1 Samuele 28:7 - Mawu a Mulluku

⁷ Vano Saulo aalleella enduna ddaye wi, “Mukaashelle mutthiyana oyo anallota ni mitthowa wi kiye wa olliyooyo kakoherewo yawi keere.” Endunannddo ddamulleella wi, “O Endori wookhalla mutthiyana oyo anallota ni mitthowa.”

1 Samuele 28:7 ပူးပေါင်းရင်းမြစ်များ

Mitteko 16:16

Nllapo nimodda niyaaka o nipuro na mavekello, naakumana ni namwalli oyo aari mullupa mutteko nave oyo aari ni munepa woonanara oyo wamweeriha wi allotelleke dda muhoollo. Aanaaphwanyella apwinnya makobiri manchichi ni ollotella wayenko.

Masalimo 83:10

ayo yoonongiwe o Endori ni waatthattusa manyowa muthayani.

1 Epilli 10:13

Sika Saulo aakhwa ekaamba ya ohiroromelleya waye, khaawiiwellella Apwiya, mwawi khaasunga malamulo a Apwiya navettho aveka ezeru wa athu ayo yallota ni minepa dda athu ookhwa

Yoswa 17:11

Mu ellapo ya Isakara ni ya Ashere mwakhalla echigawo ya Manase yooromolliwa wi Betesheani vamodda ni matawoni oowaapheella. Vaakhallattho Akanani ayo yakhalla o Ibleamu, o Dori muzinda wa mukhwipi mwa enyanja, o Endori, o Taanaki ni o Megido ni matawoniiwa oowaapheella.

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Levitiko 19:31

“Muhinayaaka wa athu oollota ni minepa dda athu ookhwa apaalle wa amanyaka. Muhinawaashaashaka wi ehuuripiheni. Mi tti Apwiya Mullukwaanyu.

Yesaya 19:3

Kineerolepheliha ddoolinga dda Aiguputo mwawi eneerotathilla murima nave eneerekoveka ezeru wa mafano, oollota ni minepa, awoombesa ni amanyaka.

2 Mamwene 6:33

Elisha Olliye allotaka ni attekweenaayo, mwene aaphiya allota wi, “Yookatamiha yeella enavenyera wa Apwiya. Ethiyo yowaatiyerellattho Apwiya tti tini?”

1 Samuele 28:3

Enthawi yeella Samuele aari akhwille khalle nave Aisraele attheene emwinllelle nave emuvitthalle owaniwa o Rama. Vano Saulo aari aavenyihallewo athu oollota ni minepa owaakattho athu attheene awoombesa makhanga a mwiillaponimmo.