1 Samuele 9:16 - Mawu a Mulluku

¹⁶ “Osiisello enthawi wonanko yeella kinneerewuurumihella muthu ovenyera o nlloko na Benjamini, omuzoze ni makhura a olivi vamuru vaye wooniha wi anaakhalle mwene aathwaaka, Aisraele. Aneerewaavullusa athu wa Afilisti. Kohoona ollakiwa wiwa nave kohiiwa winlla wiwa.”

1 Samuele 9:16 ပူးပေါင်းရင်းမြစ်များ

1 Samuele 10:1

Vano Samuele aakusa yookusella makhura, aahella makhuraayo va muru va Saulo amukhupaarella allota wi, “Apwiya ahuuzoza wi okhalle mwene a athwaaye, Aisraele. Oneerewaalamulella athu a Apwiya ni waavullusa wa adaniiwa attheene. Echizindikiro yawi Apwiya ahuuzoza wi okhalle mwene a yoohallanaaye tti yawi,

Masalimo 106:44

Komave Apwiya yahaakavihera va ddookatamiha ddiwa, yiiwalliiwa winlla wiwa.

Masalimo 25:18

Onani ddoohoosa ddaka ni ddookatamiha ddaka, kikhululukelleni machimwaaka mattheene.

1 Samuele 15:1

Nllapo nimodda Samuele aamulleella Saulo wi, “Apwiya yaakiruma wi kuuzozeni wi mukhalle mwene a athwiiwa Aisraele. Vano iwellani othenga woovenyera wa Apwiya.”

1 Samuele 16:3

Omwiithane Yese omukuthoninko, vano kineerewuulleella yawi weere. Nave wakizozelle oyo kinaawuuromollelleemi nnddina naye.”

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

2 Samuele 3:18

Vano enthawi yaweera ddennddo tti yeella. Valle Apwiya yaamulonjeza Davide wi, ‘Kineerewaavullusa athwaaka Aisraele m'mattani mwa Afilisti oweella mwa oorumeyellaaka ni m'mattani mwa adaniiwa attheene.’ ”

2 Mamwene 20:5

“Hokollowa, wamulleelle Hezekiya, mwene a athwaaka wi, ‘Mi Apwiya Mulluku a nikhollo nawo Davide kohiiwa ovekella wawo nave kooddoona miitthori ddawo. Vano kineerewuuchiriha. Oneerowora ollapella o enyumba ya Apwiya omuroto vano.

Masalimo 102:1

Nyu Apwiya, iwani nivekello naka, winlla waka ophiye wa nyuwaano.

Yeremiya 32:8

Wonanko mmo Apwiya yallotelliiwa, Hanamele musuwanaaka aakaaryeryella o nthato na alonda. Olliye aallota wi, ‘Kulla emataaka o Anatoti mu ellapo ya Benjamini vawi weyaano sika oophwanella wi woopolle wi ekhalle yoohallanaawo. Sika kaadduwella wi olla tti othenga wa Apwiya.

1 Samuele 14:20

Saulo ni athu aariiyena yaatthukumana wi eye yawanake ni Afilisti nave yaawoona Afilisti yiiphananaka anayaayove mwawaanganyereya.

1 Samuele 14:23

Nave ekhotweeyo yaawaniwa ophiyera yaakhwaranya muzinda wa Betaveni. Mmu sika Apwiya yaavulluselliiwa Aisraele nllapo nenno.

Miyambo 16:9

Muthu annaganizera ettillaaye koma Apwiya ennookollella manyallwaaye.