1 Yohane 1:8 - Mawu a Mulluku

⁸ Nallota wi khaninna machimo, niniilleka weekhiihu nave mwa hiyaano yawoona kheyaamo.

1 Yohane 1:8 ပူးပေါင်းရင်းမြစ်များ

Aroma 3:23

Arive muthu oochimwa nave oorekamellana ni ntitimiho na Mulluku.

Yakobo 3:2

Attheene ninnachimwa va ddeko ddinchichi. Koma muthu ahinachimwa voollotani, yooyo tti aphaama wunchichi navettho annawora wiihiiha mwiillaaye muttheene.

Oollalleya 7:20

Ddawoona va ellapo yavatthi khaavo muthu aneera ddoolungama woohichimwa naari vang'ono.

Yesaya 53:6

Attheene naahollowa wonanko enkhosa, arive muthu mwa hi eetella ddaaye, koma Apwiya yaamureya olliye machimwaahu.

1 Yohane 2:4

Ayo enallota wi ennamudduwella koma kheniiwellella malamulwaaye, tti awoottha nave mwa alliwaayo yawoona kheyaamo.

1 Yohane 1:10

Nallota wi khaninachimweke, ninamweera Mulluku wi tti awoottha nave mawaaye kheri mwa hiyaano.

Miyambo 20:9

Ttaani anaallote wi, “Kooweelliha murimaaka nave nginna nichimo?”

Yobu 15:14

Ethiyo muthu tti tini wi ttuukhalla oohichimwa, ooyariwa ni mutthiyana ttaani wi ttuukhalla oolungama?

Agalatiya 6:3

Vawi mmodda aaganizaka wi olliye tti oopaalleya koma ahiri oopaalleya, aniilleka yeekhaaye.

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

Masalimo 143:2

Muhinakiipa mullatu mi oorumeyellaanyu vawi khaavo muthu mukumi oyo ari oolungama vamiitthoni vanyu.

Yakobo 1:26

Muthu mmodda addeesa wi tti oomullapella Mulluku, ahinamaka nllumi naye, omullapella waye Mulluku tti woohikhalla ni mutteko nave aniilleka yeekhaaye.

1 Timoteo 6:5

ni okangana woohimalla variyari va athu oohikhalla ni ezeru apaalle yawoona. Alliwaayo eneesa wi omutitimiha Mulluku sika ettilla yoophwanyella eyuuma.

Yobu 25:4

Ethiyo muthu ttuulungama mwawiidde vamiitthoni va Mulluku? Ethiyo ooyariwa mwa mutthiyana aneelle mwawiidde?

1 Mamwene 8:46

“Athwaanyu ttuuwuuchimwellani vawi khaavo muthu oohichimwa, sika ttuuwaashella murima ni waavelleella wa adaniiwa wi yaaphare okaporo waayaana o ellapo ya adaniiwa, ellapo yawoorekama apaalle yavakhuviru.

1 Akorinto 3:18

Ahikhallevo muthu aniilleke yeekhaaye. Muthu mmodda variyari vanyu aaddeesaka wi tti eezeru owaaka ezeru dda ellapo yavattheella, aambe okhalla ookarangeya wi akhallena ezeru.

Yobu 14:4

Ethiyo ttaani anaakhumihe yaphaama mu yoonanara? Khaavo naari mmodda.

2 Epilli 6:36

“Athwaanyu ttuuwuuchimwellani vawi khaavo muthu oohichimwa, sika ttuuwaashella murima ni waavelleella wa adaniiwa wi yaaphare okaporo waayaana o ellapo yawoorekama apaalle yavakhuviru.

2 Yohane 1:2

Kaambiiwa yawoona yookhalla mwa hiyaano nave enaakhalle mwa hiyaano wa mallapo oohimalla.

1 Yohane 1:6

Vano naallotaka wi nookhalla ni eyaattano ni olliyooyo nave enthawi yeeyo ninakhalla mwiipiphini, ninnoottha mu mawaahu ni mu ddaweera ddahu.

Yakobo 1:22

Iwellellani ni weera mawaaye, muhiilleke nyookha vawiiwanive mawaayo.

2 Timoteo 3:13

Koma athu oonanara ni oolleka eneerovirellella onanara nave eneerekolleka ni alliwattho eneerekollekiwa.

Yobu 9:2

“Ddawoona, ddenndda kinnadduwella. Koma muthu ttuulungama mwawiidde vamiitthoni va Mulluku?

3 Yohane 1:3

Miyaano kaahakallalla ni murimaaka muttheene ookhulupilila akhwaaka yaphiyalliiwa evelleella omboni dda ororomelleya wawo voothwarani yawoona.

2 Petro 2:13

nave eneerohoosiwa ekaamba ya ohoosa yenriiwa. Ennakonda okwakhwaniha minkhella dda miilli ddiwa nndduwa noopaka. Nave yaachaka ni nyuwaano ennuuwullihani muru kaambiiwa ennakonda woottha!

Yeremiya 2:35

munallota wi, ‘Hi khenichimwalle, vano owalli wa Apwiya wooriirya.’ Mi kineerowiipanive mullatu ekaamba yoollota wi khemuchimwalle.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

Aroma 3:10

Mawu a Mulluku eni, “Khaavo muthu naari mmodda, ari oolungama

1 Yohane 4:20

Nallota wi ninnamukonda Mulluku koma ninawiita asinnihu ni arokorihu hiyaano tti awoottha. Vawi athu khewora omukonda Mulluku oyo ehimoonilliiwa, ehaakondaka asinniwa ni arokoriwa, ayo ewoonilliiwa.

Levitiko 13:12

Namwareyella vamwiillini sika wi nineeromwareyella mwiilli muttheene ovenyera omuruni ophiyera omanyalloni moollikana ni mmo mullupa mukutho oonelleeye,

2 Mamwene 20:15

Yesaya aakohattho wi, “Ethiyo mu enyumba mwanyummo yoonilleemo tini?” Hezekiya ahaakhulla wi, “Ahoona ddittheddene dda mu enyumba mwaka. Kheyiivo naari emodda eyo kihiwoonihalleemi mu enyumba ddaka ddoosungellamo eyuuma.”