1 Samuele 25:39 - Mawu a Mulluku

³⁹ Vano Davide iiwalle wi Nabala ookhwa aallota wi, “Etitimiheye Apwiya ayo emuhokolloselle yoonanara Nabala va epewe akeerelleeye nave wi yaakivaanyiha miyaano wi kiheere yoonanara. Apwiya aamuhokollosella Nabala mitteko ddaye ddoonanara.” Vano Davide ahaaruma athwaaye wi yamukohelle Abigaile nibanja wi akhalle mwaariye.

1 Samuele 25:39 ပူးပေါင်းရင်းမြစ်များ

Miyambo 22:23

Vawi Apwiya eneerewaateteza va mullatwiiwa nave eneerowaakha okumi ayo enawaakha.

1 Samuele 25:34

Apwiya Mulluku a Aisraele sika akivaanyihalle wi kihuuvoreyeni. Kinimallupella vamiitthoni va Mulluku Ookumi. Mwahaakuvalleke okumana ni miyaano voophiyani ohinase, allopwana attheene a Nabala yaakhalle yiiphiwe.”

1 Samuele 25:26

Vano apwiyaaka, tti Apwiya ayo yuuvaanyihalleni wi muhiwiiphe adanaanyu ni mattaanyu. Kinnallupella vamiitthoni va Apwiya wi adanaanyu attheene enapaalla oweerellani yoonanara ellakiwe wonanko Nabala.

Masalimo 7:16

Sika ddoonanara ddiwa ddinnaarukunuwella, ekukwiiwa ennaahokollweella aneeniiwa.

1 Mamwene 2:44

Mwene aamulleellattho Shimei wi, “Onnadduwella m'murimani mwawo ddeko ddittheddene ddoonanara waweerelleewe attiitthaaka Davide. Sika Apwiya eneerewuuhokollosella ddoonanara ddawo vamuruni vawo.

1 Samuele 25:32

Vaavo Davide aamulleella Abigaile wi, “Nyu moowe, etitimiheye Apwiya Mulluku a Aisraele ayo yuurumalleni wi mukumane ni miyaano ollello.

1 Samuele 24:15

Ekaamba ya yeella Apwiya eneereweeruza wi ooneye oolakwa variyari va nyuwaano ni miyaano. Eneerokiteteza nave eneerewooniha echilungamwaaka vookivullusani wa nyuwaano.”

2 Timoteo 4:18

Nave Apwiya eneerokaakiha o erive yoonanara navettho eneerokivollochiha phaama mu omwene wooddullu. Wa olliye okhalle ntitimiho wa enthawi yoohimalla. Amen.

1 Atesalonika 5:23

Nave Mulluku amurendelle aweelliheni nyuwaano mu erive ello navettho munepaanyu, okumaanyu ni mwiillaanyu ddihikhalle ni erive yoolakwa yaawaaka Apwiya Yesu Khrisitu.

Mika 7:9

Kinaphwanella ovillella owalli wa Apwiya kaambiiwa kahaachimwella ophiyera yiiwalle mullatwaaka ni owukamulla. Koma vatulli viwa eneerokivollochiha mu owala nave kineerewoona ovullusa wiwa.

Nchipo na Solomoni 8:8

Nookhallana murokorihu mung'onong'ono, khanna naari mapelle. Ethiyo nimweerelle tini murokorihu va nllapo na okoheriwa waye?

Miyambo 31:30

Ekhove yookusa murima tti yoolleka, oreera wiwa khonallekella koma mutthiyana oowoova Apwiya sika anariihiwa.

Miyambo 31:10

Ethiyo ttaani anamphwanye mutthiyana aphaama? Tti ookhwaranya malluku oowallamella mutengo?

Miyambo 19:14

Muthu annahallana enyumba ni eyuuma ovenyera wa makhollwaaye koma mutthiyana eezeru tti emphaso ya Apwiya.

Miyambo 18:22

Oyo amuphwanyille mutthiyana oophwanya ello yaphaama nave Apwiya aamweerella echifundo.

Estere 7:10

Sika athwaayo yaamumakellella Hamani vamuteekhoni wawiimakellellavo oyo apotokosihalleeye wi amumakellellevo Mordekai. Vatulli viwa murima wa mwene waakeraattheya.

Oweeruza 5:2

“Etitimiheye Apwiya, vawi oohoollella a Aisraele yaahoollella, athu yahiivelleella.”

2 Akorinto 13:7

Ninnavekella wa Mulluku wi muhichimweke. Khahiyo wi hiyaano nnooniha wi tti aphaama koma wi mweereke ddaphaama naari amodda enoonaka wonanko oolephela.

1 Samuele 25:40

Athu a Davidaalle yaaphiya wa Abigaile o Karimele emulleella wi, “Amwene Davide sika enirumalle wi nuukuseni mwakhalle amwaariwa.”

1 Samuele 26:10

Nave Davide ahaalleella wi, “Kinnadduwella wi Apwiya sika enaamwiiphe apaalle nllapo naye nakwakhwana wi akhwe apaalle aniiphiwe okhotoni.

2 Samuele 1:16

Vano Davide aallota wi, “Oddiiphihalle weekha vawi waallota wi, ‘Kaamwiipha oozoziwa a Apwiya.’ ”

Estere 9:25

Koma Estere aphiyalleeye vamiitthoni va mwene, mwenooyo aalamula voolembani wi ddoopaalla owoononga Ayuda nnddo ekeraatthihalle Hamani, ddimmorelle yeekha nave wi Hamanooyo ni anaaye aallopwana emakellelliwe vamuteekhoni.

Masalimo 9:5

Moohumullulla mitundu ddittheddene, moowoononga athu oonanara, khewa yuupuwelliwa wa enthawi yoohimalla.