1 Samuele 29:3 - Mawu a Mulluku

³ Vano mamwene Aafilistaalle yaakoha wi, “Aheberaalla enaashawo tini wuno?” Akishi ahaakhulla wi, “Ollathi tti Davide, oorumeyella a Saulo mwene a Aisraele. Olliyoolla ookhalla ni miyaano mallapo manchichi apaalle keerehina muyakha. Ovenyera aweelleeye ophiyera ollello kheyiivo machimo ayo kimonneemina.”

1 Samuele 29:3 ပူးပေါင်းရင်းမြစ်များ

Daniele 6:5

Sika athwaalla yaallota wi, “Khanimuphwanyella mullatu Daniele naahimwaashera ekaamba va lamulo na Mullukwaaye.”

1 Samuele 27:7

Davide aakhalla wa Afilistinko muyakha mmodda ni miyeri misese.

1 Petro 3:16

Nave mweere yeella mwawiithaallella ni moolemu. Khallani ni yawuupusella murima yaphaama wi mwaallotelliwaka epewe, ayo enallota ddoonanara dda makhallellwaanyu aphaama oomuttakihera Khrisitu, ewulliwe muru ekaamba ya ddoollota ddiwannddo.

Aroma 12:17

Muthu mmodda aweerella yoonanara, ohimuhokolloselle yoonanara koma weeseeseke weera ddeko ddinooneya ni athu attheene wi tti ddaphaama.

Yohane 19:6

Nave allupa mukutho uullupalli ni akhoto yamoonilliiwa yaakhuwa wi, “Mutthomeyeni vamutandani! Mutthomeyeni vamutandani!” Pilato ahaalleella wi, “Nyu mumukuse mwamutthomeye vamutandani olliyooyo. Vawi miyaano nginaphwanya mullatu mwa olliyooyo.”

1 Samuele 25:28

Pepaani mukhululukelle machimo a miyaano kaporwaanyu. Ddawoona, Apwiya eneerokeraatthiha nibanja nanyu mu omwene vawi munnamuwanella ekhoto. Nave yoonanara khephwanyeya mwa nyuwaano okumaanyu muttheene.

1 Samuele 27:1

Vano Davide aaganiza m'murimani mwaye wi, “Nllapo nimodda Saulo aneerokiipha. Ettilla yaphaama wi kivulluwe tti yawi kithawelle wa Afilisti. Vano Saulo aneerohiya okaashaasha mu ellapo ya Israele nave kineerovulluwa m'mattani mwaye.”

1 Samuele 29:6

Akishi aamwiithana Davide amulleella wi, “Kinimallupella vamiitthoni va Apwiya Ookumi, weyaano wookhalla oororomelleya wa miyaano nave orumeyella wawo m'millokoni ddakhoto wookiddivella wunchichi. Kheyiivo yoolakwa kuuphwannyemina waambeella nllapo nenne wawiilleewe wuno ophiyera ollello. Koma mamwene mamodda khenuupaalla.

1 Epilli 12:19

Athu amodda a nlloko na Manase yaawa wa Davide mvo awiilleeye ni Afilisti voowanani ekhoto ni Saulo. Koma enthawi yeeyo Davide khawaakavihere Afilisti vawi oolamulelliiwa yaamuhokollosa ellota wi, “Olla ttuuhokollweella wa apwiyaaye Saulo ni onivelleella wa olliye.”

1 Epilli 12:20

Davide ahokollowelleeye o Zikilagi, athu a nlloko na Manase yaayaana nimodda. Amanasaayo yaari Adina, Yozabadi, Yediayele, Mikaele, Yozabadi, Elihu ni Ziletai, oohoollella a milloko dda akhoto 1,000 o Manase.

Genesis 14:13

Koma muthu mmodda athawille aawa nave amulleella ddittheddene Abramu, Muheberi. Abramu akhalla vakhuviru ni miteekho dda muthundu dda Mamure Muamori, mwanamunne a Eshikolo ni Anere ayo yiiwanana ni Abramu vakhotoni.

1 Samuele 4:6

Afilisti yiiwalle onyakulla wa okhuwanko yaallota wi, “Ethiyo okhuwa moollipiha omisasani dda Aheberinko tti wa tini?” Yahiiwa wi nibokosi na echipangano na Apwiya noophiya omisasaninko.

1 Samuele 14:11

Sika athu eellaalla yahiimella vaweella wi akhoto Aafilistaalle ewoone. Vano Afilisti yaallota wi, “Aheberi ahaamba okhuma m'mallitini yiipitthalliiwa.”