1 Samuele 26:11 - Mawu a Mulluku

¹¹ Koma wakhalla wooworeya Apwiya ekikavihere wi kihimweerelle yoonanara mwene, oozoziwa ni Apwiya. Koma vano nikuse nivaka ni muno wa maaddi nnddo ddiri omuruni waye nave niroweke.”

1 Samuele 26:11 ပူးပေါင်းရင်းမြစ်များ

1 Samuele 24:6

Vano ahaalleella athwaaye wi, “Wakhalla wooworeya Apwiya ekikavihere wi kihimweerelle yoonanara mwene Saulo, apwiyaaka oozoziwa* ni Apwiya. Kihinamuvoreya vawi tti oozoziwa ni Apwiya.”

1 Samuele 24:12

Apwiya sika enaawoonihe wi oolakwa ttaani variyari va nyuwaano ni miyaano. Apwiya yuuhokolloselleni ddoonanara ekaamba ya nndda munakeerelleenyu. Koma miyaano ngiweerellani erive ello yoovoreya.

2 Samuele 1:16

Vano Davide aallota wi, “Oddiiphihalle weekha vawi waallota wi, ‘Kaamwiipha oozoziwa a Apwiya.’ ”

2 Samuele 1:14

Davide aamukohattho wi, “Yahiwoovihalle tti tini owiipha apwiya, oozoziwa* ni Apwiya?”

Aroma 12:17

Muthu mmodda aweerella yoonanara, ohimuhokolloselle yoonanara koma weeseeseke weera ddeko ddinooneya ni athu attheene wi tti ddaphaama.

Aroma 12:19

Ookondiwaaka, muhihokolloselleke yoonanara koma m'muhiyere Mulluku ahokolloselle moollikana ni osha murima waye. Vawi aallota mu mawaaye wi, “Ohokollosella ddoonanara tti waaka, miyaano sika kinallaka.”

1 Petro 3:9

Muhimuhokolloselleke mukhwiinyu yoonanara aweerellani yoonanara apaalle omutembelela olliye uutembelelani koma mumuhokolloselleke madaliso wi Mulluku uudaliseni wonanko alonjezilleeye awiithanneeyeni.

1 Samuele 24:4

Vaavo athu a Davidaalle yaamulleella wi, “Enthawi yookwakhwana elle Apwiya yuulleelliiwani wi, ‘Kineerewuuvaha ekari wi waagonjihe adanaawo.’ ” Vano Davide aatimulla mwawiitta aya aphadda echigamba otthoka wa mukanjo wa Saulo olliye ahidduwellaka.

1 Samuele 12:3

Kuukoheni apaalle yookhallavo eyo kichimwalleemi wa nyuwaano? Yaarivo kiivaanyiheni vamiitthoni va Apwiya ni va mwenaanyu oozoziwa.* Ethiyo ttaani kamwaakhillekeemivo eng'ombe? Ttaani kamwaakhillekeemivo bulu? Ttaani kamoottotthillekeemivo apaalle omuhoosa. Ethiyo kaakhenlle ddamukaphwani ddawani wi mullatwaaye weete phaama? Oyo anaavelleelle omboni wawoona, kineeromuhokollosella ddittheddene kakusalleemi.”

2 Samuele 19:22

Koma Davide aamwaakhulla wi, “Mi kiri ni tini ni nyuwaano anamwani a Zeruya? Ttaani uutthoonlleni wi mukilleelleke ayo yenre ddoonanara? Ollellova, miyaano sika kiri Aisraele nave khaavo mu Israele oyo anaawiiphiwe.”

Masalimo 17:4

Voohipwathani makhallello a athu amodda, kinniiwellella mawu a muwano mwanyu, nginathwara ettilla dda athu awaanganyera.