1 Timoteo 3:2 - Mawu a Mulluku

² Oohoollella mpingo akhalleke oohikayikelliwa, akhalle ni mutthiyana mmodda, eezeru, awiihiiha, oovahiwa olemu, ookonda owaakhella alleto ni oowora ohuddiha.

1 Timoteo 3:2 ပူးပေါင်းရင်းမြစ်များ

2 Timoteo 2:24

Nave oorumeyella a Apwiya ahikhalleke ookangana ni athu koma akhalleke ooreera murima wa athu attheene, oodduwella ohuddiha, oovillella,

Aroma 12:13

Muvelleelleke ddeko ddanyu wa ookhulupilila akhwiinyu oohoowa nave muwaakhelleke alleto m'mawaninyu.

1 Timoteo 5:9

Naamukhwelle oohikwakhwana miyakha 60 ahilembiwe m'mullokoni wa anaamukhwelle. Akhalle mutthiyana aatthelliwevo ni mullopwana mmoddave.

1 Petro 4:9

Mwaakhellaneke mu enyumba ddanyu moohiwinya.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

Aheberi 13:2

Muupuwelleke owaakhella phaama alleto owaninyu. Vaweerani nndda amodda yaawaakhella angelo moohidduwella.

Tito 2:2

Waalleelle allopwana awuulluvalla wi ekhalleke oohilezela, eezeru, awiihiiha, oollipihella mu echikhulupililwiiwa, mu echikondi navettho mu ovillella.

Afilipi 2:15

wi mukhalle oohichimwa ni aweella wonanko anamwani a Mulluku aphaama ayo enakhalla mu ellapo ya athu oonanara ni oolleka. Munaphwanella muwaleke variyari va yaayo wonanko etheneeri ddoowala.

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

Aheberi 3:14

Vawi attheenehi tti akhwaaye a Khrisitu okusella naphara moohitikheya echikhulupilwaahu naariihuna vawaamba valle ophiyera omamallihello.

1 Timoteo 4:3

Athu yaayo enahuddiha wi khe waphaama otthella, otthelliwa apaalle ocha ddoocha ddimodda. Koma Mulluku aaphatusa ddoocha ddennddo wi ayo enakhulupilila ni odduwella yawoona, echeke vatulli va nivekello noothokoza.

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

Yesaya 56:10

Alliwa enallota wi, “Oohoollella attheene a Israele tti oohoona, attheenaayo khenna ezeru. Tti wonanko anapwa ookarangeya, oohiwora wuuwa koma enakhallella olloha, okonaatthi ni oddivelliwa ekhove.

Luka 2:36

Namallotella aamutthiyana Anna aakhallattho mu enyumba ya Mulluku, aari, mwaana a Fanuwele, a mulloko wa Asheri. Nave aari awuulluvalla, aatthelliwa ari namwalli, wa miyakha mitthanu ni miillive koma mamune aakhwa.

1 Timoteo 3:8

Oorumeyella a mpingo enaphwanellattho ekhalle oovahiwa olemu, oororomelleya va nnddo enallotiiwa, ehilezeleke, ehikhalle a nrima na makobiri,

1 Timoteo 3:12

Oorumeyella a mpingo akhalleke ni mutthiyana mmodda, akhalle oodduwella weetiha nibanja naye phaama ni waallella anaaye phaama.

1 Timoteo 5:10

Nave akhalle oovuwa ni mitteko ddaphaama, mutthiyana oyo aallenlle anaaye phaama, anawaakhella alleto phaama owaniwa, anaahapiha manyallo athu a Mulluku nave anaakavihera athu ayo eri mu ddoohoosa navettho aniivelleella va mitteko ddittheddene ddaphaama.

1 Timoteo 5:22

Ohaakuveke wiiyaatthi matta va muthu naari ochimwa vamodda ni athu amodda. Weyaano vaweekhaawo okhalleke aweella.