1 Samuele 6:5 - Mawu a Mulluku

⁵ Vano mupange maphwanaphwaniho a etthuku ni a amuthoro ayo enoononga mwiillaponi mwanyu nave mumutitimihe Mulluku a Aisraele. Mwaamodda eerohiya wuullakani nyuwaano ni milluku dda mwiillaponi mwanyu.

1 Samuele 6:5 ပူးပေါင်းရင်းမြစ်များ

Yoswa 7:19

Vano Yoswa aamulleella Akani wi, “We mwanaka, atitimihe Apwiya Mulluku a Aisraele nave waavahe olemu. Killeelle naanweene vaava nnddo weerilleewe. Ohivitthe wa miyaano.”

1 Samuele 5:11

Sika vano yaawiithanattho mamwene mattheene a Afilisti wi etthukumane, ellota wi, “Venyihanivoni nibokosinna, munihokolloselle nko navenyeriiwawo, woova wi ninaaniiphe ni athwaahu.” Vawi mwaakhalla woova wuullupalli m'muzindani mutthemwenemmo. Apwiya yaanaallaka mwawoopiha athu a wenko.

Yohane 9:24

Vano yaamwiithana wiilli muthoolle khalle aari oohoona ellota wi, “Llupella vamiitthoni va Mulluku, ninnadduwella wi muthu uuchirihalloolla tti oochimwa.”

Yesaya 42:12

Yaatthamalle Apwiya, ellalleye olemwiiwa o ellapo ddawaatamella enyanja.

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Masalimo 32:4

Vawi otthaana ni misikuwa nnatta nanyu naakiwatakanya, masivaaka yaamalla wonanko makattha mu ellimwe.

1 Samuele 5:9

Koma ephiyallena o Gati, Apwiya yahaallaka, yahaahoosa mwawoopiha athu a m'muzindanimmo, anamwani ni attekweeneene vawi athu attheenaayo etthuku ddahaakhuma mwiilli muttheene.

Yawuupullulla 16:9

Athu yahaavulliwa ni oviha wawoopihanngu nave yahaamba ollotella epewe nnddina na Mulluku oyo arina olamulello va millillinndda. Koma kheyaarukunuwalle murima wi emutitimiheke Mulluku.

Yawuupullulla 14:7

Aallota ni mawu oowella wi, “Mooveni Mulluku nave mutitimiheni vawi enthawi yawi eeruze yoophiya. Mullapelleni olliyooyo aphatusalle oddullu, ellapo yavatthi, enyanja ni aneetuutu!”

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

Malaki 2:2

Apwiya Amasiva Mattheene enallota wi, “Mwaahikiiwellellaka, mwaahivahaka olemu ni murimaanyu muttheene nnddina naka, kineerotembelela madaliswaanyu. Kahaatembelela khalle kaambiiwa khamwiiwellelle lamulo naka ni murimaanyu muttheene.

Yowele 2:25

Kineerewuuhokollosellani mmiddo ddanyu ddittheddene nnddo ddaachiwe ni nazombe a mitundu ddittheddene miyakha ddenndde. Ollathi sika mulloko wakhoto oyo kawurumihalleemi wi owoonongeni.

Yeremiya 3:13

Akhullella ochimwa wawo wi wahaawukila Apwiya Mullukwaawo wi waallapella milluku ddeelleto vatthi va orive muteekho woovattha navettho wi khawaawiiwellelle mawaaka. Mi Apwiya koollota.’

Yesaya 19:1

Nngu sika ollotella wa dda Iguputo. Apwiya aawella va murapo woothamaka oya o Iguputo. Mafano a o Iguputo eneerotthukumella vamiitthoni viwa nave mirima ddiwa ddineerotthomowa ekaamba ya woova.

Masalimo 66:3

Mulleelleni Mulluku wi, mitteko ddanyu tti ddoottikhiniha. Masivaanyu tti muullupalli, adanaanyu ennawaramella vatthi moowoovani.

Masalimo 39:10

Kivenyihelleni muwashullo, kookokhowa ekaamba ya okiwashulla wanyu.

Masalimo 18:44

Yiiwalle mawaaka yahaamba okiiwellella, athu a ellapo ddimodda yaananiwaramella.

Numeri 33:4

Aiguputo yaari yaavitthaka aniiwa aallopwana awaamba ayo Apwiya yawiiphalliiwa variyari viwa vawi Apwiya yaallaka milluku dda Aiguputo.

Eksodo 12:12

“Mahiiyu yaayo miyaano kineerovira mwiillaponi ya Iguputo nave variyari va Aiguputwaayo kineerowiipha anamwani aallopwana awaamba a athu ni a eziweto. Kineerollaka milluku ddittheddene dda Iguputo vawi mi tti Apwiya.

Eksodo 8:24

Sika Apwiya yaheera ddenndda nave milloko dduullupalli dda miikaanga ddaavollowa mpa mwa Farao, mpa mwa enduna ddaye navettho mu ellapo ettheene ya Iguputo. Ellapo ettheeneeyo yahoonongeya ni engwillihinnddo.

Eksodo 8:17

Nave alliwaayo yaheera wonanko mwemmo sika Aroni aakusa ekopwaayeelle awashullana vatthi. Vano nthupi nittheene naatthattuwa ethupo nave ddaamwareyella va athu ni enama ddene. Sika nthupi nittheene na o Iguputo naari ethupove.

Eksodo 8:5

Apwiya yaamulleellattho Mose wi, “Mulleelle Aroni wi, ‘Tthoonyiha ekopwaawo omihinjeni, omitthipiddani ni omatokwini wi anaphullu ekhume va ellapo ettheene ya Iguputo.’ ”

1 Samuele 6:8

Vano mukuse nibokosi na echipanganonno munihiye munigaretani, vakhwipi viwa muhiyevo nibokosi na ddeko ddagolide nndde munarumiheenyu wa Apwiya wi ddakhalle mukutho wookhululukella machimo. Mweeddiiddo muhiye nigaretanno niyeeke nko onaayeke eng'ombe.

1 Epilli 16:28

Atitimiheni Apwiya, nyu athu a mitundu ddittheddene, akhullellani wi ntitimiho ni masiva tti ddayiwa.

1 Epilli 16:29

Tthamallani ntitimiho na nnddina na Apwiya, wannani ddoovelleella m'mathatoni a enyumbiiwa. Allapelleni Apwiya antitimiho ni aweella,

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”