1 Yohane 1:3 - Mawu a Mulluku

³ Nnddo noonilleehu ni wiiwa ninallalleya wa nyuwaanottho wi mukawane ni hiyaano mu eyaattano niriihuna mwa Attiitthiihu ni mwa Mwanaye Yesu Khrisitu.

1 Yohane 1:3 ပူးပေါင်းရင်းမြစ်များ

1 Akorinto 1:9

Mulluku tti oororomelleya, oyo aawiithanilleni nyuwaano wi mukhalle mu eyaattano ni mwanaye Yesu Khrisitu, Apwiihu.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Mitteko 4:20

Vawi khaniwora ohiya ollota dda ello noonilleehu ni wiiwa weekhiihu.”

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Afilipi 2:1

Mu eyaattano ni Khrisitu munnallipihiwa murima nave echikondaaye ennavenyiha okhupanya wanyu. Mohaattanihiwa ni Munepa Waweella nave mooreera murima munnamorellana ethakaraka mmodda ni mukhwaaye.

2 Akorinto 13:14

Echisomo ya Apwiya Yesu Khrisitu, echikondi ya Mulluku ni eyaattano ya Munepa Waweella ddikhalle ni nyuwaano attheene.

1 Yohane 1:7

Koma nakhalla mu owalanko, wonanko olliye ariiye mu owala, sika nookhalla ni eyaattano va mmodda ni mukhwaaye nave nikhame na Yesu, Mwanaye, ninnaneelliha ovenyiha machimo mattheene.

1 Yohane 1:1

Ninuulembellani nyuwaano dda mawu oovaha okumi, ayo yaarivo waambeella vawaamba. Noowiiwa nave noowoona ni miitthwaahu. Ddawoona, noowoona nave mattaahu ahaattannya yaayo.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

Afilipi 3:10

Kinapaalleemi tti yawi kimudduwelle Khrisitu nave masiva a ovenya waye wa ookhwa navettho kikhallena mu ddoohoosa ddaye nave kikhalle wonanko olliye mu okhwa waye,

1 Petro 5:1

Miyaano, muttekweene, kinaaveka attekweene a mipingo ddanyu. Mi tti mboni a ohoosiwa wa Khrisitu nave kineerewaakhellana ntitimiho nno nnuupullulliwe. Kinuuvekani wi

Aheberi 3:1

Asinnaka ni arokoraka, muri athu a Mulluku nave mwiithaniwe ni olliye! Ganizerani dda Yesu, murummwa ni mullupa mukutho muullupalli a echikhulupililwaahu.

Akolose 1:13

Aanaakiha ovenyera o masiva a epiphi nave anikusella mu omwene wa Mwanaye ookondiwa.

Mitteko 20:27

Vawi ngiwiipitthihelleni ello kallalleyeemi yoopaalla ya Mulluku wa nyuwaano.’

1 Yohane 1:5

Vano othenga niiwalleehu ovenyera wa Mwanaye Yesu Khrisitu nave ninawullalleyeehu tti wawi Mulluku sika owala nave mwa olliyooyo epiphi kheyaamo.

Aheberi 2:12

Olliye aallota wa Mulluku wi, “Kineerewaalleella alliwaayo dda nyuwaano, kineerewuutitimihani va mutthukumanwiiwa.”

1 Timoteo 6:2

Nave ayo erina apwiiwa ookhulupilila, ehaavevulle kaambiiwa tti asinniwa ni arokoriwa. Koma yaarumeyelleke phaama kaambiiwa ayo enapindula ni mitteko ddiwa, alliwattho tti ookhulupilila ni ookondiwa. Onaphwanella waahuddihe ni waallipiha murima mu ddenndda.

Afilipi 1:7

Kinnawuupuwellani enthawi ddittheddene! Nave vano nginalakwiha oganiza mwawi ddiidda dda nyuwaano attheene kaambiiwa nyuwaano munnakeerengella. Vawi nyuwaano mookikaviherana mutteko yoolla Mulluku akivahilleeye mu echisomwaaye, kiriimi mundende ni enthawi kaariimi oottaphulliwa wi koonihe ddawoona dda othenga waphaama ni owuteteza ni owuukeraatthiha moollipa.

