1 Samuele 28:6 - Mawu a Mulluku

⁶ Sika ahaaveka Apwiya yawi eere koma kheyaamwaakhullalle naari oweella muullohani, mwa allupa mukutho apaalle mwa anamallotella.

1 Samuele 28:6 ပူးပေါင်းရင်းမြစ်များ

1 Samuele 14:37

Vano Saulo aamukoha Mulluku wi, “Ethiyo naathware Afilistaalla? Ethiyo moonivaha ekari wi niwiiphe?” Koma Mulluku khaamwaakhullalle nllapo nenno.

Numeri 12:6

Nave yaallota wi, “Iwani mawaaka. Vakhalla namallotella variyari vanyumva, mi Apwiya kinnaddoonihella wa muthooyo oweella m'masomphenya nave kinnallotana oweella mu olloha.

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.

Numeri 27:21

Vano aneerekoya wa Eleazara oyo anaamulleelleke nnddo Apwiya enapaalliiwa mwawoombesa voopharihani mutteko Urimu ni Tumimu.* Mmu sika anaamuhoollellekeeye Yoswa ni Aisraele attheene.”

Yakobo 4:3

Nave mwaveka khamunaakhella kaambiiwa munaveka moonanara. Ddooveka ddanyu munapaalla ophariha mutteko va ddeko ddawuuhakallallihani.

Yohane 9:31

Ninnadduwella wi Mulluku khanawiiwellella athu oochimwa. Koma muthu mmodda aamullapellaka Mulluku nave aneera opaalla waye vano Mulluku annamwiiwellella.

Mateyu 1:20

Vano aganizeeye ello yeella, mungelo a Apwiya ahooneya wa Yosefe muullohani allota wi, “Yosefe, edduullu ya Davide, ohoove omutthella Mariya. Erukullu yeella tti ya masiva a Munepa Waweella.

Yeremiya 23:28

Namallotella alloha, atthopoollettho olloha wayenko. Koma oyo ari ni mawaaka, allalleye mawaakaayo mwawoona. Ethiyo mallulla ttuuphwanaphwana ni tirigu? Mi Apwiya koollota.

Deuteronomo 33:8

Aallota dda nlloko na Levi wi, “Apwiya, Urimu ni Tumimu* oonihe yoopaallaanyu oyeella mwa Alevi, oorumeyellaanyu oororomelleya. Mwaaweesa o Masa, mwaallipanana o maaddi a Meriba.

Eksodo 28:30

Mu yoowara ya vakhakaddaneeyo ohiyemo ddeko ddooromolliwa Urimu ni Tumimu* wi ddennddo ddikhalle vakhakaddani ya Aroni aawaaka wa mi Apwiya. Sika Aroni aawaaka vamiitthoni va mi Apwiya awareke enthawi ddittheddene yoowara ya vakhakaddani wi adduwelleke oweeruza phaama Aisraele.

Miyambo 27:1

Ohikotelleke ddoosiisello vawi khonadduwella nllapo nimoddanno ninaaphatuse tini?

Masalimo 74:9

Ezizindikiro ddahu ddittheddene ddohoonongeya, khaawo naari namallotella naari mmodda, khaavo naari mmodda variyari vahu oyo anadduwella enthawi ya omalla wa ddenndda.

Eksodo 28:20

Vamuzerani waneesese vikhalle malluku a berulo, onikisi ni jasipere nave ddittheddenennddo ddikhalle mu ddoohiyamo ddagolide.

Levitiko 8:8

Vano aamuwariha yoowara ya vakhakaddani nave mu yoowareeyo aahiyamo ddeko ddaweeriwa Urimu ni Tumimu.*

1 Samuele 28:5

Saulo oonille milloko ddakhotonnddo aatthukumella wawi ahoova wunchichi.

1 Samuele 28:15

Samuele aamukoha Saulo wi, “Kaambiiwa tini onakihooseewe vookikhumihani wi kiwe wuno?” Saulo ahaakhulla wi, “Koopaneya wunchichi vawi Afilisti aawa wi niwaneke nave Mulluku ookillutuwella, khanakaakhulla naari oweella mwa anamallotella apaalle muullohani. Ella sika ekaambiiwa kiwiithanilleemini wi mukilleelle yawi keere.”

2 Samuele 22:42

Yaakhuwa koma khaarivo naari mmodda aavullusalle, yaawinllella Apwiya koma kheyaawaakhullalle.

Yowele 2:28

“Vatulli viwa kineerohella munepaaka va athu attheene, aniinyu aallopwana ni aatthiyana eneerollotella, athu awuulluvalla eneerolloha, asombwe eneerewoona masomphenya.

Mika 3:7

Oollotella ddamuhoollo eneerowulliwa muru nave awoombesa eneerovevulliwa. Attheene eneeromaalleya kaambiiwa Mulluku khanawaakhulla.