1 Samuele 30:14 - Mawu a Mulluku

¹⁴ Naahella ekhoto omwera wa ellapo ya Yuda ni ellapo dda Akereti owaaka ni echigawo ya Akalebe. Nave naahella munllo etawoni ya Zikilagi.”

1 Samuele 30:14 ပူးပေါင်းရင်းမြစ်များ

Zefaniya 2:5

Otulli nyu okhalla ellapo ya o enyanja, nyu mutundu wa Akeretinu! Nyu athu a o Kanani, ellapo ya Filisti, mawu a Apwiya ennuuhumullullani wi “Kineerowoonongani attheene khavihalla naari muthu mmodda.”

Ezekiele 25:16

Ekaamba ya yeella Afilistaayo kineerewaallaka ni nnatta naka. Kineerewaatthollosa Akereti ni amodda attheene ookhalla mukhwipi mwa enyanja.

1 Mamwene 1:44

Ahaarumiha mullupa mukutho Zadoki, namallotella Natani, Benaya mwaana a Yehoyada, Akereti ni Apeleti emuwellihe va bulu a mwene.

1 Mamwene 1:38

Vano Zadoki, Natani, Benaya mwaana a Yehoyada, Akereti ni Apeleti, yaamuwelliha Solomoni va bulu a Davide emuvelleella o Gihoni.

2 Samuele 8:18

Benaya mwaana a Yehoyada, aari enduna yowaawehera Akereti ni Apeleti. Anamwani a Davide yaari allupa mukuthwaaye.

1 Samuele 30:16

Nave olliye aamuvelleella Davide wa alliwaayo. Enthawi yeeyo Aamaleke yaari epallalleyelle virive veko. Yaari echaka, ewiryaka ni yiinaka ekaamba ya nnddo yaakhilliiwa mu ellapo ya Afilisti ni ellapo ya Ayuda.

1 Samuele 30:1

Viviralle mallapo mararu, Davide ni athwaaye yaaphiya o Zikilagi. Vano yaaphwanyille Aamaleke yoonongille embali ettheene yoomwera wa Yuda ni owana ni athu a mu etawoni ya Zikilagi. Yahaagonjiha athu a mu etawoneeyo, eyihella munllo.

Yoswa 15:13

Moollikana ni mmo Apwiya yamulamulalliiwa Yoswa, echigawo emodda ya ellapo ya Yuda yaavahiwa wa Kalebe, mwaana a Yefune. Yoswa aamuvaha Kiriyati Araba, sika wi Hebroni. (Araba aari mwaana a Anaki).

Yoswa 14:13

Enthawi yeeyo Yoswa aamudalisa Kalebe, mwaana a Yefune, amuvaha ellapo ya Hebroni wi ekhalle yoohallaniiwa.

1 Epilli 18:17

Benaya, mwaana a Yehoyada, aari enduna yowaawehera Akereti ni Apeleti. Nave anamwani a Davide yaari enduna dduullupalli ddoomurumeyella mwene.

Yoswa 21:12

Koma emata dda muzindooyo ni matawoniiwa yaamuvaha Kalebe, mwaana a Yefune wi ekhalle yaaye.

1 Samuele 25:3

Muthooyo nnddina naye aari Nabala nave mwaariye nnddina naye aari Abigaile. Mutthiyanooyo aari eezeru ni ooreera koma mamunooyo aari awumma murima ni oonanara mu ddaweera ddaye. Aari oovenyera mu nlloko na Kalebe.

1 Samuele 30:13

Davide aamukoha muthooyo wi, “Ethiyo weyaano apwiiyo ttaani? Nave onavenyera wuuwi?” Muthooyo ahaakhulla wi, “Mi kiri Muiguputo, kaporo a Mwaamaleke. Apwiya yaakihiya mutulli mallapo mararu evirallaayo vawi kaamavoriiwa.

1 Samuele 30:15

Davide aamukoha wi, “Ethiyo weyaano ttuukivelleella omullokoni wakhoto yooyo?” Muthooyo aallota wi, “Mwaambe ollupella wi khamukiipha apaalle okivelleella wa apwiyaaka. Mweeddiiddo kineerewuuvelleellani omullokoni yooyo.”