1 Samuele 3:17 - Mawu a Mulluku

¹⁷ Vaavo aamukoha wi, “Apwiya yuulleelle tini? Ohinakhuwa erive ello. Apwiya yuullake mwawoonjerera wakhuwa ello emodda woohikilleella va nnddo yuulleelliiwa.”

1 Samuele 3:17 ပူးပေါင်းရင်းမြစ်များ

2 Samuele 3:35

Vano athu yaawa emuveka mwene Davide wi eche yoocha ohinaripe. Koma Davide aallupella wi, “Mulluku akillake wunchichi, kacha yoocha apaalle erive ello nndduwa nihinavollowe.”

Rute 1:17

Nko munaakhwelleenyuwo miyaanottho kinaakhwelle wenko nave kinaavitthiwe wenko. Apwiya ekillake miyaano mwawoopiha kuuhiyani nyuwaano ohiri ekaamba ya okhwa.”

Mateyu 26:63

Koma Yesu aakhalla llakallaka. Vano mullupa mukutho muullupalli aallotattho wi, “Vamiitthoni va Mulluku Ookumi kinimuullupelliha weyaano wi onilleelle weyaano waari Mesiya,* Mwaana a Mulluku.”

Mika 2:7

Ethiyo nyu a nibanja na Yakobo, ddenndda tti ddoophwanella oddillota? Ethiyo oreera murima wa Apwiya woomalla? Ethiyo nndda sika eerilleeye? Ethiyo mawaaka khenawiiha ddaphaama wa aweeta moolungama?’ ”

Daniele 4:19

Sika Daniele oyottho aromolliwa wi Beliteshazara, wa enthawi yooyeva ahaapheella muru, aakatamiheya m'maganizoni mwaye. Mwene aallota wi, “Beliteshazara, ollohanngu ni ottaphullella wiwa ddihiwaapheellihe muru.” Beliteshazara ahaakhulla wi, “Apwiyaaka, waphaama ollohanngu waariki wa adanaanyu nave ottaphullella wiwa wa oowiitani.

Masalimo 141:5

Muthu oolungama ttuuwora okivadda, okihumullulla ekaamba yawi annakeerella echifundo. Koma kihaakhelle olemu wa athu oonanara vawi kinnavekella moovaanyihana ni mitteko ddiwa ddoonanara.

1 Mamwene 22:16

Koma mwenooyo aamukoha wi, “Ethiyo kuullupellihe okavi wi okilleelle ddawoona mu nnddina na Apwiya?”

2 Samuele 19:13

Nave mwamulleelle Amasa mawu awi, ‘Ethiyo weyaano khohiyo mbalaakabalaaka?’ Mulluku akillake ophiyera kikhwe kaahuutthoolla weyaano wi okhalle akhoto muullupalli ovollowa munipuroni na Yowabu waambeella ollello?”

1 Samuele 20:13

Koma yaapaallaka owiipha, kinalonjeza wi kineerewuuwululella ni wuukavihera wi ovulluwe. Nave Apwiya ekillake kaahikwakhwaniha nnddo kinalonjezeemi. Apwiya eneerewuudalisa wonanko yaadaliselliiwa attiitthaaka.

1 Samuele 3:16

Koma Eli aamwiithana wi, “Samuele, mwanaka.” Nave Samuele ahaakhulla wi, “Aa!”

1 Samuele 25:22

Kinimallupella wi voophiyani ohinase kinaakhalle kiwiiphalle allopwana attheene mwa athu attheene ariiyena. Mulluku akillake kaaheera yeella.”

Yeremiya 38:14

Nllapo nimodda Zedekiya aamwiithana namallotella Yeremiya amwaakhellella va mullako waneeraru wa o enyumba ya Apwiya. Aamulleella wi, “Kinapaalla kuukohe ello, ohinakivitthella.”

Yeremiya 42:4

Sika namallotella Yeremiya ahaalleella wi, “Kohiiwa nnddo mullotilleenyu, kineerovekella wa Apwiya Mullukwaanyu wonanko munapaallelleenyu. Nave ddittheddene Apwiya enaallotiiwa kineerewuulleellani, nguukhuwellani erive ello.”

Numeri 23:17

Sika Balamu aahokollweella wa Balaki, amuphwanya olliye ni oohoollella attheene a Amowabu yiimellille vakhuviru ni mukuthwaaye wooshellelliha. Balaki aamukoha wi, “Ethiyo Apwiya yuulleelle ddawiidde?”

1 Samuele 14:44

Saulo aallota wi, “Kinimallupella wi Mulluku akillake weyaano waahiiphiwa.”

2 Samuele 3:9

Ekaamba ya yeella Mulluku akillake apaalle akiiphe kaahimweerella Davide nnddo Apwiya yamullupellelliiwa.

2 Samuele 14:18

Mwene Davide ahaakhulla wi, “Muhinavittha erive ello va nnddo kinuukoheemini.” Mutthiyanoolle ahaakhulla wi, “Iyaayi, apwiyaaka amwene, kheyiivo kinaavittheemi.”

2 Mamwene 6:31

Nave aallota wi, “Mulluku akiiphe ollello kaahiphadda muru wa Elisha mwaana a Shafati.”