1 Samuele 8:7 - Mawu a Mulluku

⁷ Apwiya yaallota ni Samuele wi, “Wiiwellelle ddittheddene nnddo athwaayo enuulleelliiwa. Khenuukhoota weyaano koma miyaano. Khenapaalla wi kikhalle mweniiwa.

1 Samuele 8:7 ပူးပေါင်းရင်းမြစ်များ

1 Samuele 10:19

Koma ollello, nyuwaano moomukhoota Mullukwaanyu oyo uuvullusalleni mu ddoohoosa ni ddookatamiha ddanyu. Munallota wi, ‘Iyaayi! Koma muninnye mwene oonilamulella.’ Vano mutthukumane vamiitthoni va Apwiya moollikana ni mallokwaanyu ni mabanjaanyu.”

Luka 19:27

Vano wa adanaaka ayo yahipaalla wi kikhalle mweniiwa, akuseni muweena wuno nave muwiiphe kiwoonaka!’ ”

Luka 10:16

Vano Yesu ahaalleella athu aarumalleeyaalle wi, “Oyo anawiiwellellani nyuwaano anakiiwellella miyaano nave oyo anuukhootani nyuwaano anakikhoota miyaano nave oyo anakikhoota miyaano anamukhoota oyo akirumalle miyaano.”

Eksodo 16:8

Nave Mose aallota wi, “Tti Apwiya ayo enuuvaheni misikuwa enama yawi muche nave ohinase buledi awi muvone, ekaamba yawi ahiiwa okhupanya wanyu ottheene woomuvaanyiha. Hiyaano niri aani? Okhupanya wanyu khemunakhupanyella wa hiyaano koma wa Apwiya.”

Luka 19:14

Vano athu oowaniwaalle yaanamwiita nave atimullalleeye athwaayo yaamuruma oorumiwa wi allote wi, ‘Hiyaano khaninapaalla wi muthu yoolla akhalle mwenaahu.’

Mateyu 10:40

“Oyo anawaakhellani nyuwaano anakaakhellattho miyaano, oyo anakaakhella miyaano annamwaakhellattho Mulluku oyo akirumalle.

Yohane 13:16

Ddawoona, kinimuulleellani wi kaporo khanaakhwaranya apwinnya nave oorumiwa khanaakhwaranya oyo anamuruma.

Yesaya 66:4

Sika miyaano kineerewaallaka nave kineerowoopopiha kaambiiwa kheyaawaakhunlle kawiithaneemi apaalle waapella maaru mvo kalloteemi. Yaheera ddoonanara vamiitthoni vaka, yaatthoolla weera ddeko ddookinanara.”

Numeri 22:20

Vano Mulluku aawa wa Balamu mahiiyu vaavo amulleella wi, “Yaarimi athwaayo eweelle owiithana, venya othaananena. Koma weere ddennddove kinuulleelleemi.”

Oweeruza 8:23

Koma Gideoni aawaakhulla wi, “Mi nguulamulellani, mwanakattho khuulamulellani. Apwiya sika enuulamulelleni.”

1 Samuele 8:8

Waambeella nllapo kaakhumihalleemi o Iguputo ophiyera ollello ddaweera ddiwa tti ddookikhootave miyaano nave enarumeyella milluku ddimodda. Vano naweenettho enaweerella ddennddo.

1 Samuele 8:22

Vano Apwiya yaamulleella Samuele wi, “Owiiwellelle nnddo enallotiiwa nave owinnye mwene.” Vano Samuele ahaalleella Aisraelaayo wi, “Attheene rowani owaninyu.”

1 Samuele 12:1

Samuele aallota wa Aisraele attheene wi, “Koowinnyani mwene wi ulamulelleni moollikana ni mmo mwakivekelleenyu.

1 Samuele 12:12

Vano moonilleenyu wi Nahashi, mwene Aamoni aawa wi awane ni nyuwaano nave mwaakilleella wi ‘Iyaayi koma mwene sika anaanilamulelle.’ Koma ovenyera khalle amwenaanyu yaari Apwiya Mullukwaanyu.

Yeremiya 34:14

Echipanganweeyo yaari yawi miyakha mitthanu ni miilli ddamalla, arive muthu mwa nyuwaano amuttaphulle mu okaporo arive Muheberi oyo iikullihalle wa nyuwaano aphara mutteko miyakha mitthanu ni mmodda. Koma makhollwaanyu kheyaakiiwellelle nave kheyapwathillewo naari vang'ono.

Ezekiele 2:3

Aakilleella wi, “We mwaana a muthu, kinuuruma wa Aisraele, mutundu wa athu eekuku ayo ekiwukilalle. Alliwa ni makhollwiiwa aakhalla ekichimwellaka ophiyera ollello.

Ezekiele 3:7

Koma Aisraele khewa ewiiwella kaambiiwa khenapaalla okiiwella. Attheenaayo tti a awuumiha murima ni oohiiwellella.