1 Samuele 5:7 - Mawu a Mulluku

⁷ Athu a o Ashidodi yoonille mmo ddeko ddakhallelliiwa, yaallota wi, “Nibokosi na echipangano na Apwiya na Aisraelenna nihikhalle ni hiyaano vawi Apwiyiiwa aanillaka mwawoopiha hiyaano ni mullukwaahu, Dagoni.”

1 Samuele 5:7 ပူးပေါင်းရင်းမြစ်များ

Eksodo 12:33

Aiguputo yaawaakuviha athu wi evenyemo mwiillaponimmo nave yaallota wi, “Ninoova wi ninaakhwe attheene.”

Yeremiya 48:7

“Nyu muneerophariwattho vawi mwaroromella mitteko ddanyu ni eyuumaanyu. Kemoshi, mullukwaanyu, aneerophariwa okaporo ni allupa mukuthwaaye ni enduna ddaye.

Yeremiya 46:25

Apwiya Amasiva Mattheene, Mulluku a Israele, enallota wi, “Kineeromullaka Amoni, mulluku a Thebesi. Kineeromullakattho Farao ni Iguputo ni milluku ddaye, mamwenaaye ni attheene ayo enamuroromella.

1 Epilli 15:13

Vawi khe nyuwaano mwanitukhullalle vawaamba valle, Apwiya Mullukwaahu yaanillaka ekaamba yawi khenaanipwathille moollikana ni mmo yapaallelliiwa.”

2 Samuele 6:9

Vano nllapo nenno Davide aawoova Apwiya nave aakoha wi, “Ethiyo nibokosi na echipangano na Apwiya ninaaphiye mwawiidde owanihu?”

1 Samuele 6:20

Vano athu a o Beteshemeshi yaallota wi, “Ttaani anaawore wiimella vamiitthoni va Apwiya Mulluku Aweella? Nave nibokosi na echipanganonna ninaaye wuuwi wi nivenyewo wuno?”

1 Samuele 4:8

Niri mu ddoohoosa! Ttaani anaawore onivullusa wa milluku ddamasivanndda? Ddennddathi tti milluku nndde ddawiiphalle Aiguputo ni millilli dda orive mutundu muchipululuni mulle.

Eksodo 10:7

Enduna dda Farao ddaamukoha wi, “Ethiyo muthu yoolla anaahiye niini onihoosa mwawi ddiidda? Waakhullelleni athwaayo evenyewo wi eye yaallapelle Apwiya Mullukwiiwa. Ethiyo khemunoona wi vano ellapo ya Iguputo yoomalla woonongeya?”

Eksodo 9:28

Ddoottepa! Vekella wa Apwiya wi ehiihe ogugudeya wa murimu ni marallallaalla. Kineerowaakhullellani wi muvenyewo. Khemukhallattho wuno iyaayi.”

Eksodo 8:28

Farao aallota wi, “Kineerowaakhullellani wi muye mwavelleelle mukutho wa Apwiya Mullukwaanyu muchipululuni koma muhirekamellesese nave mwakivekellelle.”

Eksodo 8:8

Vano Farao aamwiithana Mose ni Aroni aalleella wi, “Vekellani wa Apwiya wi ekivenyiherevo anaphullwaalla miyaano ni athwaakaalla nave kineerewaakhullella athwaanyu wi eye yaaheraatthelle mukutho.”

1 Samuele 5:6

Vano Apwiya yahaallaka athu a o Ashidodi mwawoopiha. Alliwa ni athu a ellapo ddawaatamanana yahaallaka ni etthuku.

1 Samuele 5:8

Vano yaawiithaniha mamwene mattheene matthanu a Afilisti yaakoha wi, “Neerena tini nibokosi na echipangano na Apwiya a Aisraele?” Athwaayo yahaakhulla wi, “Nibokosi nenna ninirumihe o Gati.” Vano yaarumiha nibokosi na echipanganonno wenko.