1 Samuele 25:28 - Mawu a Mulluku

²⁸ Pepaani mukhululukelle machimo a miyaano kaporwaanyu. Ddawoona, Apwiya eneerokeraatthiha nibanja nanyu mu omwene vawi munnamuwanella ekhoto. Nave yoonanara khephwanyeya mwa nyuwaano okumaanyu muttheene.

1 Samuele 25:28 ပူးပေါင်းရင်းမြစ်များ

2 Samuele 7:11

ni ovenyera enthawi elle kaatthoollilleemi oweeruza athwaaka Aisraele. Sika kineerowiithuuwiha wa adanaawo attheene. Sika kinimuulonjeza wi mi Apwiya kineerokeraatthiha nibanja nawo.

1 Samuele 18:17

Nllapo nimodda Saulo aamulleella Davide wi, “Waakirumeyellaka miyaano voowanani ekhoto ya Apwiya moollipihella, kineerowinnya Merabi, mwanaka awaamba wi omutthelle.” Saulo aganiza wi, “Kihimwiiphe Davide meekhaami koma iiphiwe ni Afilisti.”

1 Epilli 17:25

Nyu Mullukwaaka, mookiwululella mi oorumeyellaanyu wi muneerokeraatthiha nibanja naka. Sika miyaano oorumeyellaanyu koollipa murima wi kuuvekelleni.

1 Samuele 24:11

Attiitthaaka, ngayooneni echigamba ya otthoka wa mukanjwaanyu ella eri m'mattani mwaka. Vano mudduwelle wi m'murimani mwaka khamuri yoopaalla weera yoolakwa apaalle wuuwukilani vawi koophadda echigamba ya mukanjwaanyu koma wohiwiiphani. Miyaano nguulakwenlleni ello naari nyuwaano mukaashaashaka wi mukiiphe.

1 Epilli 17:10

ni ovenyera enthawi elle kaatthoollilleemi oweeruza athwaaka Aisraele nave kohaagonjiha adanaawo attheene. Sika kinimuulonjeza wi mi Apwiya kineerokeraatthiha nibanja nawo.

1 Mamwene 9:5

vaavo kineerokeraatthiha mpandwaawo woomwene wowaalamulella Aisraele wa enthawi yoohimalla monga kalonjezilleemi wa Davide attiittho wi, ‘Khaviwa virama muthu a mu nibanja nawo oyo anaakhalleke va mpando woomwene nave analamulella Israele.’

2 Samuele 7:16

Vano kineerokeraatthiha nibanja nawo ni omwenaawo wa enthawi yoohimalla vamiitthoni vaka. Ddawoona, kinallota wi omwenaawo oneerokhalla wa enthawi yoohimalla.’ ”

Luka 23:47

Akhoto muullupalli a o Roma oonilleeye ddeereyillennddo aamutitimiha Mulluku allota wi, “Ddawoona, muthoolla aari oolungama!”

Luka 23:41

Hiyaanothi ninnaphwanella ollakiwa kaambiiwa ninaakhella ollikana ni ddaweera ddahu koma olliyoolla khenre yoonanara.”

Mateyu 5:16

Emoddamoddave yeeyo owala wanyu wooneyeke vamiitthoni va athu wi vawoonani mitteko ddanyu ddaphaama yaatitimihe Attiitthaanyu ooddullu.

Masalimo 89:29

Kineerokeraatthiha edduullu ddaye wa enthawi yoohimalla, mpandwaaye woomwene wonanko mallapo ooddullu.

1 Mamwene 15:5

Apwiya yaheera ddenndda kaambiiwa Davide aaneera ddaphaama nave khaakhootille erive ello yamulamulalliiwa mallapo mattheene a okumaaye opatula mwaha wa Uriya Muhiti.

2 Samuele 7:27

“Nyu Apwiya Amasiva Mattheene, Mulluku Aisraele, mookiwululella mi oorumeyellaanyu wi muneerokeraatthiha nibanja naka. Sika miyaano oorumeyellaanyu koollipa murima wi kivekelle wa nyuwaano.

