1 Samuele 31:1 - Mawu a Mulluku

¹ Afilisti yaawanattho ni Aisraele nave Aisraele yahaathawa Afilisti koma anchichi yahiiphiwa vamwaangoni wa Gilibowa.

1 Samuele 31:1 ပူးပေါင်းရင်းမြစ်များ

1 Samuele 28:4

Vano Afilisti yaatthukumana etthipella misasa dda akhotwiiwa o Shunemu, Saulo nayeenettho ahaatthukumaniha Aisraele yamaka misasa ddiwa o Gilibowa.

2 Samuele 1:21

“Murimu naari nikame ddihiwe ddirupella va miyaango dda Gilibowa, emata ddittheddene dda vaava ddikhalle ddooguga. Vawi vaava adani yaavevulla yawiitetezella ya muthu amasiva, yawiitetezella ya Saulo eyo ehinapukutiweke ni makhura.”

1 Samuele 29:1

Afilisti yaatthukumaniha milloko ddakhoto ddiwa o Afeki. Naalliwanittho Aisraele yaamaka misasa ddiwa ddakhoto wiihimeni ya o Yezireele.

1 Samuele 28:15

Samuele aamukoha Saulo wi, “Kaambiiwa tini onakihooseewe vookikhumihani wi kiwe wuno?” Saulo ahaakhulla wi, “Koopaneya wunchichi vawi Afilisti aawa wi niwaneke nave Mulluku ookillutuwella, khanakaakhulla naari oweella mwa anamallotella apaalle muullohani. Ella sika ekaambiiwa kiwiithanilleemini wi mukilleelle yawi keere.”

1 Samuele 28:1

Enthawi emodda Afilisti yaatthukumaniha milloko dda akhoto ddiwa wi ddawane ni Aisraele. Vano Akishi aamulleella Davide wi, “Odduwellethi wi weyaano ni athwaawo munaaye mwakhalle ni miyaano okhotoninko.”

1 Samuele 12:25

Koma mwaavirellellaka weera ddoonanara mudduwelle wi nyuwaano ni mwenaanyu muneerewoonongeya.”

2 Samuele 1:6

Akhotoolle aallota wi, “Kaari vamwaangoni wa Gilibowa. Kiri vaavo kaamoona Saulo ahameelle nivaka naye. Nave adanaaye yaari emwaatamelle Saulooyo.

2 Samuele 4:4

Vano Yonatani, mwaana a Saulo, aakhalla ni mwanaye ookhwa meto nnddina naye Mefibosheti. Epilli ya okhwa wa Saulo ni Yonatani yiiweyiiwa o Yezireele, mwaanoolla aari ari ni miyakha mitthanu. Muthu oyo amullella mwaanooyo iiwalle dda okhwanko aamukusa athawana. Voothawani mwawaakuva, mwaanoolle aamuvulluwa, amorella vatthi, aphoreya. Orakalla waye wavenyenre vaavo.

1 Samuele 28:19

Vano eneerewuuhiya weyaano ni Aisraele m'mattani mwa Afilisti. Nave osiisello weyaano ni anaawo muneeroowa wuno kiriminngu, ellapo ya ookhwa. Apwiya eneerohiya mulloko wakhoto wa Aisraele m'mattani mwa Afilisti.”