1 Samuele 3:19 - Mawu a Mulluku

¹⁹ Apwiya yaakhalla ni Samuele enthawi ettheene unnuweeye. Vawi erive ello alloteeye yaaneereya.

1 Samuele 3:19 ပူးပေါင်းရင်းမြစ်များ

Genesis 39:2

Apwiya yaakhalla ni Yosefe nave yaamukavihera wi ddittheddene ddimweetelle phaama. Akhalla mu enyumba ya apwiyaaye, Muiguputoolle.

1 Samuele 9:6

Koma mullupa muttekooyo aallota wi, “M'muzindanimmu mookhalla muthu a Mulluku, muthu oyo anchichi enamuvahiiwa olemu. Ddittheddene analloteeye ddinneereya. Hankoni niye wenko. Apaalle ttuunilleella dda olendwaahuulla.”

1 Mamwene 8:56

“Apwiya etitimiheye, ayo yaavahille athwiiwa wiithuuwa moollikana ni mmo yalonjezilliiwa. Kheyiivo mawu naari amodda yakukureyille va ddeko ddaphaama ddittheddene yalonjezilliiwa voollotani oweella mwa oorumeyellaaye Mose.

Luka 2:52

Nave Yesu ahunnuwa mu ezeru ni m'mwiillini nave aanakondiwa ni Mulluku ni athu.

2 Timoteo 4:22

Apwiya ekhalle ni weyaano. Echisomo ya Mulluku ekhalle ni nyuwaano attheene.

1 Samuele 2:21

Apwiya yaamudalisa Hana wawi aakhalla ni erukullu aayara anamwani aallopwana araru aatthiyana eelli. Koma Samuele ahunnuwella o Shilo mu enyumba ya Apwiya.

2 Akorinto 13:11

Asinnaka ni arokoraka, hallani phaama! Mullipihelleke okhalla aphaama wunchichi, mwiiwellelleke nnddo kinuuvekeemini, mwiiwananeke mmodda ni mukhwaaye, mukhalleke m'murendelleni. Vano Mulluku a echikondi ni murendelle aneerokhalla ni nyuwaano.

Luka 2:40

Nave mwaanooyo ahunnuwa akhalla ni masiva owaakattho ezeru navettho Mulluku aanamweerella echifundo.

2 Akorinto 13:14

Echisomo ya Apwiya Yesu Khrisitu, echikondi ya Mulluku ni eyaattano ya Munepa Waweella ddikhalle ni nyuwaano attheene.

Luka 1:80

Mwaanooyo ahunnuwa m'mwiillini ni m'munepani nave aakhalla ochipululuni ophiyera mallapo addoonihelleeye wa Aisraele.

Yesaya 43:2

Voollapuwani enyanja kineerokhalla ni weyaano, voovirani m'muhinjeni khokwekweresiwa. Vaweetani vamunlloni khosha, mallumi amunllo kheyuushellelliha.

1 Samuele 18:14

Davide aanapambana va ddeko ddittheddene eereeye vawi Apwiya yaari ni olliye.

Mateyu 1:23

“Namwalli aneerokhalla ni erukullu nave aneeromuyara mwaana aamullopwana. Athu eneerekomuromolla wi Imanuele ottaphullella wi Mulluku ari ni hiyaano.”

Yesaya 44:26

Miyaano sika kinasimikiza mawu a oorumeyellaaka, kinakwakhwanihera nnddo amithengaaka yallotenlliiwa. Miyaano sika kinallota dda Yerusalemu wi athu eneerokhallattho wenko, dda mizinda dda o Yuda wi ddineeromakiwattho, kineerovenyihattho mapurwiiwa yakumulliwe.

Genesis 21:22

Va enthawi yeeyo mwene Abimeleki ni Fikolo, muttekweene a akhotwaaye yaallota ni Abrahamu wi, “Mulluku ari ni weyaano mu ddeko ddittheddene oneereewe.

Luka 1:28

Mungeloolle aawa wa Mariya allota wi, “Mooni! Apwiya aaweerella echifundo nave eri ni weyaano!”

Oweeruza 13:24

Vano mutthiyanoolle aamuyara mwaana aamullopwana, amuvaha nnddina nawi Samisoni. Musombooyo ahunnuwa nave Apwiya yaamudalisa

Genesis 28:15

Ngoona, miyaano ngiwa kuuhiya, kineerewuuteteza orive weko oneereewe oyeewo nave kineerewuuhokollosella o ellapo yeella. Ngiwa kuuhiya ophiyera kenre ddittheddene kuulonjezilleeminndda.”

1 Samuele 12:2

Vano mwene sika anuuhoollellekeni. Miyaano kohuulluvalla, meehaaka tti alla eri ni embwi nave anaaka tti yaayo muriinyuna nimodda. Kookhalla kuuhollellakani waambeella kiri musombwe.

1 Samuele 16:18

Mmodda mwa allupa muttekwaayo aallota wi, “Koomoona mwaana aamullopwana a Yese o Betelehemu oyo ari ni eruso yoomwiipa gitala, muthu oollipa murima, ooreera, akhoto ni oochenjera voollotani. Nave Apwiya eri ni olliye.”

Genesis 39:3

Nave apwinnyaayo yahoona wi Apwiya yaari ni Yosefe nave wi mitteko ddaye ddittheddene ddaanamweetella phaama.

Deuteronomo 18:22

Muthu allotella mu nnddina na Apwiya nave ddaaheereya, vaavo dduwellani wi mawaayo khenavenyera wa Apwiya. Namallotella yooyo anallotella dda m'muruni mwaye nave muhimoove.”

Yoswa 21:45

Kheyiivo yaaramille va ddeko ddaphaama ddittheddene nnddo Apwiya yalonjezilliiwa wa Aisraele, ddaheereya ddittheddene.

1 Samuele 2:26

Musombwe Samuele aavirellella wunnuwa ni waattana ni Apwiya owaaka athu attheene.

1 Samuele 10:7

Vano woona ezizindikiro ddenndda, weere eyo eri yaphaama wa weyaano vawi Mulluku ari ni weyaano.

1 Samuele 18:5

Vano orive weko Davide arumiwaayewo ni Saulo wi awanewo ekhoto, aanaagonjiha adanaaye. Vawi Saulo aamutthoolla Davide wi akhalle oohoollella akhoto. Yeella yahaahakallalliha athu attheene naari oohoollella ekhoto a Saulo.

1 Samuele 18:12

Saulo aanamoova Davide vawi aadduwella wi Apwiya yaari ni Davide omuhiya olliye.

2 Mamwene 10:10

Vano dduwellani wi mawu a Apwiya ayo yallotilliiwa dda nibanja na Ahabu eneerokwakhwanihelliwa. Nave Apwiya aheera nnddo yallotilliiwa oyeella mwa Eliya oorumeyelliiwa.”

2 Mamwene 15:12

Nndda sika Apwiya yamulonjezilliiwa Yehu wi, “Edduullu ddawo ddineerewaalamulella Aisraele ophiyera mbado waneesese.” Nave ddaheereya mwawi ddiiddo.

2 Mamwene 22:16

‘Mi Apwiya kinallota wi kineeromoriha yoonanara va muzindoolla ni va athu attheene a mwemmo monga mwa mawu mattheene a mu nibukhu nno mwene a o Yuda aneerengilleeye.

Yesaya 55:11

Mmu sika eneerella mawu oovenyera muwano mwaka, khenahokollweella wa miyaano ehiphunre ello koma eneereweera ddittheddene kinapaalleemi, nnddo kaarumihelleemi ddineereweeta phaama.