1 Samuele 25:31 - Mawu a Mulluku

³¹ Enthawi yeeyo khamumoriwaka ethakaraka apaalle ohoowa m'murimani mwanyu kaambiiwa mwahaahokollosella ddoonanara ni owiipha athu oohichimwa. Nave Apwiya yaaweerellakani ddaphaamanndda muhinakitiwalla miyaano kaporwaanyu.”

1 Samuele 25:31 ပူးပေါင်းရင်းမြစ်များ

Genesis 40:14

Komathi okuupuwelle, ddeko ddaweetella phaama. Pepaani wakeerelle echifundo voomulleellani Farao dda miyaano wi kikhumemo mundendenimmu.

Aroma 12:19

Ookondiwaaka, muhihokolloselleke yoonanara koma m'muhiyere Mulluku ahokolloselle moollikana ni osha murima waye. Vawi aallota mu mawaaye wi, “Ohokollosella ddoonanara tti waaka, miyaano sika kinallaka.”

2 Akorinto 1:12

Ninnakotella wi yawuupusella murimaahu ennanisimikizella wi naakhalla moolungama ni moororomelleya makamaka nakhalleehu ni nyuwaano. Khanaawerille nndda oweella mu ezeru dda athu koma oweella mu echisomo ya Mulluku.

Aroma 14:21

Tti waphaama ohicha enama, ohimuwirya vinyo apaalle weera erive ello yoowaachimwiha asinninyu ni arokorinyu.

Luka 23:42

Nave aallota wa Yesu wi, “Yesu, mwakuupuwelle mwawa muphiya mu omwenaanyu!”

Masalimo 94:1

Nyu Apwiya, tti Mulluku oohokollosella ddoonanara, nyu Mulluku oohokollosella ddoonanara, ddoonihelleni.

2 Samuele 22:48

Mulluku sika akikavihere wi kihokolloselle ddoonanara ni ogonjiha mitundu ddimodda.

1 Samuele 26:23

Apwiya enamudalisa muthu oororomelleya ni aweera ddaphaama. Apwiya yaakivaha ekari wi kiwiipheni koma ngaapanlle owiiphani nyuwaano mwene oozoziwa.

1 Samuele 25:40

Athu a Davidaalle yaaphiya wa Abigaile o Karimele emulleella wi, “Amwene Davide sika enirumalle wi nuukuseni mwakhalle amwaariwa.”

1 Samuele 25:33

Mulluku uudaliseni ekaamba ya ezeru nnddo moonihalleenyu ollello vookihiihani wi kihimorihe nikhame ni ohokollosella ddoonanara ni mattaaka.

1 Samuele 24:15

Ekaamba ya yeella Apwiya eneereweeruza wi ooneye oolakwa variyari va nyuwaano ni miyaano. Eneerokiteteza nave eneerewooniha echilungamwaaka vookivullusani wa nyuwaano.”

1 Samuele 25:30

Nyu apwiyaaka, Apwiya eneeroweerellani ddaphaama ddittheddene nnddo yuulonjezilliiwani nave eweerani wi mukhalle mwene a Aisraele.