1 Samuele 27:12 - Mawu a Mulluku

¹² Nave Akishi aanamukhulupilila Davide vooganizani wi, “Davide ohiitthattusa muthu oonanara, awiitiwa ni athwaayeene Aisraele. Ekaamba ya yeella anaakhalle oorumeyellaaka okumaaye muttheene.”

1 Samuele 27:12 ပူးပေါင်းရင်းမြစ်များ

1 Samuele 13:4

Aisraele attheene yahiiwa wi Saulo oomwiipha akhoto muullupalli a Afilisti nave Afilisti ahaashella murima Aisraele. Athu yahiithaniwa wi eye wa Saulo o Giligala.

Genesis 34:30

Yakobo aamulleella Simeoni ni Levi wi, “Hii! Mookittatthamullella ekhoto nave mohunkhiha nnddina naka variyari va athu mwiillaponimmu, Akanani ni Aperezi. Miyaano nginna athu anchichi, sika alliwaalla yatthukumana wi ekihelle ekhoto, miyaano ni nibanja naka nittheene, attheene nineerewoonongiwa.”

Eksodo 5:21

Nave yahaalleella wi, “Apwiya yoone mweerilleenyunndda nave yuullakeni vawi mooninanariha vamiitthoni va Farao ni enduna ddaye. Nyuwaano sika muhiyalle nsupada m'mattani mwiwa wi eniiphe hiyaano.”

1 Samuele 27:11

Davide voowiiphani athu attheenaalle wohimuhiyawo naari mmodda mukumi, oova wi oohallooyo aneeroya allote o Gati wi, “Davide sika ananeera nndda. Davide aaneera ddenndda enthawi ettheene akhalleeye wa Afilistinko.”

1 Samuele 28:1

Enthawi emodda Afilisti yaatthukumaniha milloko dda akhoto ddiwa wi ddawane ni Aisraele. Vano Akishi aamulleella Davide wi, “Odduwellethi wi weyaano ni athwaawo munaaye mwakhalle ni miyaano okhotoninko.”

2 Samuele 10:6

Vano Aamoni yoonilliiwa wi aamullika Davide yahaaruma athu wi yaalembe mutteko Asiriya a o Beterehobu ni a o Zoba, akhoto aweeta vatthi 20,000. Yaamulembattho mwene a o Maaka ni athwaaye 1,000 owaakattho athu a o Tobu 12,000.