1 Samuele 3:13 - Mawu a Mulluku

¹³ Koomuchenjeza Elooyo wi kiri vakhuviru omullaka ni nibanja naye nittheene wa enthawi yoohimalla ekaamba ya ddoonanara nnddo yakeerelliiwa. Eli aanadduwella koma khaavaanyiha.

1 Samuele 3:13 ပူးပေါင်းရင်းမြစ်များ

Mateyu 10:37

“Oyo anaakonda attiitthinnya apaalle amennya ohiyana ni miyaano khanaphwanella okhalla oohudderaaka, oyo anamukonda mwanaye aamullopwana apaalle mwanaye aamutthiyana ohiyana ni miyaano khanaphwanella okhalla oohudderaaka.

Miyambo 19:18

Omullakeke mwaana ari mung'onong'ono, etiyerello erivo, voohipaallani omoononga.

1 Samuele 2:12

Anamwani a Eli yaari oonanara, oohaadduwella Apwiya.

1 Samuele 2:17

Sika ochimwa wa anamwani a Eli waari wuullupalli vamiitthoni va Apwiya vawi yaanavevulla mukutho wa Apwiya.

Ezekiele 18:30

“Sika vano mi Apwiya Mulluku kinallota wi, arive muthu mwa nyuwaano Aisraele kineeromweeruza moollikana ni mitteko ddaye. Rukunuwani murima, hiyani ddoonanara ddanyu wi machimwaanyu ehiwoonongeni.

Ezekiele 7:3

Vano omalla ori va weyaano Israele. Kineeromorihella osha murima waka va weyaano. Kineerokamulla mullatwaawo moollikana ni meetellwaawo nave kineerewuullaka ekaamba ya ddoonanara ddawo ddawaata.

1 Mamwene 1:6

Attiitthinnyaayo kheyaamuhumullullalle naari omodda voomukohani wi, “Kaambiiwa tini oneereewe ddiidda?” Adoniya aari mullopwana ooreera nave amuthwarellelle Abishalomu vooyariwani.

Miyambo 29:15

Muwashullo ni ohumullulla onnavaha ezeru koma mwaana ookotihiwa annaawulliha muru amennya.

1 Yohane 3:20

Naari murimaahu waanivaanyihaka, ninnadduwella wi Mulluku tti muullupalli ohiyana ni murimaahu nave wi annadduwella erive ello.

Yowele 3:12

“Athu a mitundu ddittheddene ekhozeke, ephiye o ntapo na Yehoshafati. Wenko kineeroweeruza athu a mitundu ddittheddene, oovenyera mu ezigawo ddawaapheella.

Oollalleya 7:22

vawi m'murimani mwawo onnadduwella wi weyaanottho enthawi emodda onnaaruwana athu amodda.

2 Epilli 20:12

Nyu Mullukwaahu, ethiyo yaalla khemwaallaka? Vawi hi kheninna masiva awi ttuullipanana athu enaanihelle ekhoto. Kheninna yaweera koma miitthwaahu eri va nyu.”

1 Mamwene 2:44

Mwene aamulleellattho Shimei wi, “Onnadduwella m'murimani mwawo ddeko ddittheddene ddoonanara waweerelleewe attiitthaaka Davide. Sika Apwiya eneerewuuhokollosella ddoonanara ddawo vamuruni vawo.

Deuteronomo 17:12

Arive muthu oohimwiiwellella mullupa mukutho oyo anaarumeyella Apwiya Mullukwaanyu apaalle oohimwiiwellella aweeruza, iiphiwe. Sika muvenyihekevo yoonanara variyari vanyu.

Deuteronomo 21:18

“Ttuuweereya wi muthu mmodda okhalla ni mwaana oohiiwellella ni oowukila makhollwaaye naari emullakeve mwawiidde.