1 Samuele 6:2 - Mawu a Mulluku

² Vano Afilisti yaawiithana allupa mukuthwiiwa ni athu amakhanga yaakoha wi, “Ninaaweerena tini nibokosi na echipanganonna? Nilleelleni, ninaanihokollose mwawiidde?”

1 Samuele 6:2 ပူးပေါင်းရင်းမြစ်များ

Eksodo 7:11

Vano Farao aawiithana athwaaye eezeru ni amasenga. Nave alliwaayo yaheerattho emoddamoddave yeeyo mwa masengiiwa.

Genesis 41:8

Osaka wene ohinase ekhovaaye yaamora wunchichi wawi aawiithaniha amasenga attheene ni athu attheene eezeru a o Iguputo. Attheenaayo ewiille, Farao ahaatthopoollella ddoolloha ddayennddo koma khaavo naari mmodda aworille ottaphullella.

Daniele 5:7

Mwene aakhuwa owiithana awoombesa, amasenga ni oollotella ddamuhoollo wi ewe. Ahaalleella eezeru a o Babiloni wi, “Arive muthu oowora weerenga ddilembiwe mvanndda ni okilleella ottaphullella wiwa, kinimamuwariha ddoowara ddooreera ddoofiira ni ogufu wagolide munikohini nave anaakhalle oolamulella aneeraru mu ellapweella.”

Daniele 2:2

Sika mwene aawiithaniha awoombesa, amasenga, amakhanga ni oollotella ddamuhoollo wi emuttaphullelle nnddo allohilleeye. Alliwa yaavollowa yiimella vamiitthoni va mwene.

Mateyu 2:4

Vano Herode ahaatthukumaniha allupa mukutho uullupalli ni ahuddihi a malamulo* attheene a Eyuda. Vano ahaakoha wi, “Anaayariwelle wuuwi Mesiyooyo.”

Yesaya 2:6

Nyu Apwiya, mohaakhoota athwaanyu, edduullu dda Yakobo. Ellapo yooddalla ni athu amasenga a wookhuma nndduwa monga Afilisti nave athu ennathwara makhallello eelleto.

1 Samuele 6:1

Nibokosi na echipangano naakhalla mu ellapo ya Afilisti miyeri mitthanu ni miilli.

1 Samuele 5:8

Vano yaawiithaniha mamwene mattheene matthanu a Afilisti yaakoha wi, “Neerena tini nibokosi na echipangano na Apwiya a Aisraele?” Athwaayo yahaakhulla wi, “Nibokosi nenna ninirumihe o Gati.” Vano yaarumiha nibokosi na echipanganonno wenko.