1 Samuele 5:2 - Mawu a Mulluku

² Vano yaanikusa yanihiya mu enyumba ya Dagoni, mullukwiiwa vakhuviru ni Dagonooyo.

1 Samuele 5:2 ပူးပေါင်းရင်းမြစ်များ

Oweeruza 16:23

Nllapo nimodda anamwani aallopwana a mamwene a Afilisti yaatthukumana wi evelleelle mukutho muullupalli wa Dagoni mullukwiiwa nave wi ehakallalle vawi yeehina, “Mullukwaahu oonikavihera omugonjiha Samisoni, mudanaahu.”

Daniele 5:23

Mohiitukhulla moovaanyihana ni Apwiya Ooddullu. Eziwiya dda o enyumba ya Mulluku aawaana o machellellwaanyu. Nave moomuwiryellamo vinyo nyuwaano, enduna ddanyu vamodda ni awarinyu uullupalli ni ang'onong'ono. Mootitimiha milluku ddasiliva, ddagolide, ddamukuwa, ddamukoko, ddamuteekho ni ddamalluku nnddo ddihinoona apaalle wiiwa. Khamwaamuvahille olemu Mulluku oyo anasunga m'mattani mwaye mpweyaanyu ni owehera meetellwaanyu mattheene.

Daniele 5:2

Amuwiryaka vinyo, Belishazara aalamula wi eweena eziwiya ddagolide ni ddasiliva nnddo Nebukadinezara attiitthinnya yaddivenyehalliiwa o enyumba ya Mulluku ya o Yerusalemu. Apaalla wi emuwiryellemo vinyo olliye, enduna ddaye vamodda ni awariye uullupalli ni ang'onong'ono.

1 Epilli 10:10

Vano yahiiyaatthi ezida ddaye ddakhoto mu enyumba dda milluku ddiwa nave yaatthomeya murwaaye mu enyumba ya Dagoni mullukwiiwa.

Habakuku 1:16

Ennaallapellattho mathaviiwa ni waaheraatthella mukutho ekaamba yawi ennaavaha erive ello yaphaama, ennaachiha ni waavoniha ddaphaama.

Habakuku 1:11

Vano ennashella ni okhwaranya wonanko ephevo, athu ayo masiviiwa tti mullukwiiwa.”

1 Epilli 10:8

Osaka wene Afilisti yaawa wi yaakhe dda athu awiiphiwaayo nave yaamuphwanya Saulo ni anaaye ekhwenlle vamwaangoni wa Gilibowa.