1 Samuele 26:5 - Mawu a Mulluku

⁵ Vano Davide aatimulla enthawi yeeyo aya aphiya omisasani wa Saulo. Nave ahoona mvo Saulo akonilleeye ni Abinere mwaana a Nere, akhoto muullupalli a Saulo. Saulooyo akona muwari mwa musasa mmo mwaari muwari mwa misasa dda akhotwaaye.

1 Samuele 26:5 ပူးပေါင်းရင်းမြစ်များ

1 Samuele 17:55

Saulo amonne Davide ayaaka woowana ekhoto ni Mufilistoolle, aamukoha Abinere, akhoto muullupalli wi, “Ethiyo weyaano Abinere, musomboolla tti mwaana awani?” Abinere ahaakhulla wi, “Pepaani amwene, nginamudduwella”

1 Samuele 17:20

Vano Davide aatimulla ohinase, amuhiyera muthu mmodda enkhosa ddaye wi addichiheke. Aakusa ddoochannddo moollikana ni mmo yamulleellelliiwa attiitthinnya. Aphiyalle omisasaninko enthawi eyo akhotwaayo yatthattanniiwa enakhuwella dda ekhoto.

1 Epilli 9:39

Nere aamuyara Kishi, Kishi aamuyara mwene Saulo. Mwene Saulo aamuyara Yonatani, Malikishuwa, Abinadabu ni Eshibaala.

2 Samuele 3:27

Vano Abinere ahokollweelleeye o Hebroni, Yowabu aamukusella vakhwipi waatamella va mullako wa etawoneeyo, anakhalla wonanko anaaka akambiranena ddeko ddawi athu amodda ehiiwe. Vano Yowabu aamuhoma Abinere vamirimani, akhwella vaavo. Yowabu enre ddenndda kaambiiwa Abinere aamwiipha Asahele mwanamunne a Yowabu.

1 Samuele 9:1

Vaakhalla muthu oovuwa oovenyera o nlloko na Benjamini nnddina naye Kishi, mwaana a Abiyele, mwaana a Zerori, mwaana a Bekorati, mwaana a Afiya.

1 Samuele 26:4

Davide ahaaruma athu wi yazonde nave yahoona wi Saulo oophiya.