1 Samuele 6:9 - Mawu a Mulluku

⁹ Vano muniweheke nigaretanno nakusa musewu wa owaniwa ophiya o Beteshemeshi sika wi tti Apwiya a Aisraele yaniwiihelle ddookatamiha. Koma ddaaheereya ddiiddo nineerodduwella wi khehiyo alliwa yanillaka, waarimoona okhalla otullaahu.”

1 Samuele 6:9 ပူးပေါင်းရင်းမြစ်များ

Yoswa 15:10

Nave maliraayo yahaapheella waambeella Baala woovollowa nndduwa, o mwaango wa Seiri evirirellella o embali ya mwaango wa Yearimu ompoto (sika wi Kesaloni), ekitthella o Beteshemeshi ekhwaranyella o Timna.

Luka 10:31

Vano waheereya wi mullupa mukutho avirella musewu yooyo. Amoonilleeye, aheeta okhwipi wa musewooyo.

Oollalleya 9:11

Kohoonattho vatthimva wi oopambana voothamakani khe yaayove enathamaka wunchichi, oopambana vakhotoni khe yaayove enallipa, ookhalla ni yoocha khe yaayove eri ni ezeru, eeyuuma khe yaayove edduwenlle ddinchichi nave khe yaayo enakondelliwa eri ni eruso. Attheenaayo ekari enaamorella va enthawiiwa.

2 Samuele 1:6

Akhotoolle aallota wi, “Kaari vamwaangoni wa Gilibowa. Kiri vaavo kaamoona Saulo ahameelle nivaka naye. Nave adanaaye yaari emwaatamelle Saulooyo.

1 Samuele 6:3

Alliwa yahaakhulla wi, “Mwapaalla onihokollosa nibokosinna muhinirumihe noohikhalla ni ello. Koma naari ddikatamihalle, munirumihe ni yoovelleella wi ekhalle mukutho wookhululukella machimo. Mweeddiiddo muneerochirihiwa nave muneerodduwella ekaamba eyo Apwiya yuuhooselliiwani.”

Yoswa 21:16

Aini ni mapuro oochihellamo eziweto, Yuta ni mapuro oochihellamo eziweto ni Beteshemeshi ni mapuro oochihellamo eziweto. Mizinda mitthanu ni misese ovenyera mu malloko meellaalla.

Amosi 3:6

Ethiyo nipallapata nakhoto ttuuwiipiwa m'muzindani koma athu oohoova? Ethiyo ddawoopiha ttuumorella m'muzindani ehiri Apwiya eddirumihallemo?

Yesaya 26:11

Nyu Apwiya, mootukhullella muddullu nnatta nanyu wi mwaallake koma alliwa khenoona nnattanno. Athwaayo ewulliwe muru vawoonani mmo munaakondelleenyu athwaanyu. Munllo mwaakharihelleenyu adanaanyu waashellellihe alliwa.

1 Samuele 6:10

Afilisti yahiiwellella malangizwaalle. Yaakusa eng'ombe piilli ddawaamwiha eddimakellella onigaretani, yaawallella asaaniiwa munikhollani.

1 Samuele 6:12

Vano eng'ombenndde ddaheeta moothwara musewu muullupalli wooya o Beteshemeshi, ddinllaka. Khaddaarukunuwelle wuunyotthoni apaalle onnattanatta, mamwene a Afilisti yaari eddithwaraka vatulli viwa, ophiyera m'malireni a Beteshemeshi.

Eksodo 8:15

Farao oonille wi ddohaamba okhalla phaama, ahummiha murimaaye nave aakhoota omwiiwellella Mose ni Aroni moollikana ni mmo Apwiya yallotelliiwa.

1 Mamwene 4:9

Benedekere oolamulella mizinda dda Makazi, Shalabimu, Beteshemeshi ni Eloni Betehanani.

2 Epilli 25:21

Vano Yowashi, mwene a o Israele, aaya awanana ni Amaziya, mwene a o Yuda, o Beteshemeshi o Yuda.