1 Samuele 25:8 - Mawu a Mulluku

⁸ Mwaakohe allupa muttekwaanyu eneerewuulleellani emoddamoddave yeeyo. Sika muweerelle ddaphaama athwaakaayo vawi niwiille enthawi ya ehakallallo. Mwaavahe athwaakaayo ni miyaano mukhwiinyu Davide, erive ello eyo munaakhalleenyuna.’ ”

1 Samuele 25:8 ပူးပေါင်းရင်းမြစ်များ

Estere 9:19

Koma Ayuda a m'mizi, ookhalla m'mizindani ddoohikhalla ni mipanda ddawiitetezella wa adani, ennasunga nllapo na khumi ni sese na mweeri wa Adara okhalla nllapo noohakallalla, na machellello ni nawiithuuwa. Nave va nllapo nna ennarumihellana emphaso.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Oollalleya 11:2

Kawa eyuuma ezigawo dditthanu ni piilli apaalle dditthanu ni raru vawi khonadduwella otulli oyo onaamore vatthimva.

Estere 9:22

vawi yaari mallapo ayo Ayuda yiittaphullalliiwa ovenyera wa adaniiwa. Sika mweeri wa Adara waari mweeri oyo ethakaraka ni winlla ddatthattuwalliiwa ohakallalla. Mordekai ahaalleellattho wi mallapo yaalla ekhalleke a ehakallallo ni a machellello voorumihellana ddoocha ddaphaama navettho waavaha emphaso athu oohoowa.

1 Samuele 24:11

Attiitthaaka, ngayooneni echigamba ya otthoka wa mukanjwaanyu ella eri m'mattani mwaka. Vano mudduwelle wi m'murimani mwaka khamuri yoopaalla weera yoolakwa apaalle wuuwukilani vawi koophadda echigamba ya mukanjwaanyu koma wohiwiiphani. Miyaano nguulakwenlleni ello naari nyuwaano mukaashaashaka wi mukiiphe.

1 Samuele 3:6

Vano Apwiya yaamwiithanattho Samuele. Samuele aavenya aya wa Eli allota wi, “Koowa, kohiiwa wiithana.” Eli amulleella wi, “Mwanaka ngiwiithanille, khawe wakonaatthi.”

1 Samuele 25:9

Vano athu a Davidaalle yaaphiya, emutthopoollella Nabala mawu mattheene Davide aalleelleeye. Nave yaamutiyera Nabala wi awaakhulle.