1 Timoteo 2:2 - Mawu a Mulluku

² mamwene ni attheene ayo enalamulella wi nikhalle ni okumi woomaalleya ni wamurendelle, voomutitimihani ni ollapella Mulluku.

1 Timoteo 2:2 ပူးပေါင်းရင်းမြစ်များ

Ezara 6:10

wi evelleelleke mikutho ddoomuddivella Mulluku a oddullu ni ovekella okumi wa mwene ni anaaye.

Yeremiya 29:7

Mwaashaasheke murendelle o muzinda nko kawiikarelleniimiwo, wuukaporoni wi ddeko ddiweetellekeni phaama. Muddivekelleke mizindannddo wa Apwiya ekaamba yawi ddaakhallaka mwamurendelle nyuwaano muneerekokhallattho phaama.’

Miyambo 24:21

Mwanaka, owooveke Apwiya ni mwene nave owiiwellelleke attheenaayo.

1 Atesalonika 4:11

Mweeseeseke okhalla oomaalleya nave mullipaneke ni ddanyookhaanyu nave muphareke mutteko ni mattaanyu wonanko mmo nuulleelleeyeni khalle,

Nehemiya 1:11

Nyu Apwiya, apellani maaru o nivekello na oorumeyellaanyu ayo enatitimiha nnddina nanyu. Nave kipambaniheni mi oorumeyellaanyu ollello wi mwene akeerelle echifundo. Enthawi yeeyo kaari oovelleella vinyo wa mwene.

Aheberi 12:14

Mweeseese okhalla mwamurendelle ni athu attheene. Mukhallekettho aweella murima vawi khaavo naari mmodda anaawoone Apwiya aahikhalla aweella murima.

Aroma 12:18

Wakhalla wooworeya, mweeseeseke okhalla mwamurendelle ni athu attheene.

Masalimo 72:1

Nyu Mulluku, muvaheni mwene echiweruzwaanyu yoolungama, mwaana a mwene echilungamwaanyu.

Afilipi 4:8

Asinnaka ni arokoraka, voomallihella muhiyeke murimaanyu va erive ello eri yaphaama ni yoolemu. Sika ddeko ddawoona, ddoovahiwana olemu, ddaweella, ddooreera ni ddookondiwa.

Mitteko 24:16

Nave sika kinnallipihella mallapo mattheene okhalla muthu oohikhalla ni mullatu vamiitthoni va Mulluku ni athu.

Mitteko 10:22

Alliwaayo yahaakhulla wi, “Korineliyo, akhoto muullupalli a o Roma a mulloko wa akhoto 100 sika anirumalle. Olliyoolla tti muthu oolungama ni oomoova Mulluku nave Ayuda attheene ennamuvaha olemu. Mungelo a Mulluku sika amulleelle wi awiithaneni muye onyumbani waye wi iiwe eyo munaalloteenyu.”

Luka 2:25

Mallapo yaayo waakhalla mullopwana o Yerusalemunko nnddina naye Simiyoni. Aari muthu oolungama, oomwiiwellella Mulluku, atiyera enthawi yawi Mulluku aavulluse a Israele nave Munepa Waweella aari va olliyooyo.

Luka 1:6

Eellaalla yaari oolungama vamiitthoni va Mulluku nave yahiiwellella phaama malamulo ni ddoolamulella dda Apwiya.

2 Samuele 20:19

Hiyaano tti athu amurendelle ni oororomelleya mu ellapo ya Israele. Nyuwaano munapaalla woononga etawonaahu eyo tti wonanko nikhollo na ellapo ya Israele. Kaambiiwa tini munapaalleenyu woononga eyo eri yoohallana ya Apwiya?”