1 Samuele 27:1 - Mawu a Mulluku

¹ Vano Davide aaganiza m'murimani mwaye wi, “Nllapo nimodda Saulo aneerokiipha. Ettilla yaphaama wi kivulluwe tti yawi kithawelle wa Afilisti. Vano Saulo aneerohiya okaashaasha mu ellapo ya Israele nave kineerovulluwa m'mattani mwaye.”

1 Samuele 27:1 ပူးပေါင်းရင်းမြစ်များ

Yesaya 51:12

Apwiya enallota wi, miyaano meekhaaka sika kinuukhurumusani murima. Ethiyo nyu ttaani wi mumooveke muthu oyo anaakhwe, mwaana a muthu ookhalla enthawi yooyeva wonanko manasi?

1 Samuele 23:17

Yonatani aamulleella Davide wi, “Ohoove, attiitthaaka khewiipha. Oneerokhalla mwene a Aisraele nave miyaano kineerokhalla aneepiilli wa weyaano. Attiitthaaka ennadduwellattho ddenndda.”

Miyambo 13:12

Ello yootiyerella yaselliwa ennakukhumulla mwiilli koma yoopaalleya yakwakhwanihiwa tti muteekho wa okumi.

Masalimo 116:11

Kooveemi, kaallota wi, “Athu tti oohiroromelleya.”

1 Samuele 29:2

Mamwene a Afilisti yahoonlliiwa ni akhoto m'millokoni dda athu 100 ni m'millokoni dda athu 1,000, Davide ni athwaaye yahanlle mutulli ni Akishi.

1 Samuele 25:30

Nyu apwiyaaka, Apwiya eneeroweerellani ddaphaama ddittheddene nnddo yuulonjezilliiwani nave eweerani wi mukhalle mwene a Aisraele.

1 Samuele 22:5

Nllapo nimodda namallotella Gadi aamulleella Davide wi, “Muhinakhalla mumpandanimmu. Venyanimoni muye o ellapo ya Yuda.” Davide aavenyawo avollowa muutthakoni wa Hereti.

1 Samuele 16:13

Samuele aakusa yookusellamo makhura, amuzoza vamiitthoni va asinne. Nave Munepa wa Apwiya waamuvollowa Davide mwamasiva waambeella nllapo nenno oya muhoollo. Vatulli viwa Samuele aatimulla oya o Rama.

1 Samuele 16:1

Apwiya yaallota wa Samuele wi, “Ethiyo onaakhalle omwinllellaka Saulo ophiyera niini vawi koomukhoota wi ahikhalle mwene owaalamulella Aisraele? Oddallihe makhura mu yookusellaaweeyo. Oye wa Yese o Betelehemu vawi kohiiphwanyella mwene variyari va anaaye aallopwana.”

Eksodo 14:12

Ethiyo hiyaano nihinavenye o Iguputo, khenaawuulleelleni khalle dda ddenndda? Hiyaano naallota wi, ‘Munihiye, nikhalleve akaporo a Aiguputo.’ Ddeerokhalla phaama wa hiyaano okhallave akaporo ohiyana ni wi nikhwelle o echipululu wuno.”

2 Akorinto 7:5

Naari naphiyalleehu o Masedoniya khanaawiithuuwalle. Ddoohoosa ddaari virive veko. Vaakhalla okangana ni athu amodda navettho woova m'mirimani ddahu.

Mariko 4:40

Nave Yesu aallota wa oohudderaaye wi, “Kaambiiwa tini munooveenyu? Khamunnave echikhulupililo?”

Mateyu 14:31

Enthawi yeeyo Yesu ahookolla nnatta naye amuphara amulleella wi, “We muthu eechikhulupililo yooyeva! Kaambiiwa tini wakayikeewe?”

Numeri 14:3

Kaambiiwa tini Apwiya enanivollochihiiwa mu ellapo yeeyo wi niiphiwe okhotoni? Awarihu ni aniihu eneeropharelliwa wuukaporoni. Ethiyo khokhalla phaama wi nihokollweelle o Iguputo?”

1 Samuele 26:19

Nyu apwiyaaka amwene, apellani maaru nnddo kinaallote mi mullupa muttekwaanyu. Yaarimi eri Apwiya eweerihalleni wi mukiwukile onapaalleya waapepesa ni mukutho. Koma yaarimi eri athu, Apwiya yaatembelele vawi aakiikariha wi kihikhallekena mu yoohallana ya Apwiya koma wi kallapelleke milluku ddimodda.

1 Samuele 29:3

Vano mamwene Aafilistaalle yaakoha wi, “Aheberaalla enaashawo tini wuno?” Akishi ahaakhulla wi, “Ollathi tti Davide, oorumeyella a Saulo mwene a Aisraele. Olliyoolla ookhalla ni miyaano mallapo manchichi apaalle keerehina muyakha. Ovenyera aweelleeye ophiyera ollello kheyiivo machimo ayo kimonneemina.”

1 Samuele 20:3

Koma Davide aallupellattho wi, “Kinimallupella vamiitthoni va Mulluku! Attiittho ennadduwella wi onnakeerella echifundo sika yaaganiza wi, ‘Yonatani ahidduwelle ddenndda woova wi ttuumoriwa ethakaraka.’ Koma vamiitthoni va Apwiya nave vamiitthoni vawo variyari va miyaano ni okhwa viri wonanko nnyallo nimodda.”

1 Mamwene 12:26

Vano Yerobowamu aallota m'murimani mwaye wi, “Vano omwene oneerohokollweella wa edduullu dda Davide.

1 Mamwene 12:28

Vano Yerobowamu aganizalle ddenndda, aasema mafano agolide meelli a asaanaang'ombe. Nave ahaalleella athu wi, “Mookhalla muyaaka o Yerusalemu woollapella wa enthawi yoorekama. Nyu Aisraele attheene, milluku ddanyu dduukhumihalleni mu ellapo ya Iguputo tti nndda.”

1 Mamwene 19:3

Sika Eliya ahoova nave aathawa wi avulluse okumaaye. Aaphiya o Beeresheba, muzinda wa o Yuda, amuhiya oomurumeyellaaye wenko.

2 Epilli 25:17

Vano Amaziya mwene a o Yuda ahiiwellella malangizo nave ahaaruma amithenga wa Yowashi, mwaana a Yehowahazi, mwaana a Yehu, mwene a o Israele yallota moomullika wi, “Owe noonane vamiitthoni ni vamiitthoni.”

Masalimo 55:7

Ddawoona, keerothawella wuuteete wi kakhalle muchipululuni.