aari awuulluvalla ni oohiyara kaambiiwa Abrahamu aamukhulupilila Mulluku oyo amulonjezille.

Mateyu 3:6

Yaalapa machimwiiwa nave ahaabatiza athwaayo mu Yordani.

Yesaya 45:21

Hankoni mutthopoolle mullatwaanyu, mwiiwanane emodda. Ttaani allotenlle khalleve ddamuhoollo apaalle addillotenlle ddennddo khallekhalle? Ethiyo khe mi Apwiya? Ddawoona, opatula miyaano, khaavo mulluku mmodda, Mulluku oolungama ni oovullusa, khaavottho mmodda opatula miyaano.

Aefeso 5:26

Enre ddenndda wi eellihe mpingooyo voohuwani ni maaddi vamoddattho ni mawu

Zekariya 9:9

Nyu athu a o Ziyoni, hakallallani wunchichi! Nyu athu a o Yerusalemu, thapellani! Ngoonani, mwenaanyu animawa wa nyuwaano! Anawa ari oopambana ni oogonjiha koma awiiyeviha ni oomuwella bulu, mwananankhoro a bulu.

Eksodo 34:7

Alliwa tti eechikondi wa mibado ddooheerengeya nave tti ookhululukella ddoolakwa, ddoonanara ni machimo. Koma tti oohihiyerera oochimwa nave ennaallaka anamwani ni edduullu ekaamba ya machimo a makhollwiiwa ophiyera mbado waneeraru ni waneesese.”

1 Mamwene 8:30

Iwani nivekello na oorumeyellaanyu ni na athwaanyu Aisraele yaavekellaka va nipuro nenna. Ddawoona, mwiiwe oddullunko munakhalleenyu nave mwiiwa mukhululuke.

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yohane 17:25

Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.

Luka 22:57

Koma Petro aaruna wi, “We mutthiyana, miyaano nginamudduwella yoolla!”