1 Samuele 25:29 - Mawu a Mulluku

²⁹ Athu yuuwukilani enawaashaashani wi ewiipheni, Apwiya Mulluku eneerewuuvitthani wonanko muthu anavitthelleeye eyuuma. Koma okumi wa adanaanyu eneerowutathilla wonanko muthu anavokhelleeye nlluku ni yoovokhella malluku.

1 Samuele 25:29 ပူးပေါင်းရင်းမြစ်များ

Yohane 17:21

Attiitthaaka, kinavekella wi attheene ekhalle amodda. Wonanko nyuwaano, munakhalla ni miyaano ni miyaano kinakhalla mwa nyuwaano, alliwattho ekhalle mwa hiyaano wi athu ellapo yavatthi yaakhulupilila wi mwaakiruma.

Malaki 3:17

Vano Apwiya Amasiva Mattheene yaallota wi, “Athu yaayo enaakhalle aaka, enaakhalle aakaaka va nllapo nno kinaanikhozeemi.” Kineeroweerella echifundo wonanko mmo muthu anamweerelleeye echifundo mwanaye oyo anamwiiwellella.

Yeremiya 10:18

Apwiya enallota wi, “Vano kineerewaavenyihamo athu attheene mwiillaponimmu. Kineerewuunyenyani ophiyera naari mmodda a nyuwaano khakhallavo oovulluwa.”

Masalimo 116:15

Okhwa wa athu oororomelleya a Apwiya, tti woowallamella mutengo vamiitthoni viwa.

1 Petro 1:5

Yaayo tti aanyu, ayo enasungiwa ni masiva a Mulluku oweella mu echikhulupililo wi mwaakhelle ovullusa nko onatiyera wi wuupullulliwe va enthawi yoomallihella.

Yohane 17:23

Miyaano mwa alliwa nave nyuwaano mwa miyaano wi ekwakhwanelle okhalla amodda wi athu a ellapo yavatthi edduwelle wi mwaakiruma miyaano nave wi munnaakonda wonanko mmo munakikondelleenyu miyaano.

Masalimo 66:9

Olliye oosunga okumaahu, khaakhullenlle wi manyallwaahu eserenguwe.

1 Samuele 2:9

Ennateteza okumi wa athu owaaroromella alliwa koma athu oonanara eneerewaakhurumusa mwiipiphini vawi khaavo muthu anaapambane ni masivaaye.

Deuteronomo 33:29

We Israele, ori oodala! Oophwanaphwana ni we ttaani? Mutundu woovullusiwa ni Apwiya, yawuutetezaawo ni nsupada nawo, ayo enuuvullusa ni wuupambaniha! Adanaawo eneerewuukokhorella, koma we oneerewaanyingallella vatthi.

Genesis 15:1

Ddimanlle nndda, Apwiya yaamooneyella Abramu mu masomphenya. Yaamulleella wi, “Ohoove Abramu, mi tti echishangwaawo. Yoothuviwaawo enaakhalle yuullupalli.”

Yohane 14:19

Yoohalla enthawi yooyeva nave athu a va ellapo yavatthi khewa ekoonattho miyaano koma nyuwaano muneerokoona miyaano kaambiiwa miyaano tti mukumi wa enthawi yoohimalla muneerokhalla akumi wa enthawi yoohimalla.

2 Samuele 4:8

Vano muru wa Ishiboshetoolle yaayaana wa Davide o Hebroni. Yaamulleella wi, “Olla khohiyo muru wa Ishibosheti, mwaana a Saulo, mudanaanyu apaalla owiiphanoolle. Ollello Apwiya aamuhokollosella Saulo ni edduullu ddaye ekaamba ya nyuwaano, apwiya.”

Masalimo 54:3

Athu eelleto aakiwukila, athu eekuku enaashaasha okumaaka, alliwa khenaganiza dda Mulluku.

Yobu 27:22

Ennamoopa moohimmorella ethakaraka olliye vaweeseesani othawa mwawaakuva.