1 Timoteo 4:3 - Mawu a Mulluku

³ Athu yaayo enahuddiha wi khe waphaama otthella, otthelliwa apaalle ocha ddoocha ddimodda. Koma Mulluku aaphatusa ddoocha ddennddo wi ayo enakhulupilila ni odduwella yawoona, echeke vatulli va nivekello noothokoza.

1 Timoteo 4:3 ပူးပေါင်းရင်းမြစ်များ

1 Timoteo 4:4

Vawi ddittheddene ddoophatusiwa ni Mulluku tti ddaphaama nave ehikhallevo erive ello yookhootiwa. Erive ello yaakhelliweke ni nivekello noothokoza,

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

Aroma 14:6

Athu ayo enaganiza wi nllapo nimodda tti noopaalleya ohiyana ni mallapo mamodda eneera ddiiddo wi yaatitimihe Apwiya. Nave ayo enacha erive ello eneera ddiiddo wi yaatitimihe Apwiya vawi ennamuthokoza Mulluku ekaamba ya yoocheeyo. Ayo ehinacha ddeko ddimodda eneera ddiiddo wi yaatitimihe Apwiya nave ennamuthokoza Mulluku.

Akolose 2:16

Sika muhaakhullelle wi arive muthu uuvaheni malamulo a nnddo munacheenyu apaalle owirya apaalle dda Ehakallallo ya Wooneya wa Mweeri apaalle dda nllapo na Sabata apaalle dda ehakallallo ddimodda.

1 Akorinto 8:8

Koma yoocha kheneeriha wi naattane ni Mulluku; kheyiivo eyo ninarameehu naahicha yoocheeyo navettho nacha khaninaphwanyavo ello.

Genesis 9:3

Vano mucheke enama ddittheddene, wonanko kawaakhullelleemini ocha matthaapa amakukhu. Kohuuvahani ddittheddenenndda wi ddikhalle yoochaanyu.

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

1 Akorinto 7:28

Koma watthella khe ochimwa nave namwalli atthelliwa khe ochimwa. Koma kapaalla wi muhoone ddoohoosa ddinakhalla ni athu ayo eri vanibanjani.

Aroma 14:3

Ayo enacha erive ello ehaavevulle ayo ehineera ddiiddo. Ayo enacha ddoomellave ehiweeruze ayo enacha erive ello vawi Mulluku oowaakhella athu attheene.

Aheberi 13:9

Muhinaakhullella wi ehuddiho ddeelleto dduuholloseni. Yoophwanella onillipiha murima tti echisomo ya Mulluku, woohikhalla malamulo oollota dda yoocha. Athu amodda yathwara malamulwaalla kheyaaphurallena ello.

1 Timoteo 2:4

oyo anapaalla wi athu attheene evulluwe nave ephiye voodduwellani yawoona.

1 Akorinto 6:13

Athu amodda ennallota wi, “Ddoocha tti ddooya m'mirimani nave m'mirimani tti mwawaakhella ddoocha.” Ddawoona koma Mulluku aneerewoononga ddeko piilli ddenndda. Mwiilli khe waweerana ddooraruwa koma tti woowaarumeyellana Apwiya nave Apwiya sika enavaha ddoopaalleya dda mwiilli.

Aroma 14:17

Vawi omwene wa Mulluku kohiyo wa dda yoocha ni yoowirya koma tti wa dda echilungamo, murendelle ni ohakallalla ddoovenyera wa Munepa Waweella

Mateyu 15:36

Vano aakusa mitthi dda buledi mitthanu ni miillinnddo ni ehombanndde avekella omuthokoza Mulluku, amumeyameya buledooyo. Vano aawinnya oohudderaaye wi emuvelleelle wa athwaayo.

Oollalleya 5:18

Kheyiivo emodda yaphaama wa muthu okhwaranya yoocha, yoowirya ni ohakallallella mitteko ddaye nnddo muthu anaphareeye vatthimva, mallapo ooyeva a okumaaye oyo Mulluku amuvahilleeye. Yeella tti echigawaaye.

Mateyu 14:19

Ahaalamula athwaalle wi ekeraatthi vamanasini. Vano aakusa mitthi dda buledi mitthanu ni ehomba piillinndde, aweha oddullu, avekella omuthokoza Mulluku nave amumeyameya buledooyo. Vano aawinnya oohudderaaye wi emuvelleelle wa athu.

Mitteko 27:35

Allotilleeye ddenndda, Paulo aamukusa buledi, avekella wa Mulluku moothokoza attheene yoonaka, amumeyameya nave aamba omucha.

Yohane 6:23

Vano ekallawa ddimodda ddoovenyera o Tiberiya ddaawa vakhuviru ni nipuro nko athu yamuchilliiwa buledi Apwiya ethokozille.

Luka 24:30

Akeraatthilleeye voochella wi achena, amukusa buledi, amudalisa, amumeyameya nave aavaha.

Daniele 11:37

Mwenooyo aneerovevulla milluku dda makhollwaaye navettho mulluku ookondiwa ni atthiyana. Khapwatha dda arive mulluku kaambiiwa aneerewiitukhulla waakhwaranya attheene.

1 Samuele 9:13

Mwaavollowaka m'muzindanimmo, munaamuphwanye ahinayeewo wi ache. Athu kheyaamba ocha olliye ahinaphiye, ophiyera olliye adalisalle mukuthooyo. Eeddiiddo athu awiithaniwa eneerewaamba ocha. Vano khaweni mukumanena naanweene vaava.”

Mateyu 15:11

Khe ello eyo enavollowa muwano mwa muthu enamuripiha vamiitthoni va Mulluku koma eyo enukhuma muwano mwaye sika enamuripiha.”

1 Timoteo 5:14

Sika kinapaalla wi anaamukhwelle a miyakha ddooyeva etthelliweke, yaayareke anamwani, yeetiheke mabanjiiwa wi ehaavahe adaniihu ekari yoollota ddoonanara dda hiyaano.