1 Samuele 5:8 - Mawu a Mulluku

⁸ Vano yaawiithaniha mamwene mattheene matthanu a Afilisti yaakoha wi, “Neerena tini nibokosi na echipangano na Apwiya a Aisraele?” Athwaayo yahaakhulla wi, “Nibokosi nenna ninirumihe o Gati.” Vano yaarumiha nibokosi na echipanganonno wenko.

1 Samuele 5:8 ပူးပေါင်းရင်းမြစ်များ

Zekariya 12:3

Nllapo nenno kineeromutthattusa Yerusalemu nlluku noollemella wunchichi wa mitundu ddittheddene dda athu. Attheene enaaheye otukhulla nineerewaavoreya wunchichi nave mitundu ddittheddene dda va ellapo yavatthi ddineerotthukumana vamodda wi ddillipanena.

Amosi 6:2

Khaweni o muzinda wa Kaline wi moone, muyettho o Hamati, muzinda woovuwoolle vano mukitthelle o Gati wa Afilisti. Ethiyo nyu Aisraele, munnaakhwaranya athu a moomwene yaalla, apaalle ellapwiiwa tti yuullupalli okhwaranya yawinyu?

1 Samuele 17:4

Vano omisasani wa Afilisti waakhuma muthu mmodda amasiva oovenyera o Gati, nnddina naye Goliati. Ari oorekama vakhuviru mamita mararu.

1 Samuele 5:11

Sika vano yaawiithanattho mamwene mattheene a Afilisti wi etthukumane, ellota wi, “Venyihanivoni nibokosinna, munihokolloselle nko navenyeriiwawo, woova wi ninaaniiphe ni athwaahu.” Vawi mwaakhalla woova wuullupalli m'muzindani mutthemwenemmo. Apwiya yaanaallaka mwawoopiha athu a wenko.

1 Samuele 5:7

Athu a o Ashidodi yoonille mmo ddeko ddakhallelliiwa, yaallota wi, “Nibokosi na echipangano na Apwiya na Aisraelenna nihikhalle ni hiyaano vawi Apwiyiiwa aanillaka mwawoopiha hiyaano ni mullukwaahu, Dagoni.”

1 Samuele 29:6

Akishi aamwiithana Davide amulleella wi, “Kinimallupella vamiitthoni va Apwiya Ookumi, weyaano wookhalla oororomelleya wa miyaano nave orumeyella wawo m'millokoni ddakhoto wookiddivella wunchichi. Kheyiivo yoolakwa kuuphwannyemina waambeella nllapo nenne wawiilleewe wuno ophiyera ollello. Koma mamwene mamodda khenuupaalla.

Yoswa 13:3

(ellapo yeella yaambeelle omuhinjeni wa Shihori wookhuma nndduwa wa Iguputo ophiyera omalireni wa Ekeroni ompoto. Ellapo ettheeneeyo yaari m'mattani mwa Akanani. Oolamulella ellapo ya Afilisti akhalla o Gaza, o Ashidodi, o Ashikeloni, o Gati ni o Ekeroni) ni ellapo ya Avimu,

Yoswa 15:11

Vano maliraayo yaakhumellella wookitthella mwaango wa Ekeroni ompoto ephiya o Shikeroni, ekhwaranyella o mwaango wa Baala ekhuma o Yabinele yamallella o enyanja.

1 Samuele 6:2

Vano Afilisti yaawiithana allupa mukuthwiiwa ni athu amakhanga yaakoha wi, “Ninaaweerena tini nibokosi na echipanganonna? Nilleelleni, ninaanihokollose mwawiidde?”

1 Samuele 17:52

Vano akhoto a o Israele ni a o Yuda yahaamba okhuwa ewiikarihaka Afilistaalle ophiya o Gati ni omillakoni dda Ekeroni. Vano Afilisti oophoreya yaamiddamiddeya m'musewuni mutthemwene waambeella o Shaaraimu ophiya o Gati ni o Ekeroni.

1 Epilli 7:21

Tahati aamuyara Zabadi nave Zabadi aamuyara Shutela. Efuremu aakhalla ni anamwani amodda eelli, Ezere ni Eleadi ayo yiiphiwe ni athu a o Gati, aneetthi a ellapweeyo ekaamba yawi yaawa wi yaakhe eziweto ddiwa.