1 Samuele 4:21 - Mawu a Mulluku

²¹ Vano mwaanooyo aamuvaha nnddina nawi Ikabodi, ottaphullella wi, “Ntitimiho noovenyawo wa Aisraele!” Eerille ddiiddo kaambiiwa nibokosi na echipangano na Apwiya naari naakhiwe nave ekaamba ya okhwa wa attiitthinnya a mamune ni mamuneene.

1 Samuele 4:21 ပူးပေါင်းရင်းမြစ်များ

Masalimo 26:8

Nyu Apwiya, kinnakonda enyumba eyo munakhalleenyumo, onipuroni nko ori ntitimiho nanyu.

Masalimo 78:61

Aawaakhullella adanaahu wi yaakhe nibokosi na echipanganwaaye, nno naari echizindikiro ya masivaaye, ntitimiho naye.

Yeremiya 2:11

Ethiyo vookhalla mutundu wa athu oyo waambilleke waakakhaniha milluku ddiwa? Komave athwaaka aakaakakhaniha mi, Mullukwiiwa antitimiho ni milluku ddoohikhalla ni mutteko.

Masalimo 78:64

Allupa mukuthwiiwa yahiiphiwa ni nsupada, anaamukhwelliiwa kheyaakhullelliwe winlla maliro.

Hoseya 9:12

Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

1 Samuele 4:11

Nibokosi na echipangano na Mulluku nahaakhiwa nave anamwani eelli a Eli, Hofini ni Finehasi yahiiphiwattho.

Masalimo 106:20

Yahaakakhaniha ntitimiho na Mulluku ni nifano neeng'ombe yoocha manasi.

1 Samuele 4:22

Mawaaye yaari yaayo awi, “Ntitimiho noovenyawo wa Aisraele vawi nibokosi na echipangano na Apwiya nohaakhiwa.”

1 Samuele 14:3

Vaakhallattho Ahiya, mullupa mukutho oyo awara yoowara yoopangiwa ni ekuwo yaweella wunchichi yookhalla ni efodi.* Olliyoolla aari mwaana a Ahitubi, mwanamunne a Ikabodi mwaana a Finehasi. Finehasooyo aari mwaana a Eli, mullupa mukutho muullupalli a o Shilo. Vano athu kheyaadduwella wi Yonatani oovenyavo.

1 Samuele 2:34

Wi odduwelle ddawi kinalloteeminndda tti ddawoona. Anaawo eelli Hofini ni Finehasi enaakhwe nllapo nimodda.

1 Samuele 3:12

Kineeromullaka Eli ni nibanja naye nittheene moollikana ni mmo kallotilleemi ovenyera vawaamba ophiyera vamamallihello.

Maliro 2:1

Apwiya aasha murima wunchichi, ngoonani amukhuneellelleeye mwaana aamutthiyana, Ziyoni ni epiphi. Aawutathillella vatthi oriiheya wa Ziyoni ovenyera oddullu. Va nllapo na osha murima wiwa kheyaawupuwenlle wi Israele aari wonanko voonyingallavo manyallwiiwa.