1 Samuele 9:25 - Mawu a Mulluku

²⁵ Yakitthalliiwa ovenyera o nipuro noollapellawo eya yavollowa m'muzindani, Saulo yaamwanddellellella bedaaye vaddullu va enyumba ya Samuele.

1 Samuele 9:25 ပူးပေါင်းရင်းမြစ်များ

Mitteko 10:9

Osaka wene eri voolendoniiwoolla nave yaatamelliiwa o Yopa, enthawi ya 12 koloko otthaana Petro aawella vaddullu va enyumba wi avekelle.

Deuteronomo 22:8

“Mwaamakaka enyumba yanaanweene, moonesese wi moomaka mwanampanda vaddullu waapheella embali ddittheddene dda epattho. Sika vaavo khemwiipiwa mullatu woomwiipha moohidduwella mmodda amora vaddullumvo, akhwa.

Nehemiya 8:16

Sika athu yaaya yaasha enthambinndde ewaana nave yaamaka misasanndde, arive muthu vaddullu va enyumbaaye apaalle va nthato naye navettho mu mathato a enyumba ya Mulluku, va mathato a mullako wa Maaddi ni a mullako wa Efuremu.

2 Samuele 11:2

Nllapo nimodda misikuwa, Davide aavenya vabedini vaye, aneeta vaddullu va enyumbaaye yoomwene. Ari vaddullumvo aamoona mutthiyana ahapaka. Mutthiyanooyo aari ooreera wunchichi.

Mateyu 10:27

Nnddo kinuulleelleemini mwiipiphini nyuwaano munaphwanella muddiwulule vawooneya navettho nnddo muniiweenyu ddillotiwaka moonong'ona wa nyuwaano munaphwanella muddillalleye vaddullu va enyumba.

Yeremiya 19:13

Enyumba dda o Yerusalemu ni dda mamwene a o Yuda kineerodditthattusa ddooripihiwa wonanko Tofeti kaambiiwa tti enyumba nnddo vaddullu viwa yooselliiwavo lubani wa etheneeri ddooddullu, enavelleella mikutho ddoowirya wa milluku ddimodda.”

Mateyu 24:17

Oyo ari vaatte ahiselliwe ni ovollowa mpa wi akuse ddeko ddaye.

Luka 5:19

Koma ekaamba ya mulloko wa athwaayo kheyaaworille wi evollowena. Sika yaawellana vaddullu va enyumbeeyo ephovolla nave emukitthihella variyari va athwaayo vamiitthoni va Yesu emukonaatthihalle vamachirani.

1 Samuele 9:26

Vano Saulo aakonille vaavo. Oyaaka ni osa Samuele amwiithana Saulo vaddullumvo wi, “Venya, kuuvelleelle, kuuhiye mvo.” Saulo aavenya. Olliye ni Samuele yaatimulla oya omusewuni.