1 Timoteo 4:4 - Mawu a Mulluku

⁴ Vawi ddittheddene ddoophatusiwa ni Mulluku tti ddaphaama nave ehikhallevo erive ello yookhootiwa. Erive ello yaakhelliweke ni nivekello noothokoza,

1 Timoteo 4:4 ပူးပေါင်းရင်းမြစ်များ

Aroma 14:20

Muhoononge mutteko wa Mulluku ekaamba ya yoocha. Erive yoocha tti yaphaama koma tti olakwa ocha ello enaaweeriha asinnihu ni arokorihu ochimwa.

1 Akorinto 10:25

Munnaakhullelliwa ocha erive ello yookullihiwa va musika wa enama, moohikoha makoho ekaamba ya yawuupusella murimaanyu.

Aroma 14:14

Ekaamba ya eyaattano ni Apwiya Yesu koodduwella nave koosimikiza wi kheyiivo ello yoonanara mwaweekhiiwa koma enakhalla yoonanara muthu ayiganizera wi tti yoonanara.

1 Akorinto 10:23

Athu amodda ennallota wi, “Ninnaakhullelliwa weera erive ello.” Ddawoona koma khe ddeko ddittheddene ddiri ddaphaama. Ninnaakhullelliwa weera erive ello koma khe ddittheddene ddinanillipiha.

Mitteko 21:25

Nave wa athu ayo ehiri Ayuda ayo yakhulupililalle, nohaarumihella kalata owaalleella wi nohiiwanana wi khenaphwanella ocha erive ello yooheraatthiwa va mukutho wa mafano apaalle nikhame na enama apaalle erive enama yoonyokotholliwa nikohi nave wi ehiraruweke.”

1 Timoteo 4:3

Athu yaayo enahuddiha wi khe waphaama otthella, otthelliwa apaalle ocha ddoocha ddimodda. Koma Mulluku aaphatusa ddoocha ddennddo wi ayo enakhulupilila ni odduwella yawoona, echeke vatulli va nivekello noothokoza.

Genesis 1:31

Mulluku aaweeha ddittheddene nnddo addiphatusalleeye nave ahoona wi ddaari ddaphaama wunchichi. Nave waakhalla misikuwa navettho waakhalla ohinase, nllapo naneetthanu ni nimodda.

Deuteronomo 32:4

“Olliye tti nlluku nahu, mitteko ddaye tti ddaphaama, ettilla ddaye ddittheddene tti ddoolungama, Mulluku oororomelleya ni awoona, olliye tti oolungama ni oohilakwiha.

Mitteko 15:29

muhicheke enama yooheraatthiwa omukuthoni wa mafano, enama ddawiiphiwa mwawi manyokotholla makohi, nikhame na enama navettho muhiraruweke. Muneerekeweera phaama mwaathwaraka ddeko ddenndda. Hallani phaama.”

Mitteko 10:15

Mawaalle yahiiweya wiilli ellotiwaka wi, “Oheereke yoonanara eyo yeellihiwe ni Mulluku.”

Aroma 14:6

Athu ayo enaganiza wi nllapo nimodda tti noopaalleya ohiyana ni mallapo mamodda eneera ddiiddo wi yaatitimihe Apwiya. Nave ayo enacha erive ello eneera ddiiddo wi yaatitimihe Apwiya vawi ennamuthokoza Mulluku ekaamba ya yoocheeyo. Ayo ehinacha ddeko ddimodda eneera ddiiddo wi yaatitimihe Apwiya nave ennamuthokoza Mulluku.

1 Akorinto 10:26

Vawi mawu a Mulluku enallota wi, “Ellapo yavatthi ni erive ello ya mwemmo tti ya Apwiya.”

1 Akorinto 10:30

Kaamuthokozaka Mulluku ekaamba ya ddoocha ddaka, muthu mmodda anaakivaanyihe mwawiidde ekaamba ya ddoochannddo?”