1 Samuele 30:6 - Mawu a Mulluku

⁶ Davide aahoowa wunchichi vawi athu yaamushella murima enapaalla omuvokha malluku vawi mirima dda athu attheene ddaamoriwa ethakaraka ekaamba yawi aniiwa aallopwana ni aatthiyana. Koma Davide ahiillipiha murima mwa Apwiya Mullukwaaye.

1 Samuele 30:6 ပူးပေါင်းရင်းမြစ်များ

Masalimo 56:11

Kinnamuroromella Mulluku moohoova. Ethiyo muthu ttuukeerella tini?

Masalimo 62:5

Murimaaka onnamaalleya omutiyerella Mullukuve. Ovullusiwa waka onavenyera wa olliye.

Masalimo 18:6

Kaawiithana Apwiya mu ddoohoosa ddaka, kaakhuwella wa Mullukwaaka wi akikavihere. Mu enyumbaaye ahiiwa mawaaka, winlla waka waaphiya wa olliye.

Masalimo 25:17

Ddoohoosa murimaaka ddinimaatave, kivulluseni mu ddoohoosanndda.

Aheberi 13:6

Hankoni nillipe murima ni ollota wi, “Apwiya yakhalla o embalaaka, ngoova. Muthu ttuukeerella tini?”

Aroma 4:18

Abrahamu aakhulupilila ni otiyera naari vahaari ekaamba yootiyerella wi akhalla nikhollo na mitundu ddinchichi, wonanko mmo Mulluku alonjezilleeye wi, “Edduullu ddawo ddineerokhalla ddinchichi.”

Masalimo 116:10

Kaakhulupililave naari kalloteemi wi, “Koohoowa mwawoopiha.”

Aroma 8:31

Ethiyo vano mu ddittheddenenndda, ninaallote tini? Mulluku akhalla ni hiyaano, anaanivaanyihe ttaani?

Eksodo 17:4

Sika Mose aavekella wa Apwiya mookhuwa allota wi, “Ethiyo keerena tini athu yaalla? Alliwaalla ehannlle vang'ono okivokha malluku.”

Masalimo 42:11

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Mutiyere Mulluku vawi kineeromutitimihattho, oyo ari oovullusaaka ni Mullukwaaka.

Masalimo 27:14

Vano atiyere Apwiya. Khalla amasiva nave ollipe murima. Ddawoona, atiyere Apwiya.

2 Akorinto 4:8

Ovenyera embali ddoohiyanahiyana ninnakatamihiwa koma oohinyingallelliwa, ninnakayikihiwa koma khaninatathilla murima.

1 Samuele 1:10

Hana murima waanamuvoreya nave aavekella wa Apwiya inllaka moovoreyiwa murima.

Yohane 8:59

Vano yaatota malluku wi emuvokhe Yesu. Koma Yesu ahiipittha yeekhaaye nave akhumamo mu enyumba ya Mullukweelle.

Numeri 14:10

Koma athu attheene yapaalla waavokha malluku. Enthawi yeeyo moorurumusa ntitimiho na Apwiya naawooneyella Aisraele mu musasa wamutthukumano.

2 Akorinto 7:5

Naari naphiyalleehu o Masedoniya khanaawiithuuwalle. Ddoohoosa ddaari virive veko. Vaakhalla okangana ni athu amodda navettho woova m'mirimani ddahu.

Miyambo 18:10

Nnddina na Apwiya niri wonanko nttattha noollipa, oolungama annathamakella athawellamo.

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yobu 13:15

Naari akiiphe, kineromuroromellave, kinerotthopoolla mullatwaaka vamiitthoni vaye,

2 Akorinto 1:6

Ninnahoowa wi mukhurumusiwe murima nave muvullusiwe. Hiyaano naakhurumusiwa murima, nyuwaano muneerokhurumusiwattho murima ni ovahiwa masiva oovillella ddoohoosa nnddottho ninavillelleehu.

Aroma 4:20

Khaahiyalle echikhulupilwaaye nave khaattikhinalle dda lonjezo na Mulluku. Echikhulupilwaaye yaamuvaha masiva manchichi nave aamutitimiha Mulluku.

Mateyu 27:22

Pilato ahaakoha wi, “Vano keerena tini Yesu ooromolliwa Mesiya?” Attheene yahaakhulla wi, “Atthomeyiwe vamutandani!”

