1 Samuele 4:19 - Mawu a Mulluku

¹⁹ Enthawi yeeyo mwaara Finehasi aakhalla ni erukullu nave aari vakhuviru wiithuuwa. Iiwalleeye ddawi nibokosi na echipangano na Apwiya nohaakhiwa, Eli, attiitthinnya a mamune ni mamuneene aakhwa, aakokhora amuyara mwaana vawi ddoovoreya voomuyarani mwaana ddaamuphiyera.

1 Samuele 4:19 ပူးပေါင်းရင်းမြစ်များ

1 Samuele 4:18

Vano yaromonlliiwa dda nibokosi na echipangano na Apwiya, Eli aamora ni ekotho ovenyera vampandoni vaye vakhuviru ni mullako. Ahiintthakeya nikohi akhwa vawi aari awuulluvalla nave ooneneva wunchichi. Aari aahoollelle Aisraele wookwakhwana miyakha makhumi masese.

1 Samuele 4:20

Vawi mutthiyanoolle aari vakhuviru okhwa, atthiyana oomukavihera yaamulleella wi, “Ohoove, woomuyara mwaana aamullopwana.” Koma olliye khaawaakhullalle naari opwathawo.

Genesis 3:16

Vatulli viwa Mulluku aamulleella mutthiyanooyo wi, “Kineerewoonjerera wunchichi ddoovoreya ddawo wakhalla ni erukullu, oneerekewoona ovoreya va enthawi yooyara. Oneerekomukhallella munkhella mamuno nave mamunooyo aneerekewuulamulella.”

Genesis 35:17

Ddiphiyalle voonanara wunchichi, azamba yaamulleella wi, “Muhoove, yoolla tti mwaana aamullopwana mmoddattho.”

1 Mamwene 14:1

Va enthawi yeeyo Abiya mwaana a Yerobowamu ahaamba ovoriiwa.

Masalimo 78:64

Allupa mukuthwiiwa yahiiphiwa ni nsupada, anaamukhwelliiwa kheyaakhullelliwe winlla maliro.

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”