1 Samuele 6:17 - Mawu a Mulluku

¹⁷ Maphwanaphwaniho eetthuku ddagolide, nndde Afilisti yavelleelliiwa mukutho ddooveka okhululukelliwa wa Apwiya, ddiimellella mizinda mitthanu: Ashidodi, Gaza, Ashikeloni, Gati ni Ekeroni.

1 Samuele 6:17 ပူးပေါင်းရင်းမြစ်များ

2 Samuele 1:20

Muhinallalleya ddenndda o Gati, muhinanivuwiha m'misewuni dda Ashikeloni wi atthiyana a Afilisti, oohiphaddiwa, ehinittheye.”

Amosi 6:2

Khaweni o muzinda wa Kaline wi moone, muyettho o Hamati, muzinda woovuwoolle vano mukitthelle o Gati wa Afilisti. Ethiyo nyu Aisraele, munnaakhwaranya athu a moomwene yaalla, apaalle ellapwiiwa tti yuullupalli okhwaranya yawinyu?

Yeremiya 25:20

owaakattho wa athu a mitundu ddimodda ookhalla mu Iguputo. Yaakirumattho wa mamwene mattheene a o Uzi, wa mamwene mattheene a o mizinda dda Afilisti, sika wi Ashikeloni, Gaza, Ekeroni ni o echigawo yoohalla ya o Ashidodi.

2 Epilli 26:6

Aaya awana ni Afilisti nave aakumulla mpanda wa Gati, wa Yabine ni wa Ashidodi. Nave aamaka mizinda mu echigawo ya Ashidodi navettho mu echigawo emodda variyari va Afilisti.

2 Mamwene 1:2

Nllapo nimodda mwene Ahaziya aamora ovenyera va nikhote na echipindaaye yamuddullu aphoreya wunchichi. Sika ahaaruma amithenga wi, “Khaweni mwakohe wa Baala Zebubi, mulluku a athu a o Ekeroni keeki kichire.”

2 Samuele 21:22

Nndda ddaari edduullu dda Arefaimu a o Gati koma yahiiphiwa ni Davide ni akhotwaaye.

1 Samuele 6:4

Nave yaakoha wi, “Ethiyo mukutho wookhululukella ddoochimooyo okhalle wawiidde?” Alliwa yahaakhulla wi, “Okhalle maphwanaphwaniho a golide a etthuku dditthanu ni amuthoro atthanu, moophwanaphwana ni mamwene a Afilisti. Vawi mullilli yoolla waari va nyuwaano nave va mamwenaanyu.

1 Samuele 5:10

Vano yaarumiha nibokosi na echipanganonno o Ekeroni koma naphiyiiwa o Ekeroni athu a wenko yahinlla wi, “Aaniwiihella nibokosi na echipangano na Mulluku a Aisraele wi aniiphihe hiyaano ni aniihu.”

1 Samuele 5:8

Vano yaawiithaniha mamwene mattheene matthanu a Afilisti yaakoha wi, “Neerena tini nibokosi na echipangano na Apwiya a Aisraele?” Athwaayo yahaakhulla wi, “Nibokosi nenna ninirumihe o Gati.” Vano yaarumiha nibokosi na echipanganonno wenko.

1 Samuele 5:1

Afilisti yaakhilliiwa nibokosi na echipanganonno, yaanitukhulla ovenyera o Ebenezeri ophiyana o Ashidodi.

Oweeruza 16:21

Afilistaalle yaamuphara emutthorokolla miitthwaaye nave eyaana o Gaza emmakille ni onyolo wamikoko. Wenko muttekwaaye waari woosilla vansilloni mundende.

Oweeruza 16:1

Samisoni aaya o Gaza nave wenko aamoonawo mutthiyana ooraruwa nave aakonana.

Oweeruza 1:18

Ayuda yahaagonjihattho athu a muzinda wa Gaza ni ezigawo ddittheddene ddawaapheella, athu a muzinda wa Ashikeloni ni ezigawo ddittheddene ddawaapheella, athu a muzinda wa Ekeroni ni ezigawo ddittheddene yalamulelliiwa,

Levitiko 5:7

“Koma muthu aahikhallana enkhosa apaalle epuri, akuse manddiya meelli apaalle mawunda meelli wi ddikhalle mukutho woovelleelliwa wa Apwiya woopepesella machimo. Emodda ekhalle mukutho woopepesella machimo nave emoddeeyo ekhalle mukutho wooshellelliha.

Deuteronomo 28:27

Apwiya eneerewuullakani ni etthuku wonanko dda o Iguputo. Muneerokhalla ni makhwata, ovelle ni oneena, ddittheddenenndda ddoohiiwa murete.

Amosi 1:6

Apwiya enallota wi, “Ekaamba ya ddoolakwa ddiraru dda athu a o Gaza apaalle ddisese, ngihiya omullaka. Vawi yaawuphara okaporo mutundu muttheene wa athu eyaana o Edomu.

Oweeruza 14:19

Vano Munepa wa Apwiya waamukitthella Samisoni mwamasiva nave Samisonooyo aaya o Ashikeloni awiipha athu 30 a mwiillaponimmo nave aawaakha ddoowara ddiwa dda nllapo na ehakallallo addivelleella wa ayo yattaphullelle mwambaalle. Nave aahokollweella o enyumba yaattiitthinnya ashille murima.