1 Samuele 30:22 - Mawu a Mulluku

²² Athu oonanara murima ni oohikhalla ni mutteko a m'mullokoni olle wamuthwanre Davidoolle, yaallota wi, “Vawi kheyaanithwanre, khenaakawella ddawaakha nnddo niddaakihalleehu opatula awariwa ni aniiwa nave evenyevo.”

1 Samuele 30:22 ပူးပေါင်းရင်းမြစ်များ

Mateyu 7:12

“Muweerelleke athu amodda nnddo munapaalleenyu wi eweerellekeni nyuwaano. Nngu sika ottaphullella wa malamulo a Mose ni ehuddiho ya anamallotella.

Deuteronomo 13:13

wi athu amodda oonanara amutundwaanyu yohaahollosa athu a mapuro mamodda vawaallapelliha milluku nnddo nyuwaano muhinaddillapellekeenyu waambeella khalle.

1 Mamwene 21:13

Athu eellaalle yaavollowa ekeraatthi moowehana ni olliye. Yaambille ni ovelleella omboni vamiitthoni va athu attheene wi, “Naboti aamutembelela Mulluku navettho mwene.” Sika athwaayo yaamukhumiha otte wa muzinda emuvokha malluku ophiyera okhwa.

1 Mamwene 21:10

Mwaakuse athu eelli oonanara murima wi emuhumullulle ni mawu awi, ‘We woomutembellela Mulluku ni mwene.’ Vano mumukhumihe otte nave mumvokhe malluku akhwe.”

1 Samuele 25:25

Apwiya muhinapwatha nnddo enre mamunaka, muthu oonanara murimoolle. Olliye anaphwanaphwana ni nnddina naye. Vawi nnddina naye ninattaphullella ookarangeya, ddaweera ddaye ddittheddene tti ddookarangeya. Koma miyaano kaporwaanyu ngaawoonille athwaanyu ayo mwaarumalleenyu.

1 Samuele 25:17

Vano kapaalla wi mwiiwe ddenndda nave muganizere yawi mweere. Vawi aasimikiza oweerella yoonanara apwiya ni nibanja niwa nittheene. Emoddattho tti yawi apwiyaalle tti ookatamiha vawi khaavo anaawore ollotana wi yiiwe.”

1 Samuele 22:2

Vano attheene ayo yaari ni ddookatamiha apaalle ekongoli apaalle ohihakallalla yaakwakhwana 400. Nave yaatthukumana wa Davide, akhalla awaahoolleelliiwa.

Oweeruza 19:22

Yachiiwa moohakallalla, yaawoona athu a m'muzindanimmo, athu oonanara, yaaphenlle enyumbeeyo yuukuthaka nchiwi. Yaamulleella muthu awuulluvalloolle, mwaneena a enyumboolle wi, “Mukhumihe muthu olle awiille mpa mwawo wi nikonena.”

1 Samuele 30:21

Vano Davide aaphiya wa athu 200 ootopa wunchichi ni oohiwora weetaalle, ayo yaahiyalliiwa o muhinje wa Besori. Alliwa yaatimulla enamuchingamella Davide ni athu aariiyenaalle vano Davide aawaatamella aallochella.

1 Samuele 30:23

Koma Davide ahaalleella wi, “Muhineera ddiiddo abalaaka ni ddeko nnddo Apwiya enivahilliiwa. Apwiya aaniteteza nave aanikavihera wi naagonjihe akhoto ayo yawiille wi ewaneke ni hiyaano.