Aefeso 3:6

Yoovittheyeeyo tti yawi mwa othenga waphaama athu ayo ehiri Ayuda ni Ayuda eneerewaakhellana madaliso a Mulluku, yaayo tti mwiilli mmodda nave ennattakanyiherana mu lonjezo nno Mulluku ennreeye oweella mwa Khrisitu Yesu.

1 Akorinto 1:30

Koma Mulluku sika awaattanihalleni ni Khrisitu Yesu nave oomweera Khrisitu wi akhalle ezeru ddahu. Vawi oweella mwa Yesu Mulluku ooneera oolungama, aweella ni oottaphulliwa.

1 Atesalonika 1:10

ni mmo munamutiyerelleenyu Mwanaye wi awe ovenyera oddullu. Mwaana yooyo tti Yesu oyo aamuvenyihalleeye wa ookhwa ni oyo anaanivulluse o osha murima wa Mulluku onawanko.

1 Akorinto 15:1

Asinnaka ni arokoraka, vano kinapaalla kiwuupuseni nyuwaano dda othenga waphaama oyo kallalleyeemi wa nyuwaano, oyo mwaakhenlleenyu nave va yooyo echikhulupililwaanyu eniimella moollipa.

Aroma 15:27

Yaganizalle ddenndda moohiwatiheriwa koma waari odindwiiwa wi yaakavihere athwaayo. Vawi Ayuda yaakawana madaliso a Munepiiwa ni athu ayo ehiri Ayuda, athu ayo ehiri Ayudaayo enaphwanella yaavaheke Ayudaayo ddeko ddoopaalleya ddiwa.

Mitteko 13:41

‘Nyu athu oovevulla! Ttikhinani nave moonongeye! Vawi ollello kineereweera ello emodda yawi khamukhulupilila vawiiwani!’ ”

Mitteko 13:32

Nave noollalleya othenga waphaama wa nyuwaano, oyo Mulluku alonjezilleeye khalle wa makhollwaahu wi aneereweera.

Mitteko 2:42

Athwaayo yaatthukumana vamodda wi ehuddereke wa amurummwaayo, enaattana, enamumeyameya buledi nave enamucha nimodda owaakattho enavekella nimodda.

Yohane 17:25

Attiitthaaka oolungama, athu a ellapo yavatthi khenuudduwellani nyuwaano koma kinnuudduwellani nyuwaano nave oohudderaaka ennadduwella wi mwaakiruma miyaano.

Yohane 17:11

Vano nginakhallattho mu ellapo yavatthi koma alliwaayo tti a mu ellapo yavatthi nave miyaano kinimawa wa nyuwaano. Attiitthaaka aweella, ekaamba ya masiva a nnddina nanyunno mwaakivahilleenyu atetezeni yaalla phaama. Sika vano ekhalle amodda wonanko mmo nyuwaano ni miyaano nikhallelleehu amodda.

Masalimo 22:22

Kineerewaatthopoollella abalaaka dda nyuwaano, kineerewuutitimihani vamutthukumanoni wa athwaanyu.

Yesaya 66:19

Kineerohiya echizindikiro vamiitthoni viwa. “Koma vineerokhalla amodda oovulluwa ayo kinaawaarumeemi wa athu a mitundu ddimodda wonanko a o Tarishishi, a o Puti, a o Ludi vamodda ni eeruswiiwa dda miira, a o Tubala, o Yavani ni o ellapo ddawoorekama ayo ehiniiweke dda epillaaka apaalle woona ntitimiho naka. Alliwa eneerollalleya dda ntitimiho naka variyari va athu a mitundu ddimodda.

Masalimo 2:7

Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.

Yohane 19:35

Oyo oonille sika mboni nave ombonaaye ori wawoona. Nave yoolla annadduwella wi anallota ddawoona wi nyuwaanottho mukhulupilile.

2 Petro 1:16

Hiyaano khanithwanre miyaha ddawiiwa vawuulleellani dda owa wuullupalli wa Apwiihu Yesu Khrisitu. Koma nahoona ottekweenaaye ni miitthwaahu.

Numeri 10:32

Wathaanana ni hiyaano, ddittheddene ddaphaama nnddo Apwiya enaaneerelliiwa, nineeroweerella ddennddo.”

Yobu 13:1

Ngoonani, miitthwaaka ahoona ddenndda, kohiiwa ni maarwaaka, koodduwella.