1 Samuele 7:10 - Mawu a Mulluku

¹⁰ Samuele avelleellaka mukutho wooshellelliha Afilisti yaaphiya vakhuviru wi ewane ni Aisraele. Koma Apwiya yaawoopopiha Afilistaayo ni mawu ookhalla wonanko ogugudeya wa murimu woovenyera oddullu, ahaasimelliha nave yaathawa vamiitthoni va Aisraele.

1 Samuele 7:10 ပူးပေါင်းရင်းမြစ်များ

1 Samuele 2:10

Apwiya Mulluku muullupalli eneerewaanyenya adaniiwa, eneerowoopopiha ni ogugudeya wa murimu woovenyera oddullu. Apwiya eneeroweeruza ophiyera omalla wa ellapo yavatthi ettheene, mweniiwa eneeromwinnya masiva, eneerowunnuwiha masiva a mweniiwa oozoziwa.”*

1 Samuele 12:17

Ethiyo ella khehiyo ellimwe, enthawi yoomuhata tirigu? Koma kinapaalla kaaveke Apwiya wi emurupihe murimu oowa ni ogugudeya. Moona ddenndda mudduwelle wi ochimwa wanyu tti wuullupalli, voovekani wi mukhalle ni mwene.”

Oweeruza 5:20

Etheneeri ddaawana ekhoto ovenyera oddullu, ddaawana ekhoto ni Sisera, ddeetaka mumilekani ddiwa ddamuddullu.

Yoswa 10:10

Apwiya yaaweeriha adanaayo wi yoove yawoonilliiwa akhoto a Aisraelaalle. Aisraele yahaagonjiha Aamori o Gibiyoni. Yaawiikariha okittha mwaango wa o Betehoroni ni owiipha ophiya o Azeka ni o Makeda.

Zekariya 4:6

Vano olliye aakilleella wi kimulleelle Zerubabele mawu a Apwiya awi, “Ddawoona, oneeropambana koma ohiri ni ekhoto apaalle ni masivaawo koma ni munepaaka. Mi Apwiya Amasiva Mattheene koollota.

Oweeruza 5:8

Athu yatthoonlliiwa milluku ddimodda, ekhoto yaaphiya mwiillaponi. Mwa athu 40,000 mu Israele, ttaani atukhullalle yoomuteteza apaalle nivaka?

Oweeruza 4:15

Vano Apwiya yaamwaapheelliha muru Sisera ni magaretaaye mattheene ni akhotwaaye attheene. Baraki ni akhotwaaye yaanaathwara vatulli ewiiphaka athu anchichi. Sisera aakittha vagaretanaaye anathawa eetaka vatthi.

1 Samuele 7:11

Vano Aisraele yaakhuma o Mizipanko enawiikariha Afilistaayo, waakhwaranyiha o Betakera, ewiiphaka m'musewuni mutthemwene.

1 Samuele 14:15

Vano Afilisti attheene yahaapheella miru ni woova wuullupalli. Akhoto a omisasani wulle ni awoononga yaatthukumella wunchichi. Ellapo yaatikheya nave otikheyanko wahoonjerera woova wa Afilistaalle.

Masalimo 29:3

Mawu a Apwiya enniiweya vaddullu va enyanja, Mulluku ootitimiheya annagugudeya wonanko murimu, mawaaye enniiweya va enyanja yoowallamella.

Masalimo 29:4

Mawu a Apwiya tti amasiva, mawu a Apwiya aakhalla ni olamulello.

Deuteronomo 28:7

“Apwiya eneerewuugonjihellani adanaanyu yuuwukilani. Vawuuwukilani enaaweelle ettilla emodda koma voothawani enaapallalleyelle ettilla dditthanu ni piilli.

Masalimo 18:15

Mitthipidda dda enyanja yoowallamella ddahooneya, matthipello a ellapo yavatthi yaakhalla vaweella, Nyu Apwiya mwasimweenyu moowalli, mwavumeenyu mwamasiva ovenyera mphunani mwiwa.

Masalimo 78:66

Komave vano Mulluku aawiikariha adanaaye, aawulliha muru wa enthawi yoohimalla.