1 Samuele 8:20 - Mawu a Mulluku

²⁰ Ninapaalla wi naheenettho nikhalle wonanko mitundu ddimodda ddittheddene nave mwenaahu aneeruzeke, anihoollelleke woowana ekhoto.”

1 Samuele 8:20 ပူးပေါင်းရင်းမြစ်များ

1 Samuele 8:5

emulleella wi, “Nyu mohuulluvalla nave aniinyu khenattakihera makhallellwaanyu. Vano munithoollelle mwene wi anilamulelleke wonanko ddineerella mitundu ddimodda dda athu.”

1 Petro 2:9

Nave nyuwaano tti mutundu wootthoolliwa, allupa mukutho oomwene, mutundu woopatuleya, athu a mwaneena Mulluku, ootthoolliwa wi mullalleye ddaweera dda Mulluku ddoottikhiniha, oyo aawiithanneni ovenyera mwiipiphini oya mu owala waye woottikhiniha.

Afilipi 3:20

Koma hiyaano owanihu tti oddullu nave nnamutiyera oovullusaahu, Apwiya Yesu Khrisitu wi awe ovenyera wenko.

2 Akorinto 6:17

Nave vano Apwiya Mulluku enallota wi, “Khumani variyari viwa nave muhipwesererane ni yaayo. Muhittannye ello yooripihiwa, nave kineerowaakhellani.

Aroma 12:12

Muhakallalleke ekaamba ya otiyera wanyu. Muvillelleke mwaahoosiwaka nave muvekelleke moohihiyerera.

Yohane 15:19

Mwakhanlleke a ellapo yavatthi, athu a ellapo yavatthi yaawerewuukondani wonanko weekhiiwa. Koma nyuwaano khamuhiyo a mu ellapo yavatthi kaambiiwa kahuutthoollani ovenyera mu ellapo yavatthi sika kaambiiwa athu a mu ellapo yavatthi enawiitellaniiwa.

Masalimo 106:35

Koma yaattakanyiherana ni mitundu ddimoddannddo ehuddera makhallellwiiwa oonanara.

Deuteronomo 7:6

Nyuwaano tti mutundu woopatuleya wa Apwiya Mullukwaanyu vawi yahuutthoollani wi mukhalle athwiiwa variyari va athu attheene a va ellapo yavatthi.

Numeri 23:9

Kinawoona ovenyera vaddullu va miyaango, Kinaweha ovenyera va asimiyaango. Alliwa tti athu ookhalla vaweekhiiwa, oohiddeerengelle ni athu a mitundu ddimodda.

Eksodo 33:16

Ethiyo ddinaadduwanyeye mwawiidde wi mookeerella echifundo ni athwaanyu mwaahithaanana ni hiyaano? Mwathaanana ni hiyaano ddineeronihiyaniha ni athu amodda attheene a va ellapo yavatthi.”

1 Samuele 12:2

Vano mwene sika anuuhoollellekeni. Miyaano kohuulluvalla, meehaaka tti alla eri ni embwi nave anaaka tti yaayo muriinyuna nimodda. Kookhalla kuuhollellakani waambeella kiri musombwe.

1 Samuele 12:12

Vano moonilleenyu wi Nahashi, mwene Aamoni aawa wi awane ni nyuwaano nave mwaakilleella wi ‘Iyaayi koma mwene sika anaanilamulelle.’ Koma ovenyera khalle amwenaanyu yaari Apwiya Mullukwaanyu.