Mateyu 21:9

Athu yeeta vahoollo va Yesu ni vatulli vaye yaakhuwa wi, “Ntitimiho nikhalle wa Edduullu ya Davide! Oodalisiwa oyo anawa mu nnddina na Apwiya. Ntitimiho nikhalle wa Mulluku.”

Yesaya 25:4

Nyu tti voothawella va oohoowa, mpanda wa athu oorama va enthawi ya ddoohoosa. Muri wonanko vawiipitthellavo namondwe, wonanko muuthuuchi wawiithuuwellavo nndduwa. Eekuku eri wonanko namondwe awoopa vasirini,

Masalimo 62:1

Murimaaka onnamaalleya omutiyera Mullukuve, ovullusiwa waka onavenyera wa olliye.

Masalimo 42:7

Maaddi a voowallamella eniithanana, maaddaanyu ennaturuma mwawoopiha, mafundaanyu mang'onong'ono ni muullupalliine aakimirya.

Oweeruza 18:25

Athu a nlloko na Danaalle yahaakhulla wi, “Ohinavirellella otokollolla, mwaamodda athwaalla ttuusha murima nave ttuuwuukutha, sika we ni nibanja nawo nittheene muneerewiiphiwa.”

Genesis 32:7

Vano Yakobo ahoova wunchichi nave aatathilla murima sika ahaakawa milloko miilli athu aariiyena ni enkhosa, epuri, eng'ombe navettho ekamira.*

Masalimo 42:5

Kaambiiwa tini onamoriweewe ethakaraka, we murimaaka? Kaambiiwa tini onakatamihiweewe muwari mwaka? Muroromelle Mulluku vawi kineeromutitimihattho, oyo ari oovullusaaka ni Mullukwaaka.

2 Samuele 17:8

Hushai aallotattho wi, “Munnadduwella wi attiitthaanyu tti amasiva, athwiiwattho tti amasiva nave wi attheene murimiiwa onavoreya wonanko ezimbalangondo ddaakhiwe asaaniiwa muchipululuni. Woonjerera vaavo attiitthaanyu tti akhoto. Kheni ekhalle ni akhotwiiwa mahiiyu mattheene.

2 Mamwene 4:27

Vano aphiyalle omwaangoni, wa Elisha muthu a Mulluku, mutthiyanooyo aakokhora aphara manyallo a Elisha. Gehazi aawa wi amukakhe. Koma Elisha aallota wi, “Muhiye, ethiyo khonoona wi ari mu ddookatamiha ddinchichi? Apwiya aakiipitthihella ddenndda, khekilleelle.”

1 Samuele 23:16

Vano Yonatani mwaana a Saulo, aatimulla aya wa Davide o etawoni ya Horeshi nave aamullipiha murima Davide voomulleellani wi Mulluku aneeromuteteza.

Masalimo 18:2

“Apwiya sika nlluku naka, mpandaaka ni oovullusaaka. Alliwa tti Mullukwaaka, nlluku naka kinathawelleemiwo. Sika echishangwaaka, masiva ookivullusa ni yookiipitthihaaka.

Masalimo 31:24

Khallani amasiva nave mullipe murima, nyu attheene owaatiyera Apwiya.

Masalimo 71:4

Nyu Mullukwaaka kaakihereni wa athu oonanara, o masiva a athu oohilugama ni eekuku

Masalimo 71:5

Nyu Apwiya Mulluku, tti oyo kinamutiyerelleemi, oyo kinamuroromelleemi waambeella enamwanaaka.

Yona 2:2

Aallota wi, “Nyu Apwiya, kaariimi mu mahame kaawiithanani, nave mwaakaakhulla. Mi vookhallani mu ellapo ya ookhwa kahinllella wa nyu wi mukikavihere, nave mwahaakhella nivekello naka.

Oweeruza 20:22

Koma Aisraelaayo yaallipihana murima nave yahaahiya wiilli akhotwiiwa vanipuroni valle yaahiyalliiwa akhotwiiwa nllapo nawaambanne.

1 Samuele 28:15

Samuele aamukoha Saulo wi, “Kaambiiwa tini onakihooseewe vookikhumihani wi kiwe wuno?” Saulo ahaakhulla wi, “Koopaneya wunchichi vawi Afilisti aawa wi niwaneke nave Mulluku ookillutuwella, khanakaakhulla naari oweella mwa anamallotella apaalle muullohani. Ella sika ekaambiiwa kiwiithanilleemini wi mukilleelle yawi keere.”

Masalimo 138:3

Va nllapo nne kawiitthanneemini mwaakaakhulla, munnakillipiha murima ni masivaanyu.