1 Timoteo 2:9 - Mawu a Mulluku

⁹ Kinapaallalattho wi atthiyana ewareke moolemu ni mweezeru ni moophwanellella, ohiri ni meehi oolluwa apaalle wiireeriha ni golide apaalle malluku ni malaya oowallamella mutengo,

1 Timoteo 2:9 ပူးပေါင်းရင်းမြစ်များ

Yeremiya 4:30

We Yerusalemu, woopasuliwa, kaambiiwa tini onawareewe ddoofiira, onawareewe ddooreeriha ddagolide, onamareewe otooto miitthwaawo? Oniireerihella nivuddo, awuukondaawo enimuunyemulla, enapaalla ewiiphe.

Masalimo 149:4

Vawi Apwiya ennahakallalla ni athwiiwa, ennaariiha athu awiiyeviha vawaavullusani.

Yesaya 3:16

Apwiya enallota wi, “Atthiyana a o Ziyoni tti awiitukhulla wunchichi, eneeta mathuri eri muddullu nave enaweha moorukunusa miittho. Eneeta mwawiinyarulla nngu yinllihaka ebangili ddiwa dda m'metoni.

Yeremiya 2:32

Ethiyo namwalli ttuutiwalla ddawiireerihella ddaye apaalle ootthella ttuutiwalla ddoowara ddaye ddookwati? Komave athwaaka aakitiwalla wa mallapo ooheerengeya.

2 Mamwene 9:30

Yehu aphiyalle o Yezireele, Yezebele ahiiwa nnddo ddeereyille. Nave aamara miitthwaaye ni otooto, alluwa meehaaye, anatthurumella va niwindo.

Miyambo 7:10

Vano mutthiyana aakumana ni olliye, awanre wonanko hule ari ni yoolinga.

Genesis 24:53

Vano aakhumiha ddeko dda siliva ni dda golide ni ddoowara nave aaddivelleella wa Rebeka. Aavelleellattho emphaso ddoowallamella mutengo wa murokoriye a Rebekooyo ni wa amennya.

Yesaya 61:4

Eneeromakattho matepe akhalle a muzinda, eneeroddiimesa enyumba ddawoonongeya. Eneeropotokosattho mizinda ddoopasuliwa navettho mapuro oohiyiwa waambeella khalle.

Estere 5:1

Va nllapo naneeraru na ohalla ocha,* Estere aawara mukanjwaaye woomwene nave aaya iimella munthatoni na muwari na mwene, voowehana ni echipinda yuullupalli ya mwene. Va enthawi ella mwene aari akeraatthille va mpandwaaye woomwene muwari mwa echipindeeyo, moowehana ni mullako woovollowella muchipindanimmo.

Miyambo 31:22

Anniipangella yeekha ddawiikhuneella nave annawara ddoowara ddabafuta ni ddooreera ddoofiira.

Mateyu 11:8

Ddaahiri ddiiddo, vano mwayiillewo wi moonewo tini? Muthu oowara ddoowara ddookotana? Iyaayi, athu oowara mwawi ddiidda enakhalla mu enyumba dda mamwene!

Miyambo 31:25

Masiva ni olemu tti wonanko ddoowara ddaye. Annattheya moohoova ddamuhoollo.

1 Timoteo 2:10

koma yiireeriheke ni mitteko ddaphaama ddoophwanella atthiyana ayo enamullapella Mulluku.