1 Samuele 3:12 - Mawu a Mulluku

¹² Kineeromullaka Eli ni nibanja naye nittheene moollikana ni mmo kallotilleemi ovenyera vawaamba ophiyera vamamallihello.

1 Samuele 3:12 ပူးပေါင်းရင်းမြစ်များ

Luka 21:33

Oddullu ni ellapo yavatthi ddineeromalla koma mawaaka khemalla. Ddaaphuwaka makukhu anaanweene munnadduwella wi ellimwe yohaatamella.

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Yoswa 23:15

Moollikana ni mmo Apwiya Mullukwaanyu yaweerelliiwani ddaphaama ddittheddene nnddo yallotilliiwa wi eneereweera, sika ttuuwora oweerellani yoonanara, ophiyera wuuvenyihani mu ellapo eyo alliwa yuuvahilliiwani.

Numeri 23:19

Mulluku khari wonanko muthu wi ttuuwoottha, khahiyo muthu wi ttuusintha maganizwaaye. Ethiyo kheera nnddo allotilleeye, khakwakhwaniha nnddo alonjezilleeye?

Ezekiele 21:5

Vano athu eneerodduwella wi mi Apwiya koohullulla nsupada naka nave nginihokollosellattho munigoneloni.’

Oweeruza 4:24

Nave Aisraele yaamusimelliha Yabini, mwene a o Kanani, ophiyera yaamoononga.

1 Samuele 4:11

Nibokosi na echipangano na Mulluku nahaakhiwa nave anamwani eelli a Eli, Hofini ni Finehasi yahiiphiwattho.

1 Samuele 4:17

Olliye ahaakhulla wi, “Aisraele ahaathawa Afilisti nave athu awiiphiwa tti anchichi. Aniinyu eellaalle, Hofini ni Finehasi ahiiphiwa, nibokosi na echipangano na Apwiya nohaakhiwa.”

1 Samuele 4:21

Vano mwaanooyo aamuvaha nnddina nawi Ikabodi, ottaphullella wi, “Ntitimiho noovenyawo wa Aisraele!” Eerille ddiiddo kaambiiwa nibokosi na echipangano na Apwiya naari naakhiwe nave ekaamba ya okhwa wa attiitthinnya a mamune ni mamuneene.

1 Samuele 4:22

Mawaaye yaari yaayo awi, “Ntitimiho noovenyawo wa Aisraele vawi nibokosi na echipangano na Apwiya nohaakhiwa.”