1 Samuele 30:16 - Mawu a Mulluku

¹⁶ Nave olliye aamuvelleella Davide wa alliwaayo. Enthawi yeeyo Aamaleke yaari epallalleyelle virive veko. Yaari echaka, ewiryaka ni yiinaka ekaamba ya nnddo yaakhilliiwa mu ellapo ya Afilisti ni ellapo ya Ayuda.

1 Samuele 30:16 ပူးပေါင်းရင်းမြစ်များ

1 Atesalonika 5:3

Athu yaallotaka wi, “Vookhalla murendelle navettho nookhalla vaphaama,” vano yawoononga eneerewaamorella moorurumusa! Enaaphiye moorurumusa wonanko ovoreya onamphiyera mutthiyana aamuyaraka mwaana nave athu khewora othawa.

Yesaya 22:13

Koma mwaahakallalla ni weelliwa murima, mwahiipha eng'ombe ni enkhosa, muddittakhunana nave mumuwirya vinyo. Mwaallota wi, “Hankoni niche nave niwirye vawi osiisello nineerokhwa.”

Yobu 20:5

Ethiyo khonadduwella wi ohakallalla wa oonanara khonallekella, othapella wa oohimoova Mulluku tti wa enthawi yooyeva?

2 Samuele 13:28

Vano Abishalomu ahaalamula allupa muttekwaaye wi emuweheseseke Aminoni enthawi eyo anaalezeleeye ni vinyo. Kuulleellani wi, “Mwiipheni, mumwiiphe muhoove vawi tti miyaano kuulleelleni wi mweere yeeyo. Mullipe murima nave mukhalle wonanko allopwana.”

1 Samuele 30:14

Naahella ekhoto omwera wa ellapo ya Yuda ni ellapo dda Akereti owaaka ni echigawo ya Akalebe. Nave naahella munllo etawoni ya Zikilagi.”

Eksodo 32:6

Sika osaka wene ohinase aavelleella mikutho ddooshellelliha ni mikutho ddeeyaattano. Nave athu yaayo yaakeraatthi wi eche ni owirya nave yaavenya yiina.

Yoswa 22:8

aalleella wi, “Hokollweellani omisasani wanyu ni eyuuma yinchichi, eziweto ddinchichi, siliva, golide, mukuwa, mikoko ni ddoowara ddinchichi. Nndda mwaakhilleenyu wa adanaanyu, mwaakawelle aballiinyu.”

1 Samuele 30:15

Davide aamukoha wi, “Ethiyo weyaano ttuukivelleella omullokoni wakhoto yooyo?” Muthooyo aallota wi, “Mwaambe ollupella wi khamukiipha apaalle okivelleella wa apwiyaaka. Mweeddiiddo kineerewuuvelleellani omullokoni yooyo.”

Masalimo 119:162

Kinnahakallalla ni mawaanyu wonanko muthu aakhille ddinchichi.

Yesaya 9:3

Nyu Apwiya, mohaatiha mutundwaanyu, mohoonjerera ohakallalla wa athwaanyu. Alliwa ennahakallalla vamiitthoni vanyu wonanko mmo athu enahakallallelliiwa voohatani, mmo enahakallallelliiwa vookawanani ddawaakha.

Oweeruza 8:11

Gideoni aaweella ettilla ya athu ookhalla m'misasani wookhuma nndduwa wa Noba ni Yogobeha nave ahaamba owana ni akhotwaayo vawi yaari oohikhozeka.

1 Epilli 4:43

Alliwa yaawiipha Aamaleke oohalla nave enakhalla wenko ophiyera ollello.