1 Samuele 29:6 - Mawu a Mulluku

⁶ Akishi aamwiithana Davide amulleella wi, “Kinimallupella vamiitthoni va Apwiya Ookumi, weyaano wookhalla oororomelleya wa miyaano nave orumeyella wawo m'millokoni ddakhoto wookiddivella wunchichi. Kheyiivo yoolakwa kuuphwannyemina waambeella nllapo nenne wawiilleewe wuno ophiyera ollello. Koma mamwene mamodda khenuupaalla.

1 Samuele 29:6 ပူးပေါင်းရင်းမြစ်များ

2 Mamwene 19:27

Koma kinnadduwella nko onakhalleewe, erive ello oneereewe ni okishella murima wawo.

2 Samuele 3:25

Nyu amwene khamunamudduwella Abinere, mwaana a Nere? Olliyooyo aweellathi wuumarani muyeepe owiitthoni. Apaalla wi adduwelle okhuma ni ovollowa wanyu nave wi adduwelle nnddo muneereenyu.”

Masalimo 121:8

Apwiya eneerewuupwatha vookhumani ni voovollowani waambeella ollello wa enthawi yoohimalla.

1 Samuele 20:3

Koma Davide aallupellattho wi, “Kinimallupella vamiitthoni va Mulluku! Attiittho ennadduwella wi onnakeerella echifundo sika yaaganiza wi, ‘Yonatani ahidduwelle ddenndda woova wi ttuumoriwa ethakaraka.’ Koma vamiitthoni va Apwiya nave vamiitthoni vawo variyari va miyaano ni okhwa viri wonanko nnyallo nimodda.”

1 Petro 3:16

Nave mweere yeella mwawiithaallella ni moolemu. Khallani ni yawuupusella murima yaphaama wi mwaallotelliwaka epewe, ayo enallota ddoonanara dda makhallellwaanyu aphaama oomuttakihera Khrisitu, ewulliwe muru ekaamba ya ddoollota ddiwannddo.

1 Petro 2:12

Makhallellwaanyu variyari va athu oohimullapella Mulluku enaphwanella ekhalleke aphaama. Yaawiipakani mullatu wi nyuwaano tti aweera ddoonanara, yoone ddaweera ddanyu ddaphaama wi emutitimihe Mulluku va nllapo na owa waye.

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Yeremiya 12:16

Vano alliwa yahuddera phaama meetello a athwaaka nave yaamba ollupella mu nnddina naka wi, ‘Vamiitthoni va Apwiya Ookumi,’ wonanko mmo alliwa yaahuddihelliiwa ollupella mu nnddina na Baala, sika kineerewaakeraatthiha variyari va athwaaka.

Yesaya 65:16

Mwawi ddiiddo ooveka madaliso apaalle ollupella mu ellapweeyo aneereke ddennddo wa Mulluku awoona ekaamba yawi ddoohoosa ddaye ddakhalle ddootiwalliwa nave ddoovenyihiwavo vamiitthoni vaka.’ ”

Yesaya 37:28

Koma kinnadduwella nko onakhalleewe, erive ello oneereewe ni okishella murima wawo.

1 Samuele 29:3

Vano mamwene Aafilistaalle yaakoha wi, “Aheberaalla enaashawo tini wuno?” Akishi ahaakhulla wi, “Ollathi tti Davide, oorumeyella a Saulo mwene a Aisraele. Olliyoolla ookhalla ni miyaano mallapo manchichi apaalle keerehina muyakha. Ovenyera aweelleeye ophiyera ollello kheyiivo machimo ayo kimonneemina.”

1 Samuele 28:10

Koma Saulo aamulonjeza mutthiyanoolle moollupella wi, “Kinimallupella vamiitthoni va Apwiya wi, khollakiwa ekaamba ya ddenndda.”

Yoswa 22:30

Mullupa mukutho muullupalli Finehasi ni attekweene ayo aariiyena ayo yaari oohoollella a mabanja a Aisraele yiiwalle nnddo yallonte athu a nlloko na Rubeni, Gadi ni Manase yaahakallalla wunchichi.

Deuteronomo 10:20

Muwooveke Apwiya Mullukwaanyu ni waallapella yaayove ni owummellella nave mullupelleke mu nnddina niwave. Mukhalleke oororomelleya vamiitthoni viwa nave mullupelleke mu nnddina niwave.

Numeri 27:17

Muthooyo aahoollelleke vakhotoni nave aalamulelleke wi mullokwaanyu ohikhalle wonanko enkhosa ddoohikhalla ni mbusa.”

Genesis 16:6

Abramu ahaakhulla wi, “Olliyoolla tti kaporwaawo nave ari m'mattani mwawo sika ttuumweerella erive ello eyo onapaalleewe.” Sika Sarai ahaamba omuhoosa Hagara, ophiyera Hagarooyo aathawa.

1 Samuele 5:8

Vano yaawiithaniha mamwene mattheene matthanu a Afilisti yaakoha wi, “Neerena tini nibokosi na echipangano na Apwiya a Aisraele?” Athwaayo yahaakhulla wi, “Nibokosi nenna ninirumihe o Gati.” Vano yaarumiha nibokosi na echipanganonno wenko.

1 Samuele 29:7

Sika hokollowa naanweene vaava. Rowa ni murendelle woova wi mamwene a Afilisti eneerewuunanariwella.”