1 Samuele 9:5 - Mawu a Mulluku

⁵ Ephiyalle o ellapo ya Zufu, Saulo aamulleella mullupa muttekwaaye oyo aariiyena wi, “Hanko nihokollowe, woova wi attiitthi eneerohiya okhupanya dda abulu, ekhupanyeke dda hiyaano.”

1 Samuele 9:5 ပူးပေါင်းရင်းမြစ်များ

1 Samuele 10:2

ollellova nahiyana oneerokumana ni athu eelli va mahame a Rakele o Zeliza mu echigawo ya Benjamini. Alliwaayo eneerewuulleella wi abulu wawaashaawaalle aaphwanyeya. Nave attiittho aahiya ddawaakhupanya abulwaayo koma enakhupanya dda weyaano, enallota wi, ‘Kinaawere tini miyaano vawi mwanaka khanooneya?’

1 Samuele 1:1

Waakhalla muthu mmodda nnddina naye aari Elikana oovenyera mu nlloko na Efuremu o etawoni ya Rama eyo yaari mu ellapo yamiyaango ya Efuremu. Olliye aari mwaana a Yerohamu edduullu ya Elihu, edduullu ya Tohu, edduullu ya Zufu, a nlloko na Efuremu.

Luka 12:11

“Yaawuukusakani wi yawiipeni millatu mu enyumba ddamavekello* apaalle wa attekweene oolamulella, muhikhupanyeke wi munaaye mwallote tini apaalle munaallote mwawiidde.

Luka 12:22

Vano Yesu aallota ni oohudderaaye wi, “Sika tti kaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle dda mwiillaanyu wi munaaware tini?

Mateyu 6:28

Nave kaambiiwa tini munakhupanyeenyu ekaamba ya ddoowara? Ganizerani wunnuwa wa malluwa a muhakani, khenaphara mutteko apaalle wiisowella weekhiiwa ddoowara.

Mateyu 6:25

“Ella sika ekaambiiwa kinuulleelleemini nyuwaano wi muhikhupanyeke dda okumaanyu wi munaache tini apaalle munaawirye tini apaalle dda mwiillaanyu wi munaaware tini? Ethiyo okumi khonakhwaranya yoocha? Navettho mwiilli khonakhwaranya yoowara?

Mateyu 6:34

Vano muhikhupanyeke ni ddoosiisello vawi osiisello oneerewiikhupanyella mwa weekhiiwa mookwakhwanella. Nirive nllapo nookhalla ni ddookatamiha ddaye ddookwakhwanella.