1 Samuele 30:15 - Mawu a Mulluku

¹⁵ Davide aamukoha wi, “Ethiyo weyaano ttuukivelleella omullokoni wakhoto yooyo?” Muthooyo aallota wi, “Mwaambe ollupella wi khamukiipha apaalle okivelleella wa apwiyaaka. Mweeddiiddo kineerewuuvelleellani omullokoni yooyo.”

1 Samuele 30:15 ပူးပေါင်းရင်းမြစ်များ

Ezekiele 17:19

“Mi Apwiya Mulluku kinallupella vamiitthoni vaka wi olliye oovellulla ollupella waye nko eerilleeye wa miyaano nave ootathilla echipangano eyo akeraatthihalleeye ni miyaano. Sika ddinaakhalle vamuruni vaye.

Ezekiele 17:16

“Mi Apwiya Mulluku kinallupella vamiitthoni vaka wi, ‘Mwene yooyo anaakhwelle o Babiloni, mu ellapo ya mwene amuzozillooyo. Aavevulla ollupella waye nave aatathilla echipangano eyo akeraatthihalleeye ni mwene mmoddooyo.

Ezekiele 17:13

Amukusa mwaana mmodda a mwenooyo ekeraatthiha echipangano nave aamullupelliha wi akhalle awiiwellella. Ahaaphara attekweene attheene a mwiillaponimmo

1 Samuele 29:6

Akishi aamwiithana Davide amulleella wi, “Kinimallupella vamiitthoni va Apwiya Ookumi, weyaano wookhalla oororomelleya wa miyaano nave orumeyella wawo m'millokoni ddakhoto wookiddivella wunchichi. Kheyiivo yoolakwa kuuphwannyemina waambeella nllapo nenne wawiilleewe wuno ophiyera ollello. Koma mamwene mamodda khenuupaalla.

Yoswa 9:15

Sika Yoswa aapanganana dda murendelle, allota wi khawiipha. Oohoollella a Aisraelaayo yaallupella ni osimikiza echipanganweeyo.

Yoswa 2:12

Vano mullupelle vamiitthoni va Apwiya vawi kooweerellani echifundo wi nyuttho mweerelle echifundo nibanja naka ni okinnya echizindikiro yawoona

1 Samuele 30:14

Naahella ekhoto omwera wa ellapo ya Yuda ni ellapo dda Akereti owaaka ni echigawo ya Akalebe. Nave naahella munllo etawoni ya Zikilagi.”

1 Samuele 30:16

Nave olliye aamuvelleella Davide wa alliwaayo. Enthawi yeeyo Aamaleke yaari epallalleyelle virive veko. Yaari echaka, ewiryaka ni yiinaka ekaamba ya nnddo yaakhilliiwa mu ellapo ya Afilisti ni ellapo ya Ayuda.

Genesis 24:3

Kinapaalla wi ollupelle vamiitthoni va Apwiya Mulluku ooddullu ni vatthi wi khomwaashera mutthiyana mwanaka variyari va anamwalli a Akanani wuno niriihunngu.

Oweeruza 1:24

Athu oozondaayo yaamoona muthu akhumaka m'muzindanimmo emulleella wi, “Pepaani, nitthoonyihelle ettilla yoovollowella m'muzindanimmu, hiyaano nineeroweerella echifundo.”