2 Samuele 5:2

Ovenyera khalle naari Saulo aariiye mwenaahu nyuwaano mwaanaahoollella Aisraele okhotoni. Nave Apwiya yaallota ni nyuwaano wi, ‘Oneerokhalla wonanko mbusa a athwaaka Aisraele nave oneerokhalla mwene a Aisraele.’ ”

1 Samuele 25:24

Ahinavenye aallota wi, “Apwiya mullatu okhalle waaka. Mukaakhullelle miyaano kaporwaanyu wi killote ni nyuwaano nave mwiiwellelle mawaaka.

1 Samuele 24:17

Aamulleella Davide wi, “We tti oolungama okikhwaranya miyaano. Vawi wookeerella ddaphaama miyaano kiweerellaka ddoonanara.

1 Samuele 17:47

Nave athu attheene etthukumannaalla eneerodduwella wi Apwiya khenavullusa ni nsupada apaalle nivaka. Apwiya sika mwaneena ekhoto nave eneerewuuvelleellani m'mattani mwahu.”

1 Samuele 15:28

Samuele aamulleella wi, “Apwiya ahaahulla omwene wa Aisraele ovenyera wa nyuwaano ollello ewuuvelleella wa mukhwiinyu aphaama wuukhwaranyani nyuwaano.

2 Epilli 20:15

Olliye aallota wi, “Ngiiwani, nyu Ayuda attheene ni athu a mu Yerusalemu ni nyuttho mwene Yehoshafati, Apwiya enallota ni nyu wi, ‘Muhoove nave muhitathille murima ni waata wa athu vawi ekhotweella khe yaanyu koma ya Mulluku.

1 Samuele 2:35

Vatulli viwa kineeromutthoolla mullupa mukutho oyo anaakhalle oororomelleya wa miyaano ni weera nnddo ddiri m'murimani mwaka ni ddoopaalla ddaka. Kineeromwinnya edduullu nnddo ddinaarumeyelleke vamiitthoni va mwenaaka oozoziwa enthawi ddittheddene.

1 Samuele 22:14

Koma Ahimeleki aamwaakhulla mwene wi, “Apwiya, ttaani mwa oohoollella ekhoto attheene oyo ari oororomelleya wonanko Davide? Olliyoolle tti mukamwenaanyu, oohoollella akhoto awuutetezani navettho muthu ooriiheya mwa athu attheene eri mu enyumbaanyu.

1 Samuele 24:4

Vaavo athu a Davidaalle yaamulleella wi, “Enthawi yookwakhwana elle Apwiya yuulleelliiwani wi, ‘Kineerewuuvaha ekari wi waagonjihe adanaawo.’ ” Vano Davide aatimulla mwawiitta aya aphadda echigamba otthoka wa mukanjo wa Saulo olliye ahidduwellaka.

1 Samuele 30:26

Davide aphiyalle o Zikilagi ahaarumihella akhwaaye ni oohoollella a Ayuda ddawaakha okhotoni, anamulleella arive muthu wi, “Akhellani emphaso ddanyu nnddo naakhilleehu wa adani a Apwiya.”

Masalimo 7:3

Apwiya Mullukwaaka, kaarimi kenre ddenndda kimuchimwenlle arive muthu,

Numeri 23:21

Kheyiivo yoonanara yooneyille mwa Yakobo, apaalle yookatamiha ephwanyeyille mwa Israele. Apwiya Mullukwiiwa ari ni alliwa, erina okhuwa wi olliye tti mweniiwa.

1 Samuele 24:21

Lonjeza wi Apwiya ekhalle mbonaawo wi khawiipha naari edduullu ddaka miyaano kakhwa wi nnddina naattiitthaaka nihitiwalleye.”

1 Samuele 29:3

Vano mamwene Aafilistaalle yaakoha wi, “Aheberaalla enaashawo tini wuno?” Akishi ahaakhulla wi, “Ollathi tti Davide, oorumeyella a Saulo mwene a Aisraele. Olliyoolla ookhalla ni miyaano mallapo manchichi apaalle keerehina muyakha. Ovenyera aweelleeye ophiyera ollello kheyiivo machimo ayo kimonneemina.”

1 Mamwene 15:3

Abiya aaneera ddoonanara ddittheddene nnddo attiitthinnya yeeriiwa. Khaawiiwellelle Apwiya Mulluku ohiyana ni Davide nikhollo naye.