1 Samuele 28:3 - Mawu a Mulluku

³ Enthawi yeella Samuele aari akhwille khalle nave Aisraele attheene emwinllelle nave emuvitthalle owaniwa o Rama. Vano Saulo aari aavenyihallewo athu oollota ni minepa owaakattho athu attheene awoombesa makhanga a mwiillaponimmo.

1 Samuele 28:3 ပူးပေါင်းရင်းမြစ်များ

1 Samuele 25:1

Samuele aakhwa nave Aisraele attheene yaatthukumana enamwinllella. Yaamuvittha owaniwa o Rama Davide aatimulla aya o echipululu ya Parani.

Levitiko 20:27

“Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”

Levitiko 19:31

“Muhinayaaka wa athu oollota ni minepa dda athu ookhwa apaalle wa amanyaka. Muhinawaashaashaka wi ehuuripiheni. Mi tti Apwiya Mullukwaanyu.

Eksodo 22:18

“Muthu aamutthiyana oweera ddookhwiri, iiphiwe.

1 Samuele 28:9

Mutthiyanooyo aallota wi, “Nyu muneerathi phudda nndda mudduwellaka nnddo eerille mwene Saulo. Keesa valle aawiikaramo mwiillaponimmu athu attheene oollota ni mitthowa ni awoombesa makhanga? Kaambiiwa tini munakireyeenyu musampha wi kiiphiwe?”

1 Samuele 15:23

Owukila tti ochimwa wonanko woombesa makhanga. Wiitukhulla tti ochimwa wonanko ollapella milluku ddooromolliwa terafimu. Vawi wookhoota weera nnddo Apwiya yuulleelliiwa, aaganizattho wi weyaano ohikhalle mwene.”

1 Samuele 7:17

Eeddiiddo aanahokollowella o Rama vawi sika waari owaniwa. Wenkottho aanaweeruzawo Aisraele nave ahaamakellawo Apwiya nikuwa.

Levitiko 20:6

“Muthu oollota ni minepa dda athu ookhwa apaalle amanyaka, anaddoonihella ohiroromelleya wa miyaano voowaathwarani alliwaayo, kineeromureya etulli nave kineeromuvenyiha variyari va Aisraele akhwaaye.

Eksodo 22:17

Koma attiitthinnya a namwallooyo yakhoota wi muthooyo ahimutthelle mwaniwooyo, muthooyo aneerollivellave makobiri anaalamuliweeye.