1 Samuele 26:10 - Mawu a Mulluku

¹⁰ Nave Davide ahaalleella wi, “Kinnadduwella wi Apwiya sika enaamwiiphe apaalle nllapo naye nakwakhwana wi akhwe apaalle aniiphiwe okhotoni.

1 Samuele 26:10 ပူးပေါင်းရင်းမြစ်များ

Deuteronomo 31:14

Apwiya yaallota ni Mose wi, “Enthawi ya okumaawo ehanlle yooyeva. Mwiithane Yoswa nave muwe o musasa wamutthukumano wi kimuvollochihe munipuroni mwawo.” Sika Mose ni Yoswa yaaphiya o musasa wamutthukumano.

Genesis 47:29

Vano ari vakhuviru okhwa, aamwiithana Yosefe amulleella wi, “Waarimi okikondaka, okiphare muwari mwa kasambaraakammu nave ollupelle wi oneerokeerella echifundo ni ororomelleya navettho wi mutembwaaka ohivitthiwe o Iguputo wuno.

Aroma 12:19

Ookondiwaaka, muhihokolloselleke yoonanara koma m'muhiyere Mulluku ahokolloselle moollikana ni osha murima waye. Vawi aallota mu mawaaye wi, “Ohokollosella ddoonanara tti waaka, miyaano sika kinallaka.”

Masalimo 37:13

Koma Apwiya ennamuttheya oonanarooyo, vawi ennoona wi nllapo naye nawoonongeya niri vakhuviru.

1 Samuele 31:6

Sika Saulo, anaaye araru, ootukhulla ezida ni akhotwaaye anchichi yaakhwella nimodda nllapo nenno.

1 Samuele 25:38

Viviralle mallapo khumi Apwiya yaamwiipha Nabala.

1 Samuele 25:26

Vano apwiyaaka, tti Apwiya ayo yuuvaanyihalleni wi muhiwiiphe adanaanyu ni mattaanyu. Kinnallupella vamiitthoni va Apwiya wi adanaanyu attheene enapaalla oweerellani yoonanara ellakiwe wonanko Nabala.

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Yawuupullulla 18:8

Ekaamba ya yeella millilli ddineerommorella va nllapo nimodda, ereta winlla ni ettalla. Nave aneerewoosiwa ni munllo, kaambiiwa Apwiya Mulluku, ayo enamweeruza olliyooyo, tti amasiva.”

Aheberi 9:27

Arive muthu anakhwa omodda nave vatulli viwa aneeruziwa.

Luka 18:7

Koma Mulluku aneeroweeruzella millatu wi ddiweetelle phaama athu ootthoolliwaaye ayo enamuveka otthaana ni mahiiyu wi ddiweetelle phaama. Nave khaselliha nikavihero naye.

Oollalleya 3:2

Vookhalla enthawi yooyariwa ni enthawi yookhwa, enthawi yawaalla ni enthawi yootulla ddawaallannddo.

Masalimo 94:23

Aneerewaahokollosella ddoonanara ddiwa, aneerowoononga ekaamba ya machimwiiwa. Ddawoona, Apwiya Mullukwaahu, eneerewaatthollosa.

Masalimo 37:10

Mwa enthawi yooyeva muthu oonanara khakhallawo, naari muwehesese vanipuroni mvo aariiye, khamumphwanyavo.

Yobu 14:14

Ethiyo muthu akhwa ttuukhallattho ni okumi? Kineerotiyerella mallapo mattheene a ohoosiwa waka, ophiyera ottaphulliwa waka ophiyalle.

Yobu 14:5

Mallapo a muthu tti aweerengeya, echiwerengero ya miyeri ddaye eri ni nyuwaano. Mwaamulembella maliraaye, khawora waallupha.

Yobu 7:1

“Ethiyo muthu khanakhallella osenda miino veellaponimva, mallapwaaye kheri wonanko a aganyu?

1 Samuele 24:15

Ekaamba ya yeella Apwiya eneereweeruza wi ooneye oolakwa variyari va nyuwaano ni miyaano. Eneerokiteteza nave eneerewooniha echilungamwaaka vookivullusani wa nyuwaano.”

Aheberi 10:30

Vawi ninnadduwella wi Mulluku aallota wi awaallaka ni waahokollosella. Mawu a Mulluku yaallotattho wi Apwiya eneeroweeruza athwiiwa.

1 Samuele 24:12

Apwiya sika enaawoonihe wi oolakwa ttaani variyari va nyuwaano ni miyaano. Apwiya yuuhokolloselleni ddoonanara ekaamba ya nndda munakeerelleenyu. Koma miyaano ngiweerellani erive ello yoovoreya.

1 Samuele 25:39

Vano Davide iiwalle wi Nabala ookhwa aallota wi, “Etitimiheye Apwiya ayo emuhokolloselle yoonanara Nabala va epewe akeerelleeye nave wi yaakivaanyiha miyaano wi kiheere yoonanara. Apwiya aamuhokollosella Nabala mitteko ddaye ddoonanara.” Vano Davide ahaaruma athwaaye wi yamukohelle Abigaile nibanja wi akhalle mwaariye.

1 Samuele 31:4

Nave Saulo aamulleella ootukhulla ezida ddaye ddakhoto wi, “Hullulla nsupada nawo, okihomena, woova wi oohiphaddiwa ttuukihoma nave ttuukittheelliha.” Koma ootukhulla ezidooyo, aakhoota vawi aamoova. Sika Saulo aakusa nsupada naye, amorellavo.